ತೆಂಗಿನಕಾಯಿ ಎಣ್ಣೆಯ ಉಪಯೋಗದಿಂದ ಹತ್ತು ಹಲವು ಲಾಭಗಳಿವೆ. ಕೇವಲ ಅಡುಗೆಗೆ ಮಾತ್ರವಲ್ಲದೆ ನಮ್ಮ ದೇಹದ ಚರ್ಮ ಮತ್ತು ಕೂದಲಿಗೂ ಸಹ ಇದರ ಉತ್ತಮ ಪ್ರಯೋಜನಗಳು ಲಭ್ಯವಾಗುತ್ತವೆ. ತೆಂಗಿನೆಣ್ಣೆಯಲ್ಲಿ ಇರುವ ಔಷಧೀಯ ಗುಣವು ದೇಹದ ವಿವಿಧ ಆರೋಗ್ಯ ಸಮಸ್ಯೆಗಳನ್ನು ನಿವಾರಿಸಲು ಸಹಾಯ ಮಾಡುವುದು. ಆಹಾರಗಳ ತಯಾರಿಕೆಯಲ್ಲಿ ವಿವಿಧ ಬಗೆಯ ಅಡುಗೆ ಎಣ್ಣೆಗಳನ್ನು ಬಳಸುತ್ತಾರೆ.
ದಕ್ಷಿಣ ಭಾರತ ಮತ್ತು ಕರಾವಳಿ ತೀರದಲ್ಲಿ ಬಹುತೇಕ ಜನರು ತೆಂಗಿನ ಎಣ್ಣೆಯನ್ನು ಆಹಾರ ತಯಾರಿಕೆಗೆ ಬಳಸುತ್ತಾರೆ. ಆಹಾರ ತಯಾರಿಸಲು ಕೊಬ್ಬರಿ ಎಣ್ಣೆ ಬಳಸಿದರೆ, ಅದು ಹೆಚ್ಚಿನ ಶಾಖದ ತಾಪಮಾನದಲ್ಲಿಯೂ ಅಡುಗೆ ಸುರಕ್ಷಿತವಾಗಿ ಉಳಿಯಲು ಕಾರಣವಾಗುತ್ತದೆ. ಸಾಮಾನ್ಯ ಅಡುಗೆಯಲ್ಲಿ ಇತರ ತರಕಾರಿ ಜನ್ಯ ಎಣ್ಣೆಗಳಂತೆ, ಕೊಬ್ಬರಿ ಎಣ್ಣೆ ಹಾನಿಕಾರಕ ಉಪ ಉತ್ಪನ್ನಗಳನ್ನು ರೂಪಿಸುವುದಿಲ್ಲ.
ಆರೋಗ್ಯಕರ ಗುಣಗಳು
ತೆಂಗಿನ ಎಣ್ಣೆ ಸುಮಾರು 100ರಷ್ಟು ಪ್ರತಿಶತ ಕೊಬ್ಬನ್ನು ಒಳಗೊಂಡಿದೆ. ಶೇ.90ರಷ್ಟು ಸ್ಯಾಚುರೇಟೆಡ್ ಕೊಬ್ಬುಗಳಿವೆ. ತೆಂಗಿನೆಣ್ಣೆಯನ್ನು ಶೀತ ಅಥವಾ ತಂಪಾದ ವಾತಾವರಣದಲ್ಲಿ ಇಟ್ಟಾಗ ದಪ್ಪವಾದ ವಿನ್ಯಾಸ ಪಡೆದುಕೊಳ್ಳುವುದು. ಕೊಬ್ಬಿನ ಆಮ್ಲಗಳು ಸಣ್ಣ ಅಣುಗಳಿಂದ ಕೂಡಿರುತ್ತದೆ. ತೆಂಗಿನ ಎಣ್ಣೆಯಲ್ಲಿ ವಿಟಮಿನ್ ಇ, ಸಮೃದ್ಧವಾದ ನಾರಿನಂಶ, ಖನಿಜಗಳು, ಜೀವಸತ್ವಗಳಾದ ಎ,ಡಿ,ಇ ಮತ್ತು ಕೆ ಅನ್ನು ಹೀರಿಕೊಳ್ಳಲು ಸಹಾಯ ಮಾಡುವುದು.
ಹೃದಯದ ಆರೋಗ್ಯ
ತೆಂಗಿನ ಎಣ್ಣೆಯಲ್ಲಿ ನೈಸರ್ಗಿಕ ಸ್ಯಾಚುರೇಟೆಡ್ ಕೊಬ್ಬುಗಳಿವೆ. ಅದು ದೇಹದಲ್ಲಿ ಆರೋಗ್ಯಕರ ಕೊಲೆಸ್ಟ್ರಾಲ್ ಮಟ್ಟವನ್ನು ಹೆಚ್ಚಿಸುತ್ತದೆ. ತೆಂಗಿನ ಎಣ್ಣೆಯನ್ನು ಇತರ ಕೊಬ್ಬುಗಳಿಗೆ ಹೋಲಿಸಿದರೆ ಆರೋಗ್ಯಕರ ಕೊಬ್ಬನ್ನು ಒಳಗೊಂಡಿದೆ. ತೆಂಗಿನ ಎಣ್ಣೆಯನ್ನು ನಿಯಮಿತವಾಗಿ ಸೇವಿಸಿದರೆ ರಕ್ತ ಪರಿಚಲನೆ ಸುಧಾರಿಸುವುದು. ಲಿಪಿಡ್ ಮಟ್ಟವು ಸುಧಾರಣೆಯಾಗುತ್ತದೆ. ಜೊತೆಗೆ ಹೃದಯ ಸಂಬಂಧಿ ರೋಗವನ್ನು ಕಡಿಮೆ ಮಾಡುವುದು.
ಹಸಿವನ್ನು ಕಡಿಮೆ ಮಾಡುತ್ತದೆ
ತೆಂಗಿನೆಣ್ಣೆಯಿಂದ ತಯಾರಿಸಿದ ಆಹಾರಗಳು ಬಹು ಬೇಗ ಹಸಿವಾಗುವುದನ್ನು ತಡೆಯುತ್ತದೆ. ಜೊತೆಗೆ ಚಯಾಪಚಯ ಕ್ರಿಯೆಯನ್ನು ಸುಧಾರಿಸುವುದು. ತೂಕ ಇಳಿಸಲು ತೆಂಗಿನೆಣ್ಣೆ ಸಹಾಯ ಮಾಡುವುದು. ತೂಕ ಹೆಚ್ಚಳದಿಂದ ಉಂಟಾಗುವ ಆರೋಗ್ಯ ಸಮಸ್ಯೆಯನ್ನು ನಿಯಂತ್ರಣದಲ್ಲಿ ಇಡುತ್ತದೆ.
ಫಲವತ್ತತೆಗೆ ಸಹಾಯ ಮಾಡುತ್ತದೆ
ಆಹಾರದಲ್ಲಿ ಅಥವಾ ಆಹಾರ ತಯಾರಿಕೆಗೆ ತೆಂಗಿನೆಣ್ಣೆಯನ್ನು ಬಳಸಿದರೆ ಯೋನಿಯ ಆರೋಗ್ಯ ಸುಧಾರಿಸುವುದು. ಪಿಹೆಚ್ ಮಟ್ಟವನ್ನು ಸುಧಾರಿಸಲು ಸಹಾಯ ಮಾಡುವುದು. ಉತ್ತಮ ಫಲವತ್ತತೆಯನ್ನು ಕಾಪಾಡುತ್ತದೆ. ಗರ್ಭಕೋಶಕ್ಕೆ ಸಂಬಂಧಿಸಿದ ಆರೋಗ್ಯ ಸಮಸ್ಯೆಯನ್ನು ನಿವಾರಿಸುವುದು.
ಜೀರ್ಣ ಕ್ರಿಯೆಗೆ ಸಹಾಯ
ತೆಂಗಿನ ಎಣ್ಣೆಯಲ್ಲಿ ಮಧ್ಯಮ ಸರಪಳಿಯ ಕೊಬ್ಬಿನಾಮ್ಲಗಳಿವೆ. ಅವು ನೈಸರ್ಗಿಕ ನಂಜು ನಿರೋಧಕಗಳಾಗಿವೆ. ಇದನ್ನು ಆಹಾರ ತಯಾರಿಕೆಯಲ್ಲಿ ಬಳಸಿದರೆ ಹೊಟ್ಟೆಯಲ್ಲಿ ಇರುವ ಕೆಲವು ಕೆಟ್ಟ ಬ್ಯಾಕ್ಟೀರಿಯಾಗಳನ್ನು ಕೊಲ್ಲಲು ಸಹಾಯ ಮಾಡುತ್ತದೆ. ಕ್ಲೋರೈಡ್ ಉತ್ಪಾದನೆಯಲ್ಲಿ ದೇಹಕ್ಕೆ ಸಹಾಯ ಮಾಡುವುದು. ಹೊಟ್ಟೆಯಲ್ಲಿ ಉತ್ಪತ್ತಿಯಾಗುವ ಆಮ್ಲವನ್ನು ಸಮತೋಲನದಲ್ಲಿ ಇಡುವುದು. ಜೊತೆಗೆ ಅನ್ನನಾಳಕ್ಕೆ ಉಂಟಾಗುವ ಹಾನಿಯನ್ನು ತಡೆಯುವುದು.
ಅಧಿಕ ತಾಪಮಾನಕ್ಕೆ ಒಗ್ಗುವುದು
ತೆಂಗಿನ ಎಣ್ಣೆಯಿಂದ ಅಡುಗೆ ತಯಾರಿಸುವುದರಿಂದ ಅಡುಗೆಯ ರುಚಿ ಮತ್ತು ಆರೋಗ್ಯ ಗುಣವು ಹೆಚ್ಚುವುದು. ಆಹಾರವನ್ನು ಹುರಿಯುವಾಗ ಎಣ್ಣೆಯನ್ನು ಅಧಿಕ ಪ್ರಮಾಣದಲ್ಲಿ ಕಾಯಿಸಿಕೊಂಡರೂ ಯಾವುದೇ ಹಾನಿ ಉಂಟಾಗದು. ಹೊಗೆಯ ಬಿಂದು 400 ಡಿಗ್ರಿ ತಾಪಮಾನದಲ್ಲಿ ಹುರಿಯಲು ಉತ್ತಮ ಆಯ್ಕೆ ಆಗುವುದು. ಆಹಾರ ಬೇಯಿಸುವುದು ಮತ್ತು ಹುರಿಯಲು ಸಹಾಯ ಮಾಡುವುದು.
