ವಾಷಿಂಗ್ ಟನ್: ಅಮೇರಿಕಾದ ನೂತನ ಅಧ್ಯಕ್ಷರಾಗಿ ಡೊನಾಲ್ಡ್ ಟ್ರಂಪ್ ಅಧಿಕಾರ ವಹಿಸಿಕೊಂಡಿದ್ದಾರೆ. ಟ್ರಂಪ್ ಅಧಿಕಾರ ಸ್ವೀಕರಿಸುವುದಕ್ಕೂ ಮುನ್ನ ಅಂದರೆ ಜೋ ಬೈಡನ್ ನಿರ್ಗಮಿಸುವುದಕ್ಕೂ ಮೊದಲು ಕೊನೆಯ ಕ್ಷಣದಲ್ಲಿ ಅಧಿಕಾರವನ್ನು ತಮ್ಮ ಆಪ್ತರ ರಕ್ಷಣೆಗಾಗಿ ಬಳಕೆ ಮಾಡಿದ್ದಾರೆ.
ಡಾ. ಆಂಥೋನಿ ಫೌಸಿ, ನಿವೃತ್ತ ಜನರಲ್ ಮಾರ್ಕ್ ಮಿಲ್ಲೆ ಮತ್ತು ಜನವರಿ 6 ರಂದು ಕ್ಯಾಪಿಟಲ್ ಮೇಲಿನ ದಾಳಿಯ ತನಿಖೆ ನಡೆಸಿದ ಸದನ ಸಮಿತಿಯ ಸದಸ್ಯರಿಗೆ ರಾಜಕೀಯ ದ್ವೇಷದಿಂದ ರಕ್ಷಣೆ ನೀಡುವುದಕ್ಕಾಗಿ ಮುನ್ನೆಚ್ಚರಿಕಾ ಕ್ರಮವಾಗಿ ಕ್ಷಮಾದಾನ ನೀಡುವ ಅಧಿಕಾರವನ್ನು ಜೋ ಬೈಡನ್ ಬಳಕೆ ಮಾಡಿಕೊಂಡಿದ್ದಾರೆ.
ಮುಂಬರುವ ಆಡಳಿತವು ರಾಜಕೀಯ ಪ್ರೇರಿತವಾಗಿ ನಡೆಸಬಹುದಾದ ಮೊಕದ್ದಮೆಗಳಿಂದ ಈ ವ್ಯಕ್ತಿಗಳನ್ನು ರಕ್ಷಿಸುವ ಗುರಿಯನ್ನು ಬೈಡನ್ ತೆಗೆದುಕೊಂಡಿರುವ ಈ ಕ್ರಮ ಹೊಂದಿದೆ ಎಂದು ಅಸೋಸಿಯೇಟೆಡ್ ಪ್ರೆಸ್ ವರದಿಯಲ್ಲಿ ಉಲ್ಲೇಖಿಸಿದೆ.
ಈ ಕ್ಷಮಾದಾನಗಳನ್ನು ಸ್ವೀಕರಿಸುವವರು ತಪ್ಪೊಪ್ಪಿಕೊಂಡಂತೆ ಅಥವಾ ತಪ್ಪನ್ನು ಒಪ್ಪಿಕೊಂಡಂತೆ ಅರ್ಥೈಸಿಕೊಳ್ಳಬಾರದು ಎಂದು ಮಾಜಿ ಅಧ್ಯಕ್ಷ ಬಿಡೆನ್ ಹೇಳಿದ್ದಾರೆ.
“ಈ ಕ್ಷಮಾದಾನಗಳನ್ನು ನೀಡುವುದನ್ನು ಯಾವುದೇ ವ್ಯಕ್ತಿಯು ಯಾವುದೇ ತಪ್ಪಿನಲ್ಲಿ ತೊಡಗಿದ್ದಾನೆ ಎಂಬ ಅಂಗೀಕಾರ ಎಂದು ತಪ್ಪಾಗಿ ಭಾವಿಸಬಾರದು, ಅಥವಾ ಸ್ವೀಕಾರವನ್ನು ಯಾವುದೇ ಅಪರಾಧಕ್ಕೆ ತಪ್ಪೊಪ್ಪಿಕೊಂಡಂತೆ ತಪ್ಪಾಗಿ ಅರ್ಥೈಸಿಕೊಳ್ಳಬಾರದು” ಎಂದು ಅವರು ಹೇಳಿದರು.
ಈ ಸಾರ್ವಜನಿಕ ಸೇವಕರು “ನಮ್ಮ ದೇಶದ ಜನ ದೇಶದೆಡೆಗೆ ಈ ವ್ಯಕ್ತಿಗಳ ದಣಿವರಿಯದ ಬದ್ಧತೆಗೆ ಕೃತಜ್ಞತೆಯ ಋಣ ಹೊಂದಿದ್ದಾರೆ” ಎಂದು ಬೈಡನ್ ಹೇಳಿದ್ದಾರೆ.
