ಭಾರತ ಮತ್ತು ಸೌತ್ ಆಫ್ರಿಕಾ ನಡುವಣ ಟಿ20 ಸರಣಿಗೆ ಟೀಮ್ ಇಂಡಿಯಾವನ್ನು ಪ್ರಕಟಿಸಲಾಗಿದೆ. ಹದಿನೈದು ಸದಸ್ಯರ ಈ ತಂಡವನ್ನು ಸೂರ್ಯಕುಮಾರ್ ಯಾದವ್ ಮುನ್ನಡೆಸಲಿದ್ದಾರೆ. ಇನ್ನು ಈ ತಂಡದಲ್ಲಿ ಕರ್ನಾಟಕದ ವೇಗಿ ವಿಜಯಕುಮಾರ್ ವೈಶಾಕ್ ಆಯ್ಕೆಯಾಗಿದ್ದಾರೆ.
ಬೆಂಗಳೂರಿಂದ ಹೊರಟ ವಿಮಾನಕ್ಕೆ ಬಾಂಬ್ ಬೆದರಿಕೆ: ಅಯೋಧ್ಯೆ ಏರ್ಪೋರ್ಟ್ ನಲ್ಲಿ ತುರ್ತು ಲ್ಯಾಂಡಿಂಗ್‌!
ಈ ಮೂಲಕ ಕರ್ನಾಟಕ ಫ್ಯಾನ್ಸ್ಗೆ ಸಿಹಿ ಸುದ್ದಿ ಸಿಕ್ಕಿದ್ದು, ಟೀಮ್ ಇಂಡಿಯಾ ಜರ್ಸಿ ತೊಡಲು ಮತ್ತೊಬ್ಬ ಕನ್ನಡಿಗ ಸಜ್ಜಾಗಿದ್ದಾರೆ.
ಕನ್ನಡಿಗ ವೈಶಾಕ್ ವಿಜಯಕುಮಾರ್ ಬ್ಲೂ ಜೆರ್ಸಿ ತೊಡಲು ಸಜ್ಜಾಗಿ ನಿಂತಿದ್ದಾರೆ. ಸೌತ್ ಆಫ್ರಿಕಾ ಎದುರಿನ ಟಿ20 ಸರಣಿಗೆ ಸೆಲೆಕ್ಟ್ ಆಗಿರೋ ಕರ್ನಾಟಕದ ಪೇಸ್ ಸೆನ್ಸೇಷನ್ ವೈಶಾಕ್, ಟೀಮ್ ಇಂಡಿಯಾ ಪರ ಮಿಂಚಲು ಸಜ್ಜಾಗಿದ್ದಾರೆ.
ವೈಶಾಕ್ ಬೇಸಿಕಲಿ ಬೌಲಿಂಗ್ ಆಲ್ರೌಂಡರ್. ಈ ಯುವ ಆಟಗಾರ ಮೀಡಿಯಮ್ ಸೀಮರ್ ಬೌಲಿಂಗ್ ಜೊತೆ ಬ್ಯಾಟಿಂಗ್ನಲ್ಲೂ ಕಮಾಲ್ ಮಾಡಬಲ್ಲ ಕಿಲಾಡಿ. 2021ರಲ್ಲಿ ಸೈಯದ್ ಮುಷ್ತಾಕ್ ಅಲಿ ಟೂರ್ನಿಯಲ್ಲಿ ಕರ್ನಾಟಕ ತಂಡವನ್ನು ಪ್ರತಿನಿಧಿಸುವುದರೊಂದಿಗೆ ವೈಶಾಖ್ ಕ್ರಿಕೆಟ್ ಜರ್ನಿ ಶುರುವಾಯ್ತು.
2021ರ ಸೈಯದ್ ಮುಷ್ತಾಕ್ ಅಲಿ ಟೂರ್ನಿಯಲ್ಲಿ 7 ವಿಕೆಟ್ ಮಾತ್ರವೇ ಬೇಟೆಯಾಡಿದ್ರೂ ಕೂಡ ವೈಶಾಕ್ ಬೌಲಿಂಗ್ ಎಲ್ಲರ ಗಮನ ಸೆಳೆದಿತ್ತು. ಇದೇ ಕಾರಣಕ್ಕೆ 2021ರ ವಿಜಯ್ ಹಜಾರೆ ಟೂರ್ನಿ ತಂಡಕ್ಕೂ ಎಂಟ್ರಿ ನೀಡಿದ್ರು. ಬಳಿಕ 2022ರಲ್ಲಿ ರಣಜಿ ಟೂರ್ನಿಗೂ ಕಾಲಿಟ್ಟರು. ಸಿಕ್ಕ ಅವಕಾಶ ಬಾಚಿಕೊಂಡ ವೈಶಾಕ್, ಬ್ಯಾಕ್ ಟು ಬ್ಯಾಕ್ ಎರಡು ಸೀಸನ್ಗಳಲ್ಲಿ ಅದ್ಭುತ ಬೌಲಿಂಗ್ ಪ್ರದರ್ಶನ ನೀಡಿದ್ರು.
ಸೈಯದ್ ಮುಷ್ತಾಕ್ ಅಲಿ ಟೂರ್ನಿಯಲ್ಲಿ ಅದ್ಭುತ ಪ್ರದರ್ಶನ ನೀಡಿದ್ದ ವೈಶಾಕ್, ರಜತ್ ಪಾಟೀದಾರ್ ರಿಪ್ಲೇಸ್ಮೆಂಟ್ ಪ್ಲೇಯರ್ ಆಗಿ ಆರ್ಸಿಬಿ ಸೇರಿದ್ದರು. 2023ರ ಸೀಸನ್ನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್‌ ವಿರುದ್ಧ ಪದಾರ್ಪಣೆ ಮಾಡಿದ ವೈಶಾಕ್, ಅದ್ಭುತ ಪ್ರದರ್ಶನ ನೀಡಿದರು. ಆರ್ಸಿಬಿಯಲ್ಲಿ ವೈಶಾಕ್ಗೆ ಹೆಚ್ಚು ಅವಕಾಶಗಳು ಸಿಗದಿದ್ದರೂ, ಅಲ್ಲಿದ್ದಾಗಲೇ ವೈಶಾಕ್ ಭವಿಷ್ಯ ರೂಪುಗೊಂಡಿದ್ದು ಸುಳ್ಳಲ್ಲ.
ಒಟ್ನಲ್ಲಿ, ದೇಶಿ ಕ್ರಿಕೆಟ್ನಲ್ಲಿ ಸ್ಥಿರ ಪ್ರದರ್ಶನ ನೀಡಿ ಮಿಂಚಿರುವ ವೈಶಾಕ್, ಇದೇ ಮೊದಲ ಬಾರಿಗೆ ಬ್ಲ್ಯೂ ಜೆರ್ಸಿ ತೊಡಲು ಸಿದ್ಧರಾಗಿದ್ದಾರೆ.
