ಸೂರ್ಯನ ಸುಡು ಬಿಸಿಲಿನ ನಡುವೆ ಹೊರಗಡೆ ಅಡ್ಡಾಡಲು ಸಾಧ್ಯವಿಲ್ಲ ಎನ್ನುವಂತಾಗಿದೆ. ಅಪ್ಪಿ ತಪ್ಪಿ ಹೋದರಂತೂ ತಲೆ ನೋವು, ಬಾಯಾರಿಕೆ, ಸುಸ್ತು ಬಿಟ್ಟರೆ ಬೇರೇನೂ ಇಲ್ಲ. ಹೊರಗಡೆ ಹೋಗಿ ಮನೆ ಬಂದ ಮೇಲೆ ಬಿಸಿ ಬಿಸಿ ಆಹಾರವನ್ನು ಮುಂದೆ ಇಟ್ಟರಂತೂ ಪಿತ್ತ ನೆತ್ತಿಗೇರುತ್ತದೆ. ಈ ಸಮಯದಲ್ಲಿ ನಿಮ್ಮ ಕೈಗೆ ತಣ್ಣನೆಯ ಐಸ್ ಕ್ರೀಮ್ ತಂದುಕೊಟ್ಟರೆ ಖುಷಿಯಾಗುವುದು ಸಹಜ.
ಕಲ್ಲಂಗಡಿ ಕುಲ್ಫಿ ಮಾಡುವ ವಿಧಾನ:
* ಕಲ್ಲಂಗಡಿ ಹಣ್ಣನ್ನು ಕತ್ತರಿಸಿ ಎಲ್ಲಾ ಬೀಜಗಳನ್ನು ತೆಗೆದು, ಸಣ್ಣ ಸಣ್ಣ ತುಂಡುಗಳಾಗಿ ಮಾಡಿ ಇಡಿ.
* ಮಿಕ್ಸಿ ಜಾರಿಗೆ ಸಣ್ಣ ತುಂಡುಗಳನ್ನು ಸೇರಿಸಿ ರುಚಿಗೆ ತಕ್ಕಷ್ಟು ಸಕ್ಕರೆ ಸೇರಿಸಿ ರುಬ್ಬಿಕೊಳ್ಳಿ.
* ಇದಕ್ಕೆ 3 ಚಮಚ ನಿಂಬೆ ರಸವನ್ನು ಬೆರೆಸಿ ಸ್ವಲ್ಪ ಹಾಗೆ ಬಿಡಿ.
* ಕಲ್ಲಂಗಡಿ ರಸವನ್ನು ಕುಲ್ಫಿ ಅಚ್ಚಿನಲ್ಲಿ ಸುರಿದು, 3 ರಿಂದ 4 ಗಂಟೆಗಳ ಕಾಲ ಫಿಡ್ಜ್ ನಲ್ಲಿಡಿ. ಆ ಬಳಿಕ ಹೊರತೆಗೆದರೆ ಕೂಲ್ ಕೂಲ್ ಕಲ್ಲಂಗಡಿ ಕುಲ್ಫಿ ಸವಿಯಲು ಸಿದ್ಧ.
ಮ್ಯಾಂಗೋ ಕುಲ್ಫಿಗೆ ಬೇಕಾಗುವ ಸಾಮಗ್ರಿಗಳು :
* ಒಂದೂವರೆ ಕಪ್ ಕೆನೆಭರಿತ ಹಾಲು
* ಒಂದು ಕಪ್‌ಗಿಂತ ಸ್ವಲ್ಪ ಕಮ್ಮಿ ಮಂದವಾದ ಹಾಲು
* ಅರ್ಧ ಕಪ್ ಕ್ರೀಮ್
* ಏಲಕ್ಕಿ
* ಮಾವಿನ ಹಣ್ಣಿನ ತಿರುಳು
ಮ್ಯಾಂಗೋ ಕುಲ್ಫಿ ಮಾಡುವ ವಿಧಾನ:
* ಮೊದಲಿಗೆ ಕೆನೆಭರಿತ ಹಾಲು, ಕುದಿಸಿಟ್ಟ ಮಂದವಾದ ಹಾಲು ಹಾಗೂ ಮಾವಿನ ಹಣ್ಣಿನ ತಿರುಳನ್ನು ಸೇರಿಸಿ ಚೆನ್ನಾಗಿ ರುಬ್ಬಿಕೊಳ್ಳಿ.
* ಇದಕ್ಕೆ ಕ್ರೀಮ್, ಏಲಕ್ಕಿ ಪುಡಿ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿಕೊಳ್ಳಿ.
* ಈ ಮಿಶ್ರಣವನ್ನು ಕುಲ್ಫಿ ಅಚ್ಚಿಗೆ ಹಾಕಿ ಫ್ರೀಜರ್‌ನಲ್ಲಿ ಎಂಟು ಗಂಟೆಗಳ ಕಾಲ ಇಟ್ಟು, ಆ ಬಳಿಕ ತೆಗೆದರೆ ಮ್ಯಾಂಗೋ ಕುಲ್ಫಿ ರೆಡಿಯಾಗಿರುತ್ತದೆ.
