ಬೆಂಗಳೂರು: ಆಕೆಗೆ ವಂಚನೆಯೇ ವೃತ್ತಿ.. ಜನರಿಗೆ ಮೋಸ ಮಾಡೋದೇ ಹವ್ಯಾಸ.. ಹಣ ಪಡೆದು ಶೋಕಿ ಮಾಡೋದೆ ಕೆಲಸ. ಸುಳ್ಳುಗಳ ಕಥೆಯನ್ನೇ ಕಟ್ಟಿ ಯಾಮರಿಸೋದ್ರಲ್ಲಿ ನಿಪುಣೆ. ಅಂತ ಚಾಲಕಿ ಹೆಣ್ಣು ಈಗ ಸಿಸಿಬಿ ಖೆಡ್ಡಕ್ಕೆ ಬಿದ್ದಿದೆ. ಅಷ್ಟಕ್ಕೂ ಯಾರ ಮಹಿಳೆ. ಏನೀವಳ ಚೀಟಿಂಗ್ ಕಹಾನಿ.. ಹತ್ತಾರು ಜನರಿಗೆ ಕೋಟಿ ಕೋಟಿ ವಂಚಿಸಿದ್ದಾದ್ರೂ ಹೇಗೆ…? ಅದೆಲ್ಲದರ ಡಿಟೇಲ್ಸ್ ಇಲ್ಲಿದೆ ನೋಡಿ.
ತ್ತೀಚೆಗಷ್ಟೇ ಐಶ್ವರ್ಯ ಗೌಡ, ಶ್ವೇತಾ ಗೌಡ ವಂಚನೆ ಸರಣಿ ಕಥೆಗಳನ್ನು ನೀವು ನೋಡೇ ಇರ್ತಿರಾ. ಚಿನ್ನದ ಅಂಗಡಿ ಮಾಲೀಕರಿಗೆ ದೊಡ್ಡ ದೊಡ್ಡ ರಾಜಕಾರಣಿಗಳ ಹೆಸರೇಳಿ ಈ ಇಬ್ಬರು ಕೋಟ್ಯಾಂತರ ರೂ. ಮೋಸ ಮಾಡಿದ್ರು. ಆದರೆ ಇಂತ ವಂಚಕಿಯರ ಸಾಲಿಗೆ ಈಗ ಮತ್ತೊಬ್ಬಳ ಸೇರ್ಪಡೆ ಆಗಿದೆ. ಆಕೆಯೇ ರೇಖಾ ಎಂಎ..
ಯೆಸ್. ರೇಖಾ.. ವಯಸ್ಸಿನ್ನೂ 35ರ ಅಸುಪಾಸು. ಆದರೆ ವಯಸ್ಸಿನ ಸಂಖ್ಯೆ ಮೀರಿದಷ್ಟು ಕೋಟಿ ಕೋಟಿ ರೂ. ವಂಚನೆ ಮಾಡಿರೋ ಕಿಲಾಡಿ. ಅಮಾಯಕ ಜನರನ್ನ ತನ್ನ ಖೆಡ್ಡಕ್ಕೆ ಕೆಡವಿಕೊಳ್ಳೋ ಖತರ್ನಾಕ್ ರೇಖಾ ಕಲರ್ ಕಲರ್ ಆಗಿ ಕಾಗೆ ಹಾರಿಸಿ ಟೋಪಿ ಹಾಕ್ತಿದ್ಲು. ಈ ಹಿಂದೆ ಮಾಜಿ ಶಾಸಕ ರಾಜುಗೌಡ ಹೆಸರಲ್ಲೂ ವಂಚನೆ ಮಾಡಿ ಜೈಲು ಪಾಲಾಗಿದ್ದ ಇದೇ ರೇಖಾ ಇದೀಗ ಬೆಂಗಳೂರಿನ ಉದ್ಯಮಿಗೆ ಬರೋಬ್ಬರಿ 5.75 ಕೋಟಿ ರೂ. ವಂಚಿಸಿ ಪೊಲೀಸರ ಅತಿಥಿಯಾಗಿದ್ದಾಳೆ. ಅಷ್ಟಕ್ಕೂ ಆ ಉದ್ಯಮಿಗೆ ಈಕೆ ಮಾಡಿದ ಮೋಸ ಎಂತದ್ದು ಅಂತ ಕೇಳಿ.
ಎಂದಾದ್ರೂ ತೆಂಗಿನ ಹೂವು ತಿಂದಿದ್ದೀರಾ..? ಇದರ ಆರೋಗ್ಯ ಪ್ರಯೋಜಗಳು ತಿಳಿದ್ರೆ ಶಾಕ್‌ ಆಗ್ತೀರಾ..?
ಯೆಸ್. 2010ರಲ್ಲಿ ಬೆಂಗಳೂರಿನಲ್ಲಿ ನಡೆದಿದ್ದ ಕಾರ್ಲ್ಟನ್ ಟವರ್ ಬೆಂಕಿ ದುರಂತವೇ ರೇಖಾಗೆ ವಂಚನೆಯ ಅಸ್ತ್ರವಾಗಿತ್ತು. ಬ್ಯಾಂಕ್ ನಿಂದ ಸಾಲ ಕೊಡಿಸೋ ಮಧ್ಯವರ್ತಿಯಾಗಿದ್ದ ರೇಖಾ ಬಳಿ ಅನೇಕ ಜನ ಬರ್ತಿದ್ರು. ಈ ರೀತಿ ಬಂದವರಲ್ಲಿ ಕೆಲವರನ್ನ ಬುಟ್ಟಿಗೆ ಹಾಕೋತಿದ್ದ ರೇಖಾ, ಕಾರ್ಲ್ಟನ್ ಟವರ್ ದುರಂತದಲ್ಲಿ ನಾನು ಪ್ರತ್ಯಕ್ಷ ಸಾಕ್ಷಿಯಾಗಿದ್ದು, ಸಾಕ್ಷಿ ಹೇಳದಂತೆ ನನಗೆ 25 ಕೋಟಿ ಆಫರ್ ಇದೆ. ಅದರಲ್ಲಿ 6 ಕೋಟಿ ಹಣ ಅಕೌಂಟ್ ಗೆ ಹಾಕಿದ್ದಾರೆ.
ಆದ್ರೆ ಅದನ್ನ ಇಡಿ ಐಟಿ ಫ್ರೀಜ್ ಮಾಡಿದೆ. ನೀವು ಸ್ವಲ್ಪ ಸಹಾಯ ಮಾಡಿದ್ರೆ ಬರೋ ಹಣದಲ್ಲಿ ಇಬ್ಬರು ಸೇರಿ ಲೇಔಟ್ ಬ್ಯುಸಿನೆಸ್ ಮಾಡೋನ ಅಂತ ಆಸೆ ತೋರಿಸ್ತಾಳೆ. ಈಕೆ ಮಾತು ನಂಬಿದ ಉದ್ಯಮಿಯೊಬ್ಬ ಹಂತಹಂತವಾಗಿ 5.75 ಕೋಟಿ ರೂ. ಹಣ ನೀಡಿದ್ದ. ಕೊನೆಗೆ ಈಕೆ ಮೋಸ ಮಾಡಿದ್ದಾಳೆ ಅಂತ ಗೊತ್ತಾಗಿ ಪೊಲೀಸರ ಮೊರೆ ಹೋಗಿದ್ಲು.
ಸದ್ಯ ಸಿಸಿಬಿ ಪೊಲೀಸರು ಈಕೆಯ ಜೊತೆ ಸಾಥ್ ನೀಡಿದ್ದ ಪತಿ ಮಂಜುನಾಥ್ ಚಾರಿ ಮತ್ತು ಚೇತನ್ ಅನ್ನೋರನ್ನ ಬಂಧಿಸಿದ್ದಾರೆ. ಅಷ್ಟಲ್ಲದೇ ಸೋಷಿಯಲ್ ಮೀಡಿಯಾದಲ್ಲಿ ಪರಿಚಯ ಆದವರ ಜೊತೆ ವಿಡಿಯೋ ಕಾಲ್ ಮಾಡ್ತಿದ್ಲು. ಕೊನೆಗೆ ಅದನ್ನ ರೇಕಾರ್ಡ ಮಾಡಿಕೊಂಡು ಬ್ಲ್ಯಾಕ್ ಮೇಲ್ ಮಾಡಿ ಹಣ ಸುಲಿಗೆ ಮಾಡಿದ್ಲು.
ಕೆಲಸ ಕೊಡಿಸ್ತಿನಿ, ಮನೆ ಕೊಡಿಸ್ತೀನಿ, ಸಾಲ ಕೊಡಿಸ್ತೀನಿ ಅಂತಲೂ ವಂಚನೆ ಮಾಡಿದ್ಲು.ಇದೇ ರೀತಿ 50ಕ್ಕೂ ಹೆಚ್ಚು ಜನರಿಗೆ ವಂಚಿಸಿದ್ದು, ಅಂದಾಜು 100 ಕೋಟಿ ರೂ, ನುಂಗಿದ್ದಾಳೆ ಅನ್ನೋ ಆರೋಪ ಇದೆ. ಸದ್ಯ ಈಕೆ ಬಗ್ಗೆ ಇನ್ನಷ್ಟು ಜನ ದೂರು ನೀಡ್ತಿದ್ದು, ಸಿಸಿಬಿ ಪೊಲೀಸರು ಮೂವರನ್ನ ಕಸ್ಟಡಿಗೆ ಪಡೆದು ಹೆಚ್ಚಿನ ವಿಚಾರಣೆ ನಡೆಸ್ತಿದ್ದಾರೆ.
