ಕೋಲಾರ:-ಕಳೆದ ಒಂದು ವಾರದಿಂದ ಟೊಮೆಟೊ ಗೆ ಸಿಕ್ಕಾಪಟ್ಟೆ ಡಿಮ್ಯಾಂಡ್ ಬಂದಿದೆ. ಕಳೆದ ವರ್ಷ ಇದೇ ಸಮಯದಲ್ಲಿ ಟೊಮೆಟೊಗೆ ಚಿನ್ನದ ಬೆಲೆ ಬಂದು ದಾಖಲೆಯ ಮಟ್ಟದಲ್ಲಿ ಮಾರಾಟವಾಗಿತ್ತು. ಅಂದರೆ ಸುಮಾರು 2000 ರಿಂದ 2700 ರವರೆಗೂ ಮಾರಾಟವಾಗಿ ಎಲ್ಲರನ್ನೂ ಅಚ್ಚರಿಗೊಳಿಸಿತ್ತು. ಈ ವರ್ಷ ಸಹ ಟೊಮೆಟೊ ಫಸಲು ಕಡಿಮೆ ಇರುವ ಕಾರಣ ಜೊತೆಗೆ ಇಷ್ಟು ದಿನ ತಾಪಮಾನ ಇದುದ್ದರಿಂದ ಟೊಮೆಟೊ ಅವಕ ಕಡಿಮೆ ಬರುತ್ತಿದೆ.
Shivakumar: ನಮ್ಮ ರೈತರ ಹಿತಕಾಯಲು ಕೆರೆ ತುಂಬಿಸುವ ಕಾರ್ಯಕ್ಕೆ ಕ್ರಮ: DK ಶಿವಕುಮಾರ್!
ಇತ್ತೀಚೆಗೆ ಟೊಮೆಟೊಗೆ ವೈರಸ್ ರೋಗ ಕಂಡು ಬರುತ್ತಿರುವುದರಿಂದ ಬೆಳೆ ಇಲ್ಲದೆ ಟೊಮೆಟೊ ಅವಕ ಕಡಿಮೆಯಾಗುತ್ತಿದೆ. ಟೊಮೆಟೊ ಬೆಲೆ ಏರಿಕೆ ಇನ್ನು ಕೆಲ ದಿನಗಳ ಕಾಲ ಮುಂದುವರೆಯಲಿದ್ದು, 2 ಸಾವಿರಕ್ಕೆ ಹೋದರೂ ಆಶ್ವರ್ಯವಿಲ್ಲ.
ಜಿಲ್ಲೆಯ ರೈತರು ಈ ಸೀಜ್ನಲ್ಲಿ ಅತಿ ಹೆಚ್ಚು ಟೊಮೆಟೊವನ್ನು ಬೆಳೆಯುತ್ತಿದ್ದರು. ಆದ್ರೆ, ಇತ್ತೀಚಿನ ತಾಪಮಾನ, ಮಳೆ ಮತ್ತು ವೈರಸ್ ಹವಾಳಿಯಿಂದ ಟೊಮೆಟೊ ಬೆಳೆಯಿಲ್ಲದೆ ಅವಕ ಕಡಿಮೆಯಾಗಿದೆ. ಜೊತೆಗೆ ಟೊಮೆಟೊ ಬೆಳೆ ಬೆಳೆಯವುದಕ್ಕೆ ಲಕ್ಷಾಂತರ ರೂಪಾಯಿ ವೆಚ್ಚವಾಗುತ್ತಿದೆ. ಇನ್ನು ಕಷ್ಟುಪಟ್ಟು ಬೆಳೆದರೂ ಸಹ ಟೊಮೆಟೊಗೆ ಬೆಲೆ ಸಿಗುತ್ತೆ ಎಂಬ ವಿಶ್ವಾಸವಿಲ್ಲದ ಕಾರಣ ರೈತ ಇತ್ತೀಚಿಗೆ ಟೊಮೆಟೊ ಬಿಟ್ಟು ಪರ್ಯಾಯ ಬೆಳೆಗಳನ್ನು ಬೆಳೆಯಲು ಮುಂದಾಗುತ್ತಿದ್ದು, ಇದರಿಂದ ಅವಕ ಕಡಿಮೆ ಬರುತ್ತಿದೆ.
ಈ ಸೀಜ್ನಲ್ಲಿ ಸರಾಸರಿ ಸುಮಾರು 1ಲಕ್ಷ ಬಾಕ್ಸ್ ಟೊಮೆಟೊ ಬರುತ್ತಿತ್ತು. ಆದ್ರೆ, ಇವತ್ತು ಸುಮಾರು 55,274 ಸಾವಿರ ಬಾಕ್ಸ್ ಮಾತ್ರ ಬರುತ್ತಿದೆ. ಕಳೆದ ವರ್ಷ 76,207 ಸಾವಿರ ಬಾಕ್ಸ್ ಬಂದಿತ್ತು. ಮೊದಲು ಆಂಧ್ರ, ತಮಿಳುನಾಡು, ಮಂಡ್ಯ, ಚಾಮರಾಜನಗರ, ಮೈಸೂರು, ನೆಲಮಂಗಲ ಕಡೆಯಿಂದ ಟೊಮೆಟೊ ಬರುತ್ತಿತ್ತು. ಆದ್ರೆ, ಈಗ ಬರುತ್ತಿಲ್ಲ. ಇನ್ನು ಜುಲೈ ಮತ್ತು ಆಗಸ್ಟ್ ತಿಂಗಳವರೆಗೂ ಟೊಮೆಟೊ ಸೀಜನ್ ಇರುವುದರಿಂದ ಟೊಮೆಟೊ ಬೆಲೆ ಏರಿಕೆಯಾಗುವ ಸಂಭವವಿದೆ.
ಇನ್ನು ಕೋಲಾರದ ಟೊಮೆಟೊಗೆ ದೆಹಲಿ, ಒರಿಸ್ಸಾ, ಗುಜರಾಜ್, ಪಶ್ಚಿಮ ಬಂಗಾಳ, ರಾಜಾಸ್ಥಾನ್,ಹೆಚ್ಚಿನ ಬೇಡಿಕೆ ಇರುವುದರಿಂದ ಕೆಂಪು ಸುಂದರಿಯ ಆಟ ಇನ್ನು ಮುಂದುವರೆಯಲಿದೆ. ಒಟ್ಟಾರೆ ಕೆಂಪು ಸುಂದರಿ ದಿನದಿಂದ ದಿನಕ್ಕೆ ತನ್ನ ಬೆಲೆ ಹೆಚ್ಚಿಸಿಕೊಳ್ಳುವ ಜೊತೆಗೆ ತನ್ನ ಆಟವನ್ನು ಆರಂಭಿಸಿದ್ದು, ಇದೇ ರೀತಿ ದರ ಏರಿಕೆಯಾದರೆ ರೈತರಲ್ಲಿ ಸಂತಸ ಮೂಡಿದರೆ, ಗ್ರಾಹಕರಲ್ಲಿ ತಳಮಳ ಉಂಟು ಮಾಡುವುದರಲ್ಲಿ ಯಾವುದೇ ಅನುಮಾನವಿಲ್ಲ.