ಕೆನಡಾ ದೇಶದ ಉಪಪ್ರಧಾನಿ ಕ್ರಿಸ್ಟಿಯಾ ಫ್ರೀಲ್ಯಾಂಡ್ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ. ಈ ನಿರ್ಧಾರದಿಂದ ಕೆನಡಾ ಪ್ರಧಾನಿ ಜಸ್ಟಿನ್ ಟ್ರುಡೊಗೆ ದೊಡ್ಡ ಹಿನ್ನಡೆಯಾಗಿದೆ. ಉಪಪ್ರಧಾನಿ ಹುದ್ದೆಯ ಜೊತೆಗೆ ಹಣಕಾಸು ಖಾತೆಯನ್ನು ಹೊಂದಿದ್ದ ಫ್ರೀಲ್ಯಾಂಡ್, ವರ್ಷಗಳ ಕಾಲ ಟ್ರೂಡೊ ಸರ್ಕಾರದಲ್ಲಿ ಅತ್ಯಂತ ಪ್ರಭಾವಶಾಲಿ ಸಚಿವರಾಗಿದ್ದರು. ಆದರೆ ಇದೀಗ ಏಕಾಏಕಿ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ. ಈ ಮೂಲಕ ಕಳೆದ 4 ವರ್ಷಗಳಲ್ಲಿ ಟ್ರಡೋ ಸರ್ಕಾರದಿಂದ ಹೊರಬಂದ ಎರಡನೇ ಹಣಕಾಸು ಸಚಿವೆ ಆಗಿದ್ದಾರೆ.
ಕೆನಡಾದ ಎಲ್ಲಾ ಸರಕುಗಳು ಮತ್ತು ಸೇವೆಗಳ ಮೇಲೆ 25% ಲೆವಿಯನ್ನು ಸ್ಲ್ಯಾಪ್ ಮಾಡುವುದಾಗಿ ಅಮೆರಿಕದ ನೂತನ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಕಳೆದ ತಿಂಗಳು ನೀಡಿದ ಹೇಳಿಕೆಯಿಂದ ಕೆನಡಾ ಮತ್ತು ಯುಎಸ್ ನಡುವಿನ ಸಂಬಂಧ ಹಳಸಿದೆ.
ನಮ್ಮ ದೇಶ ಇಂದು ಗಂಭೀರ ಸವಾಲನ್ನು ಎದುರಿಸುತ್ತಿದೆ. ಯುನೈಟೆಡ್ ಸ್ಟೇಟ್ಸ್‌ನಲ್ಲಿನ ಆಡಳಿತವು ಆಕ್ರಮಣಕಾರಿ ಆರ್ಥಿಕ ರಾಷ್ಟ್ರೀಯತೆಯ ನೀತಿಯನ್ನು ಅನುಸರಿಸುತ್ತಿದೆ. ಇದರಲ್ಲಿ 25% ಸುಂಕಗಳ ನೀತಿಯೂ ಸೇರಿದೆ. “ನಾವು ಆ ಬೆದರಿಕೆಯನ್ನು ಅತ್ಯಂತ ಗಂಭೀರವಾಗಿ ತೆಗೆದುಕೊಳ್ಳಬೇಕಾಗಿದೆ” ಎಂದು ಟ್ರಂಪ್ ಹೇಳಿದ್ದಾರೆ.
ರಾಜೀನಾಮೆ ಕುರಿತು ತಮ್ಮ ಎಕ್ಸ್‌ ಖಾತೆಯಲ್ಲಿ ಪೋಸ್ಟ್ ಮಾಡಿರುವ ಕ್ರಿಸ್ಟಿಯಾ ಕೆನಡಾದ ಪ್ರಧಾನಿಗೆ ಸುದೀರ್ಘ ರಾಜೀನಾಮೆ ಪತ್ರ ಬರೆದಿದ್ದಾರೆ. ಟ್ರೂಡೊ ಅವರು ತನಗೆ ಹಣಕಾಸು ಸಚಿವೆಯ ಬದಲು, ಸಂಪುಟದಲ್ಲಿ ಮತ್ತೊಂದು ಪಾತ್ರವನ್ನು ನೀಡುವುದಾಗಿ ಹೇಳಿದ್ದಾರೆ ಎಂದು ಅವರು ಪತ್ರದಲ್ಲಿ ಉಲ್ಲೇಖಿಸಿದ್ದಾರೆ.
“ಪ್ರಧಾನಿ ಅವರಿಂದ ಇಂತ ಹೇಳಿಕೆ ಬಂದ ಕಾರಣ, ನಾನು ಸಂಪುಟಕ್ಕೆ ರಾಜೀನಾಮೆ ನೀಡುವುದು ಪ್ರಾಮಾಣಿಕ ಮತ್ತು ಕಾರ್ಯಸಾಧ್ಯವಾದ ಮಾರ್ಗ ಎಂದು ತೀರ್ಮಾನಿಸಿದೆ. ಒಬ್ಬ ಮಂತ್ರಿಯು ಪರಿಣಾಮಕಾರಿಯಾಗಲು, ಪ್ರಧಾನ ಮಂತ್ರಿಯ ಪರವಾಗಿ ಮತ್ತು ಅವರ ಸಂಪೂರ್ಣ ವಿಶ್ವಾಸದಿಂದ ಮಾತನಾಡಬೇಕು. ನೀವು ನಿರ್ಧಾರವನ್ನು ಮಾಡುವಾಗ, ನಾನು ಇನ್ನು ಮುಂದೆ ನಿಮ್ಮ ವಿಶ್ವಾಸವನ್ನು ಆನಂದಿಸುವುದಿಲ್ಲ ಮತ್ತು ಅದರೊಂದಿಗೆ ಬರುವ ಅಧಿಕಾರವನ್ನು ಹೊಂದಿದ್ದೇನೆ ಎಂದು ನೀವು ಸ್ಪಷ್ಟಪಡಿಸಿದ್ದೀರಿ, ”ಎಂದು ಅವರು ಬರೆದಿದ್ದಾರೆ.
“ಕಳೆದ ಹಲವಾರು ವಾರಗಳಿಂದ, ಕೆನಡಾದ ಮುಂದಿರುವ ಉತ್ತಮ ಮಾರ್ಗದ ಕುರಿತು ನಿಮ್ಮ ಮತ್ತು ನನ್ನ ನಡುವೆ ಹಲವು ಭಿನ್ನಾಭಿಪ್ರಾಯಗಳು ಮೂಡಿದ್ದವು” ಎಂದು ಫ್ರೀಲ್ಯಾಂಡ್ ಟ್ರುಡೊಗೆ ಹೇಳಿದರು. ಆದರೆ ಅವರ ರಾಜೀನಾಮೆಗೆ ಪ್ರಧಾನ ಮಂತ್ರಿ ಕಚೇರಿಯು ಇನ್ನೂ ಯಾವುದೇ ಸಾರ್ವಜನಿಕ ಪ್ರತಿಕ್ರಿಯೆ ನೀಡಿಲ್ಲ.
