ವಿಜಯಪುರ: ಆಕ್ರಮವಾಗಿ ಗಾಂಜಾ ಸಂಗ್ರಹಿಸಿಟ್ಟುಕೊಂಡಿದ್ದ ಅಡ್ಡೆ ಮೇಲೆ ಪೊಲೀಸರು ದಾಳಿ ಮಾಡಿದ್ದಾರೆ. ಸಿಂದಗಿ ಕ್ರಾಸ್ ದಿಂದ ಬುರಣಾಪುರ ಹೋಗುವ ಮಾರ್ಗ ಮದ್ಯದಲ್ಲಿ ಆರೋಪಿಗಳು ಕಾರಿನಲ್ಲಿ ಗಾಂಜಾವನ್ನು ಸಂಗ್ರಹಿಸಿದ್ದರು. ಪೊಲೀಸರು ಕಾರ್ಯಾಚರಣೆ ನಡೆಸಿ ಮೂವರ ಬಂಧಿಸಿದ್ದು, ಅಂದಾಜು 22 ಲಕ್ಷ ಮೌಲ್ಯದ 46 ಕೆಜಿ 676 ಗ್ರಾಂ ಗಾಂಜಾ ಮತ್ತು ಎಂಟು ಲಕ್ಷ ಮೌಲ್ಯದ ಎರಡು ಕಾರುಗಳನ್ನು ವಶಕ್ಕೆ ಪಡೆದಿದ್ದಾರೆ. ಸಂತೋಷ ನಾಗಶೆಟ್ಟಿ ರಾಠೋಡ (35), ಸಂಜು ಕಿಶನ್ ರಾಠೋಡ (33) ಹಾಗೂ ಸಂತೋಷ ಧನಸಿಂಗ್ ರಾಠೋಡ (38) ಎಂಬಾತನನ್ನು ಬಂಧಿಸಲಾಗಿದೆ. ಇನ್ನೂ ಈ ಸಂಬಂಧ ವಿಜಯಪುರದ ಸಿಇಎನ್ ಪೋಲಿಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.
