ಸ್ಯಾಂಡಲ್ ವುಡ್ ಬ್ಯೂಟಿಸ್ ದಿವ್ಯ ಉರುಡುಗ, ದಿಯಾ ಸಿನಿಮಾ ಖ್ಯಾತಿಯ ಖುಷಿ ರವಿ ದುಬೈನಲ್ಲಿ ಎಂಜಾಯ್ ಮಾಡ್ತಿದ್ದಾರೆ. ದುಬೈನ ಮರಳಿನ ಮೇಲೆ ಸಖತ್ ಎಂಜಾಯ್ ಮಾಡುತ್ತಿರುವ ಗರ್ಲ್ಸ್ ಅಲ್ಲಿನ ಫೋಟೋಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದಾರೆ.
ಸದ್ಯ ನಿನಗಾಗಿ ಸೀರಿಯಲ್ ನಲ್ಲಿ ಬ್ಯುಸಿಯಾಗಿರುವ ದಿವ್ಯ ಉರುಡುಗ ಕೊಂಚ ಬ್ರೇಕ್ ಪಡೆದುಕೊಂಡು ದುಬೈ ಗೆ ಹಾರಿದ್ದಾರೆ. ವಿಶೇಷವಾಗಿ ಮರಳಿನಲ್ಲಿ ಬಳಸೋ ಸ್ಯಾಂಡ್‌ ಮೋಟರ್ ಬೈಕ್ ಅನ್ನೂ ಏರಿ ಮನಸೋಯಿಚ್ಛೆ ಸುತ್ತಾಡಿದ್ದಾರೆ.
ಬಿಗ್ ಬಾಸ್ ನಿಂದ ಬಂದ್ಮೇಲೆ ಗೆಳೆಯ ಕೆ.ಪಿ.ಅರವಿಂದ್ ಜೊತೆಗೆ ಅರ್ಧಂಬರ್ಧ ಪ್ರೇಮಕಥೆ ಚಿತ್ರ ಮಾಡಿದ್ದರು. ಇದಾದ್ಮೇಲೆ ಇದೀಗ ಸದ್ಯ ನಿನಗಾಗಿ ಸೀರಿಯಲ್ ಮಾಡುತ್ತಿದ್ದಾರೆ. ಈ ಒಂದು ಸೀರಿಯಲ್‌ನಲ್ಲಿ ರಚನಾ ಅನ್ನೋ ಸಿನಿಮಾ ನಾಯಕಿಯಾಗಿಯೇ ಕಾಣಿಸಿಕೊಂಡಿದ್ದಾರೆ.
ದಿವ್ಯಾ ಉರುಡುಗ ಜೊತೆಗೆ ಖುಷಿ ರವಿ ಕೂಡ ಹೋಗಿದ್ದಾರೆ. ದಿಯಾ ಸಿನಿಮಾದ ಮೂಲಕ ಖ್ಯಾತಿ ಗಳಿಸಿದ ಖುಷಿ ರವಿ ಬಳಿಕ ಇನ್ನು ಕೆಲವು ಸಿನಿಮಾಗಳಲ್ಲಿ ಕಾಣಿಸಿಕೊಂಡಿದ್ದರು.ಇದೀಗ ಖುಷಿ ರವಿ ಮತ್ತು ದಿವ್ಯಾ ಉರುಡುಗ ದುಬೈನಲ್ಲಿ ಸಖತ್ ಎಂಜಾಯ್ ಮಾಡುತ್ತಿದ್ದಾರೆ.
ದುಬೈನ ಮರಳಿನಲ್ಲಿ ಈ ನಟಿಮಣಿಯರು ಒಟ್ಟಿಗೆ ಬರೋದಕ್ಕೆ ಏನು ಕಾರಣ ಇದೆ. ಒಟ್ಟಿಗೆ ಇಲ್ಲಿ ಕಾಣಿಸಿಕೊಂಡಿರೋದು ಯಾಕೆ? ಈ ಎಲ್ಲ ಪ್ರಶ್ನೆಗೆ ಒಂದು ಉತ್ತರ ಬರುತ್ತದೆ. ಅದು ಬೇರೆ ಏನೋ ಅಲ್ಲ. ಬದಲಾಗಿ ರಾಜ್ ಕಪ್ ಅಂತಲೇ ಹೇಳಬಹುದು ನೋಡಿ.
ದುಬೈನಲ್ಲಿ ರಾಜ್ ಕಪ್ ಪಂದ್ಯ ಆಯೋಜನೆ ಆಗಿದೆ. ಕನ್ನಡದ ನಟರು-ನಟಿಯರು ಈ ಒಂದು ಪಂದ್ಯಕ್ಕೆ ಸಾಕ್ಷಿ ಆಗಲಿದ್ದಾರೆ. ಆ ಹಿನ್ನೆಲೆಯಲ್ಲಿಯೇ ಬಹುತೇಕ ನಟಿಯರು ದುಬೈಗೆ ಪ್ರಯಾಣ ಬೆಳೆಸಿದ್ದಾರೆ. ಆ ನಟಿಮಣಿಯರಲ್ಲಿ ದಿವ್ಯಾ ಉರುಡುಗ ಹಾಗೂ ಖುಷಿ ರವಿ ಕೂಡ ಇದ್ದಾರೆ.
ದುಬೈನ ಈ ಕ್ಷಣದ ಫೋಟೋಗಳನ್ನ ದಿವ್ಯಾ ಉರುಡುಗ ತಮ್ಮ ಸೋಷಿಯಲ್ ಮೀಡಿಯಾ ಪೇಜ್‌ನಲ್ಲೂ ಹಂಚಿಕೊಂಡಿದ್ದಾರೆ. ಅದೇ ರೀತಿ ಖುಷಿ ರವಿ ಕೂಡ ಫೋಟೋಗಳನ್ನ ತಮ್ಮ ಸೋಷಿಯಲ್ ಮೀಡಿಯಾ ಪೇಜ್‌ನಲ್ಲಿ ಶೇರ್ ಮಾಡಿದ್ದಾರೆ.
