ಭೂಮಿ ಮೇಲೆ ವಾಸಿಸುವ ಎಲ್ಲಾ ಜೀವಿಗಳ ಪಾಲಿಗೂ ನೀರು ಅತ್ಯಂತ ಪ್ರಧಾನ ದ್ರವ ಪದಾರ್ಥ. ನೀರು ಇಲ್ಲದಿದ್ದರೆ ಯಾವ ಕೆಲಸವೂ ನಡೆಯುವುದಿಲ್ಲ. ಮನುಷ್ಯನ ಜೀವನಕ್ಕೆ ನೀರು ಬೇಕೇ ಬೇಕು, ಮಳೆಗಾಲದಲ್ಲಿ ಬಾಯಾರಿಕೆಯಾಗುವುದು ಕಡಿಮೆ.
ಕಾರಿನ ಗಾಜು ಒಡೆದು 33 ಲಕ್ಷ ದರೋಡೆ ಪ್ರಕರಣ: ಓಜಿ ಕುಪ್ಪಂ ಗ್ಯಾಂಗ್ ಕೈವಾಡ! ಓರ್ವ ಅರೆಸ್ಟ್!
ನೀರಿನಿಂದಲೇ ನೂರು ರೋಗಗಳನ್ನು ಗುಣಪಡಿಸಬಹುದು. ಎಲ್ಲರಿಗೂ ತಿಳಿದಿರುವಂತೆ ದೇಹವನ್ನು ಆರೋಗ್ಯವಾಗಿಟ್ಟುಕೊಳ್ಳಲು ಹೆಚ್ಚಾಗಿ ನೀರು ಕುಡಿಯುವಂತೆ ವೈದ್ಯರು ಶಿಫಾರಸು ಮಾಡುತ್ತಾರೆ. ಏಕೆಂದರೆ ದೇಹದ ಪ್ರತಿಯೊಂದು ಅಂಗವೂ ಸರಿಯಾಗಿ ಕಾರ್ಯನಿರ್ವಹಿಸಲು ನೀರು ಕುಡಿಯುವುದು ಅತ್ಯಗತ್ಯ.
ಸರಿಯಾದ ಪ್ರಮಾಣದಲ್ಲಿ ನೀರು ಕುಡಿಯುವುದರಿಂದ ದೇಹದ ವಿಸರ್ಜನಾ ಪ್ರಕ್ರಿಯೆಯು ಸಾಮಾನ್ಯವಾಗಿರುತ್ತದೆ. ದೇಹದಲ್ಲಿ ಸಂಗ್ರಹವಾಗಿರುವ ಅನಗತ್ಯ ತ್ಯಾಜ್ಯ ವಸ್ತುಗಳನ್ನು ತೆಗೆದುಹಾಕಲು, ವಿಸರ್ಜನಾ ಪ್ರಕ್ರಿಯೆಯನ್ನು ಅಂದರೆ ಮಲ ಮತ್ತು ಮೂತ್ರವನ್ನು ಸರಿಯಾಗಿ ಹೊರ ಹಾಕಲು ನೀರು ಕುಡಿಯಬೇಕಾಗುತ್ತದೆ
ಆದರೆ ನೀರು ಕುಡಿಯುವಾಗ ಕೆಲವು ನಿಯಮಗಳನ್ನು ಪಾಲಿಸಬೇಕು. ದೇಹದ ಬಾಯಾರಿಕೆಯು ದೇಹದ ಒಳಗಿನ ಕಥೆಯನ್ನು ಸಹ ಹೇಳುತ್ತದೆ. ಆದ್ದರಿಂದ, ದೇಹಕ್ಕೆ ಶಕ್ತಿಯನ್ನು ನೀಡುವ ನೀರನ್ನು ಕುಡಿಯುವ ಮುನ್ನ ಕೆಲವು ವಿಚಾರಗಳನ್ನು ನೆನಪಿಟ್ಟುಕೊಳ್ಳುವುದು ಬಹಳ ಮುಖ್ಯ.
ಅನೇಕ ಸಂದರ್ಭಗಳಲ್ಲಿ ಮೂತ್ರ ವಿಸರ್ಜನೆಯ ನಂತರ ಕೆಲವರಿಗೆ ತಕ್ಷಣವೇ ಬಾಯಾರಿಕೆಯಾಗುತ್ತದೆ. ಇದರ ಪರಿಣಾಮದಿಂದಾಗಿ ಅನೇಕ ಮಂದಿ ಮೂತ್ರ ವಿಸರ್ಜನೆ ಮಾಡಿದ ತಕ್ಷಣ ನೀರು ಕುಡಿಯುತ್ತಾರೆ.
ಕೆಲವರಿಗೆ ಬಾಯಾರಿಕೆ ಇಲ್ಲದಿದ್ದರೂ, ಮೂತ್ರ ವಿಸರ್ಜನೆಯ ನಂತರ ಸ್ವಲ್ಪ ನೀರನ್ನು ಕುಡಿಯುತ್ತಾರೆ. ಏಕೆಂದರೆ ಅನೇಕ ಮಂದಿ ಮೂತ್ರ ವಿಸರ್ಜನೆಯು ದೇಹದಲ್ಲಿರುವ ನೀರನ್ನು ಹೊರಹಾಕಲ್ಪಡುತ್ತದೆ ಎಂದು ಭಾವಿಸುತ್ತಾರೆ. ಆದ್ದರಿಂದ ಈ ಕೊರತೆಯನ್ನು ನೀಗಿಸಿಕೊಳ್ಳಲು ನೀರು ಕುಡಿಯುತ್ತಾರೆ. ಇದು ಆರೋಗ್ಯಕ್ಕೆ ಕೂಡ ಒಳ್ಳೆಯದು ಎಂದು ಕೆಲವರು ಹೇಳುತ್ತಾರೆ.
ಆದರೆ ಮತ್ತೊಂದೆಡೆ, ಮೂತ್ರ ವಿಸರ್ಜನೆ ಮಾಡಿದ ತಕ್ಷಣ ಬಾಯಾರಿಕೆಯಾಗುವುದು ಅಥವಾ ನೀರು ಕುಡಿಯುವುದು ಒಳ್ಳೆಯದಲ್ಲ ಎಂದು ಕೆಲವರು ಹೇಳುತ್ತಾರೆ. ಇದರಿಂದ ಮೂತ್ರಪಿಂಡಕ್ಕೆ ಹಾನಿ ಉಂಟಾಗುತ್ತದೆ. ಅಲ್ಲದೇ ಇದು ಕಿಡ್ನಿ ಸ್ಟೋನ್ನಿಂದ ಕೂಡ ಉಂಟಾಗಬಹುದು ಎನ್ನುತ್ತಾರೆ ತಜ್ಞರು. ನೀರು ಕುಡಿಯುವಾಗ ಗಮನಿಸಬೇಕಾದ ಮುಖ್ಯ ವಿಚಾರವೆಂದರೆ, ನಿಮ್ಮ ದೇಹವನ್ನು ಆಲಿಸುವುದು. ಅಂದರೆ ಸಾಧ್ಯವಾದಾಗಲೆಲ್ಲಾ ನೀರು ಕುಡಿಯುವುದು. ಮೂತ್ರ ವಿಸರ್ಜನೆಯ ನಂತರ ಬಾಯಾರಿಕೆಯಾದಾಗ ನೀವು ಸುರಕ್ಷಿತವಾಗಿ ನೀರು ಕುಡಿಯಬಹುದು ಎಂದು ತಜ್ಞರು ಹೇಳಿದ್ದಾರೆ.
ಮೂತ್ರ ವಿಸರ್ಜನೆ ಮಾಡಿದ ತಕ್ಷಣ ನೀರು ಕುಡಿಯುವುದರಿಂದ ಮೂತ್ರಪಿಂಡದ ಕಾಯಿಲೆ ಉಂಟಾಗುತ್ತದೆ ಎಂಬ ಕಲ್ಪನೆ ಸಂಪೂರ್ಣವಾಗಿ ತಪ್ಪು. ಇದು ಸಂಪೂರ್ಣವಾಗಿ ವ್ಯಕ್ತಿಯ ದೇಹದ ಜಲಸಂಚಯನವನ್ನು ಅವಲಂಬಿಸಿರುತ್ತದೆ.
ಆದರೆ ಮೂತ್ರ ವಿಸರ್ಜನೆಯ ನಂತರ ನಿಮಗೆ ಬಾಯಾರಿಕೆಯಾಗದಿದ್ದರೆ, ಅನಗತ್ಯವಾಗಿ ನೀರು ಕುಡಿಯುವ ಅಗತ್ಯವಿಲ್ಲ. ಬಾಯಾರಿಕೆಯಾಗದಿದ್ದರೂ ನೀರು ಕುಡಿಯಬೇಕೆಂದು ಬಲವಂತವಾಗಿ ನೀರು ಕುಡಿಯುವುದು ತಪ್ಪು. ಆದರೆ ಹೆಚ್ಚಾಗಿ ನೀರು ಕುಡಿಯುವುದರಿಂದ ನಮ್ಮ ಹೃದಯ ಮತ್ತು ಮೂತ್ರಪಿಂಡಗಳು ಉತ್ತಮವಾಗಿ ಕೆಲಸ ಮಾಡುತ್ತವೆ
