ಅನ್ನವನ್ನು ಮಾಡುವುದು ತುಂಬಾ ಸುಲಭ ಮತ್ತು ಅನೇಕ ಜನರಿಗೆ ಇದು ನೆಚ್ಚಿನ ಭಕ್ಷ್ಯವಾಗಿದೆ. ಜನರು ವಿವಿಧ ರೀತಿಯ ಅನ್ನವನ್ನು ತಿನ್ನುತ್ತಾರೆ. ಅಕ್ಕಿಯಲ್ಲಿ ಕಾರ್ಬೋಹೈಡ್ರೇಟ್ ಇರುತ್ತದೆ. ಇದರೊಂದಿಗೆ, ಪ್ರೋಟೀನ್, ಕೊಬ್ಬು ಮತ್ತು ಕ್ಯಾಲ್ಸಿಯಂ ಅನ್ನು ಸಹ ಒಳಗೊಂಡಿದೆ. ಆದರೆ, ರಾತ್ರಿ ಅನ್ನ ತಿನ್ನಬೇಕೋ ಬೇಡವೋ ಎಂಬ ಪ್ರಶ್ನೆ ಅನೇಕರ ಮನದಲ್ಲಿ ಮೂಡುವುದು ಖಂಡಿತ.
ಕುರುಬೂರು ಶಾಂತಕುಮಾರ್ ಗೆ ಗಂಭೀರ ಗಾಯ; ಪಂಜಾಬ್ನಿಂದ ಬೆಂಗಳೂರಿಗೆ ಏರ್ ಲಿಫ್ಟ್!
ಅನ್ನ ಒಂದು ರೀತಿಯ ಮುಖ್ಯ ಆಹಾರವಾಗಿ ಪಾತ್ರ ನಿರ್ವಹಿಸುತ್ತದೆ. ಬತ್ತದಿಂದ ಅನ್ನ ಮಾಡಿ, ನಂತರ ಬೇರೆ ಬೇರೆ ಅಡುಗೆ ಮಾಡ್ತಾರೆ. ಅನ್ನ ಮಾಡೋದು ಸುಲಭ ಹಾಗೂ ಕಾರ್ಬೋಹೈಡ್ರೇಟ್ಸ್ ಇರುವ ಕಾರಣ ಎನರ್ಜಿಗೆ ಸಹಾಯ ಮಾಡುತ್ತದೆ ಎನ್ನುತ್ತಾರೆ. ಆದರೆ ಅನ್ನದಲ್ಲಿ ಕಾರ್ಬೋಹೈಡ್ರೇಟ್ಸ್ ಮಾತ್ರವಲ್ಲದೆ, ಪ್ರೋಟೀನ್, ಕ್ಯಾಲ್ಸಿಯಂ, ಮೆಗ್ನೀಷಿಯಂ, ಐರನ್, ಪೊಟ್ಯಾಷಿಯಂ ಕೂಡ ಇದೆ. ಇಷ್ಟೆಲ್ಲಾ ಪೌಷ್ಟಿಕಾಂಶಗಳಿದ್ದರೂ ಕೆಲವರು ರಾತ್ರಿ ಅನ್ನ ತಿನ್ನಬಾರದು.
ಅನ್ನದಲ್ಲಿ ಕಾರ್ಬೋಹೈಡ್ರೇಟ್ಸ್ ಜಾಸ್ತಿ ಇರೋದ್ರಿಂದ ಎನರ್ಜಿ ಕೊಡುತ್ತೆ, ಗ್ಲೂಕೋಸ್ ವಿಭಜನೆ ಆಗುತ್ತೆ. ರಾತ್ರಿ ಎನರ್ಜಿಯ ಅಗತ್ಯವಿರುವುದಿಲ್ಲ. ಹಾಗಾಗಿ ರಾತ್ರಿ ಅನ್ನ ತಿಂದ್ರೆ ಗ್ಲೂಕೋಸ್ ಜಾಸ್ತಿ ಆಗಿ ದೇಹದಲ್ಲಿ ಕೊಬ್ಬು ಹೆಚ್ಚಾಗುತ್ತೆ. ಬಿಳಿ ಅಕ್ಕಿಯಲ್ಲಿ ಗ್ಲೈಸೆಮಿಕ್ ಇಂಡೆಕ್ಸ್ ಜಾಸ್ತಿ ಇರುತ್ತೆ. ಅದು ರಕ್ತದಲ್ಲಿ ಸಕ್ಕರೆ ಹೆಚ್ಚಿಸುತ್ತೆ. ಕಂದು ಅಕ್ಕಿಯಲ್ಲಿ (ಬ್ರೌನ್‌ ರೈಸ್‌) ಸ್ವಲ್ಪ ಕಡಿಮೆ ಇರುತ್ತೆ. ಸ್ವಲ್ಪ ಅನ್ನ ತಿಂದರೆ ತೊಂದರೆಯಾಗಲ್ಲ. ಆದ್ರೆ ಬಿಳಿ ಅಕ್ಕಿಯಲ್ಲಿ GI ಜಾಸ್ತಿ ಇರುವ ಕಾರಣ ರಕ್ತದಲ್ಲಿ ಸಕ್ಕರೆ ಅಂಶವನ್ನು ಬೇಗ ಹೆಚ್ಚು ಮಾಡುವುದರಿಂದ ತೂಕ ಹೆಚ್ಚಾಗುತ್ತೆ ಹಾಗೂ ಬೇರೆ ರೋಗಗಳಿಗೂ ಕಾರಣ ಆಗುತ್ತೆ.
ಸಕ್ಕರೆ ಕಾಯಿಲೆ ಇರೋರು ರಾತ್ರಿ ಉಟ ಮಾಡಬಾರದು. ರಾತ್ರಿ ಅನ್ನ ತಿಂದ್ರೆ ರಕ್ತದಲ್ಲಿ ಸಕ್ಕರೆ ಜಾಸ್ತಿ ಆಗುತ್ತೆ. ಹಾಗಾಗಿ ಅವರು ರಾತ್ರಿ ಅನ್ನ ತಿನ್ನದೆ ಇರೋದೇ ಒಳ್ಳೆಯದು. ಬದಲಿಗೆ ಕಂದು ಅಕ್ಕಿ ತಿನ್ನಬಹುದು. ಅದನ್ನೂ ಸ್ವಲ್ಪನೇ ತಿನ್ನಬೇಕು. ಜೊತೆಗೆ ತೂಕ ಕಡಿಮೆ ಮಾಡಿಕೊಳ್ಳುವವರು ಹಾಗೂ ಕೂತು ಕೆಲಸ ಮಾಡುವವರು ರಾತ್ರಿ ಊಟ ಮಾಡುವುದು ಸೂಕ್ತವಲ್ಲ.
ಊಟ ಮಾಡಲು ಒಳ್ಳೆಯ ಸಮಯ ಮಧ್ಯಾಹ್ನ ಅಥವಾ ಮೊದಲು, ಯಾಕಂದ್ರೆ ದೇಹಕ್ಕೆ ದಿನನಿತ್ಯದ ಕೆಲಸಗಳಿಗೆ ಹೆಚ್ಚು ಎನರ್ಜಿ ಬೇಕಾಗುತ್ತೆ. ಬೆಳಗ್ಗೆ ತಿಂಡಿ ಅಥವಾ ಮಧ್ಯಾಹ್ನ ಊಟಕ್ಕೆ ಅನ್ನ ತಿಂದ್ರೆ ದೇಹ ದಿನವಿಡೀ ಎನರ್ಜಿಗೆ ಕಾರ್ಬೋಹೈಡ್ರೇಟ್ಸ್ ಉಪಯೋಗಿಸ್ಕೊಳ್ಳುತ್ತೆ. ಈ ಸಮಯದಲ್ಲಿ ನಿಮ್ಮ ಮೆಟಬಾಲಿಸಂ ಆಕ್ಟಿವ್ ಇರುತ್ತೆ, ಕ್ಯಾಲೋರಿ ಬೇಗ ಖರ್ಚಾಗುತ್ತೆ. ವ್ಯಾಯಾಮ ಮಾಡೋರು ದೇಹದಲ್ಲಿ ಗ್ಲೈಕೋಜನ್ ಶೇಖರಣೆ ತುಂಬ್ಕೊಳ್ಳಬೇಕು. ಅದಕ್ಕೆ ಅನ್ನ ಒಳ್ಳೆಯ ಆಯ್ಕೆ. ವ್ಯಾಯಾಮದ ನಂತರ ಅನ್ನ ತಿಂದ್ರೆ ಎನರ್ಜಿ ಹೆಚ್ಚುತ್ತೆ.
