ಶ್ರೀಲಂಕಾ ವಿರುದ್ಧ ಮೂರು ಪಂದ್ಯಗಳ ಟಿ20 ಸರಣಿಯನ್ನು ಭಾರತ ತಂಡ 3-0 ಅಂತರದಲ್ಲಿ ಕ್ಲೀನ್‌ ಸ್ವೀಪ್‌ ಮಾಡಿಕೊಂಡಿದೆ. ಆ ಮೂಲಕ ನೂತನ ನಾಯಕ ಸೂರ್ಯಕುಮಾರ್ ಯಾದವ್‌ ಹಾಗೂ ನೂತನ ಹೆಡ್‌ ಕೋಚ್ ಗೌತಮ್ ಗಂಭೀರ್ ಅವರು ಶುಭಾರಂಭ ಕಂಡಿದ್ದಾರೆ. ಆದರೆ, ಈ ಸರಣಿಯಲ್ಲಿ ಸಿಕ್ಕ ಅವಕಾಶವನ್ನು ಸದುಪಯೋಗಪಡಿಸಿಕೊಳ್ಳುವಲ್ಲಿ ಸಂಜು ಸ್ಯಾಮ್ಸನ್ ವಿಫಲರಾಗಿದ್ದಾರೆ. ಆಡಿ ಎರಡೂ ಪಂದ್ಯಗಳಲ್ಲಿ ಶೂನ್ಯಕ್ಕೆ ವಿಕೆಟ್ ಒಪ್ಪಿಸಿದ್ದಾರೆ. ಇದರಿಂದಾಗಿ ವಿಕೆಟ್ ಕೀಪರ್‌-ಬ್ಯಾಟ್ಸ್‌ಮನ್‌ ವೃತ್ತಿ ಜೀವನ ಒತ್ತಡದಲ್ಲಿದೆ ಎಂದರೆ ತಪ್ಪಾಗಲಾರದು.
ಅಭ್ಯಾಸದ ವೇಳೆ ಕೊಹ್ಲಿಯನ್ನು ಗೇಲಿ ಮಾಡಿದ ಅಭಿಮಾನಿ: ಖಡಕ್ ಲುಕ್ ಕೊಟ್ಟ ವಿರಾಟ್
ಶ್ರೀಲಂಕಾ ಸರಣಿಯಲ್ಲಿ ಮುಂದುವರಿಸಲು ಅವರು ಎದುರು ನೋಡುತ್ತಿದ್ದರು. ಆದರೆ, ಮೊದಲನೇ ಟಿ20 ಪಂದ್ಯದಲ್ಲಿ ಆಡಲು ಅವರಿಗೆ ಅವಕಾಶ ಸಿಕ್ಕಿರಲಿಲ್ಲ. ಆದರೆ, ಎರಡನೇ ಪಂದ್ಯದಲ್ಲಿ ಶುಭಮನ್ ಗಿಲ್ ಸ್ಥಾನದಲ್ಲಿ ಆಡಿದ್ದ ಸಂಜು, ಗೋಲ್ಡನ್ ಡಕ್‌ಔಟ್‌ ಆಗಿದ್ದರು. ನಂತರ ಮಂಗಳವಾರ ನಡೆದಿದ್ದ ಮೂರನೇ ಹಾಗೂ ಅಂತಿಮ ಟಿ20 ಪಂದ್ಯದಲ್ಲಿಯೂ ಅವರು ನಾಲ್ಕು ಎಸೆತಗಳನ್ನು ಆಡಿದ್ದರೂ ಡಕ್‌ಔಟ್‌ ಆಗಿದ್ದರು. ಅಲ್ಲದೆ ವಿಕೆಟ್ ಕೀಪಿಂಗ್‌ನಲ್ಲಿ ಮೂರು ಕ್ಯಾಚ್‌ಗಳನ್ನು ಡ್ರಾಪ್‌ ಮಾಡಿದ್ದರು. ಆ ಮೂಲಕ ಟೀಮ್ ಮ್ಯಾನೇಜ್‌ಮೆಂಟ್‌ ಇಟ್ಟಿದ್ದ ನಂಬಿಕೆಯನ್ನು ಕಳೆದುಕೊಂಡಿದ್ದಾರೆ. ಈ ಹಿನ್ನೆಲೆಯಲ್ಲಿ ಸಂಜು ಸ್ಯಾಮ್ಸನ್ ಅವರನ್ನು ಮುಂದಿನ ಸರಣಿಗೆ ಆಯ್ಕೆ ಮಾಡುವ ಬಗ್ಗೆ ಅನುಮಾನಗಳು ಉಂಟಾಗಿವೆ.
ಇದೀಗ ಭಾರತ ಟಿ20 ತಂಡದ ವಿಕೆಟ್ ಕೀಪಿಂಗ್‌ ಸ್ಥಾನಕ್ಕೆ ರಿಷಭ್‌ ಪಂತ್, ಜಿತೇಶ್‌ ಶರ್ಮಾ ಹಾಗೂ ಧೃವ್ ಜುರೆಲ್ ಅವರ ನಡುವೆ ಈಗಾಗಲೇ ಪೈಪೋಟಿ ನಡೆಯುತ್ತಿದೆ. ಇದರ ನಡುವೆ ಸಂಜು ಸ್ಯಾಮ್ಸನ್ ಅವರು ಶ್ರೀಲಂಕಾ ವಿರುದ್ದ ಕನಿಷ್ಠ ಯೋಗ್ಯ ಪ್ರದರ್ಶನ ತೋರಿದ್ದರೆ, ಕೇರಳ ಮೂಲದ ಆಟಗಾರನಿಗೆ ನೆರವಾಗುತ್ತಿತ್ತು. ಆದರೆ, ಅವರು ಸಿಕ್ಕ ಅವಕಾಶಗಳನ್ನು ಸತತವಾಗಿ ಕೈ ಚೆಲ್ಲಿಕೊಳ್ಳುತ್ತಿದ್ದಾರೆ.
