ಬಾಲಿವುಡ್ ನಟಿ, ಖ್ಯಾತ ನಟಿ ಶತ್ರುಜ್ಞಾ ಸಿಹ್ನಾ ಪುತ್ರಿ ಸೋನಾಕ್ಷಿ ಸಿನ್ಹಾ ಇತ್ತೀಚೆಗೆ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ. ನಟ ಝಹೀರ್ ಇಕ್ಬಾಲ್ ಜೊತೆ ಜೂನ್ 23ರಂದು ಸರಳವಾಗಿ ನಾಗಾರಿಕ ಮದುವೆಯಾಗಿದ್ದಾರೆ. ಮದುವೆ ಬಳಿಕ ನವ ದಂಪತಿ 25 ಕೋಟಿ ಮೌಲ್ಯದ ಐಷಾರಾಮಿ ಮನೆಗೆ ಶಿಫ್ಟ್ ಆಗಿದ್ದಾರೆ.
ನಟಿ ಸೋನಾಕ್ಷಿ ದುಬಾರಿ ಹಾಗೂ ಅದ್ಭುತ ಮನೆಯನ್ನು ಮುಂಬೈನಲ್ಲಿ ಕಟ್ಟಿಸಿದ್ದಾರೆ. ಮುಂಬೈನಲ್ಲಿರು ಸೋನಾಕ್ಷಿಯ ಐಷಾರಾಮಿ ಮನೆಯನ್ನು ಸುಮಾರು 4000 ಚದರ ಅಡಿ ವಿಸ್ತೀರ್ಣದಲ್ಲಿ ನಿರ್ಮಿಸಲಾಗಿದೆ. ಸೋನಾಕ್ಷಿ ಮನೆಯನ್ನು ತನ್ನ ಆಸೆಯಂತೆ ಇಂಟೀರಿಯರ್ ಡಿಸೈನ್ ಮಾಡಿಸಿಕೊಂಡಿದ್ದಾರೆ.
ಈ ಮನೆಯನ್ನು ರೆಡ್ ಆರ್ಕಿಟೆಕ್ಟ್ಸ್ ನಿರ್ಮಿಸಿದ್ದಾರೆ. ಈ ಡ್ರೀಮ್ ಹೌಸ್ ನಲ್ಲಿ ನಾಲ್ಕು ಬೆಡ್ ರೂಮ್ ಇದೆ. ಆರ್ಟ್ ಸ್ಟುಡಿಯೊ ಆಗಿ ಮನೆಯನ್ನು ಪರಿವರ್ತಿಸಲಾಗಿದೆ. ಯೋಗ ಕೇಂದ್ರ, ಡ್ರೆಸ್ಸಿಂಗ್ ರೂಮ್, ಸ್ಲೈಡಿಂಗ್ ವಾಲ್, ವಾಕ್ ಇನ್ ವಾರ್ಡ್ರೋಬ್, ಮರ್ಫಿ ಬೆಡ್ಗಳು, ಓಪನ್ ಸ್ಕೈಟಾಪ್ ಮತ್ತು ಬೀಚ್ ವ್ಯೂವ್ ಈ ಎಲ್ಲಾ ಹೈಟೆಕ್ ಸೌಲಭ್ಯಗಳು ಸೋನಾಕ್ಷಿ ಅವರ ಮನೆಯಲ್ಲಿದೆ.
ಈ ಮನೆಯನ್ನು 2020 ರಲ್ಲಿ 14 ಕೋಟಿ ರೂ ನೀಡಿ ಖರೀದಿಸಿದ್ದಾರೆ. ಪ್ರಸ್ತುತ ಮಾರುಕಟ್ಟೆ ಮೌಲ್ಯದ ಪ್ರಕಾರ ರೂ.25 ಕೋಟಿ ಎಂದು ಅಂದಾಜಿಸಲಾಗಿದೆ.
ಅಂದಹಾಗೆ, 7 ವರ್ಷಗಳ ಹಿಂದೆ 23-06-2017ರಂದು ಪರಸ್ಪರ ನಾವು ಪರಿಶುದ್ಧ ಪ್ರೀತಿಯನ್ನು ಕಂಡೆವು ಮತ್ತು ಅದನ್ನು ಹಿಡಿದಿಟ್ಟುಕೊಳ್ಳಲು ನಿರ್ಧರಿಸಿದ್ದೇವು. ಈಗ ಅದೇ ಪ್ರೀತಿ ನಮಗೆ ಸವಾಲುಗಳನ್ನು ಎದುರಿಸಲು ದಾರಿ ತೋರಿಸಿದೆ. ನಮ್ಮನ್ನು ಈ ಹಂತಕ್ಕೆ ತಂದು ನಿಲ್ಲಿಸಿದೆ ಎಂದು ಸೋನಾಕ್ಷಿ ಮತ್ತು ಝಹೀರ್ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದರು.
