IPL ಮೆಗಾ ಹರಾಜಿಗೂ ಮುನ್ನವೇ ಎಲ್ಲಾ ಪ್ರಾಂಚೈಸಿಗಳು ತಾವು ಉಳಿಸಿಕೊಂಡ ಆಟಗಾರರ ಪಟ್ಟಿ ಬಿಡುಗಡೆ ಮಾಡಿದೆ.
Jodhpur: 2 ದಿನಗಳಿಂದ ನಾಪತ್ತೆಯಾಗಿದ್ದ ಮಹಿಳೆಯ ಮೃತದೇಹ 6 ತುಂಡುಗಳಾಗಿ ಪತ್ತೆ..!
ದೀಪಾವಳಿಯ ದಿನದಂದು ಬಿಡುಗಡೆಯಾದ ಈ ಪಟ್ಟಿಯಲ್ಲಿ ಕೆಲವು ಅಚ್ಚರಿಯ ನಿರ್ಧಾರಗಳು ಕಂಡುಬಂದಿವೆ. ಸ್ಟಾರ್ ಆಟಗಾರರಾದ ರಿಷಬ್ ಪಂತ್ ಮತ್ತು ಕೆಎಲ್ ರಾಹುಲ್ ಅವರನ್ನು ಅವರ ಫ್ರಾಂಚೈಸಿಗಳು ಬಿಡುಗಡೆಗೊಳಿಸಿವೆ.
ಈಗ ನವೆಂಬರ್‌ನಲ್ಲಿ ನಡೆಯಲಿರುವ ಮೆಗಾ ಹರಾಜಿನಲ್ಲಿ ಅವರಿಗೆ ಭಾರಿ ಮೊತ್ತದ ಬಿಡ್ ನಡೆಯಲಿದೆ ಎಂದು ನಿರೀಕ್ಷಿಸಲಾಗಿದೆ. ಧಾರಣ ಪಟ್ಟಿ ಘೋಷಣೆಯಾದ ತಕ್ಷಣ ಕೆಲವು ತಂಡಗಳು ಈ ಇಬ್ಬರು ಆಟಗಾರರತ್ತ ಆಸಕ್ತಿ ತೋರಲು ಆರಂಭಿಸಿವೆ. ಅದರಲ್ಲಿ ಪ್ರಮುಖವಾಗಿ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಗಳು ಅಗ್ರಸ್ಥಾನದಲ್ಲಿವೆ.
ಈ ನಡುವೆ ಈ ಇಬ್ಬರು ಯಾವ ಎರಡು ತಂಡಗಳನ್ನು ಸೇರಬಹುದು ಎಂಬುದರ ಬಗ್ಗೆ ಚರ್ಚೆ ಶುರುವಾಗಿದ್ದು, ಆ ಚರ್ಚೆಯ ಪ್ರಕಾರ, ರಿಷಬ್ ಪಂತ್ ಐಪಿಎಲ್ 2025 ರಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಪರ ಧೋನಿ ಜೊತೆ ಆಡುವುದನ್ನು ಕಾಣಬಹುದು ಎಂದು ಧೋನಿಯ ಆಪ್ತ ಸ್ನೇಹಿತ ಹಾಗೂ ಸಿಎಸ್ಕೆ ಪರ ಆಡಿದ ಸುರೇಶ್ ರೈನಾ ಅವರೇ ದೊಡ್ಡ ಸುಳಿವು ನೀಡಿದ್ದಾರೆ.
ಧಾರಣೆ ಪಟ್ಟಿ ಹೊರಬಿದ್ದ ಬಳಿಕ ಮಾತನಾಡಿರುವ ಸುರೈಶ್ ರೈನಾ, ‘ನಾನು ಎಂಎಸ್ ಧೋನಿ ಅವರನ್ನು ದೆಹಲಿಯಲ್ಲಿ ಭೇಟಿಯಾಗಿದ್ದೆ, ಆ ಸಮಯದಲ್ಲಿ ರಿಷಬ್ ಪಂತ್ ಕೂಡ ಅಲ್ಲಿದ್ದರು. ಹೀಗಾಗಿ ಶೀಘ್ರದಲ್ಲೇ ನೀವು ರಿಷಬ್ ಪಂತ್ ಹಳದಿ ಜರ್ಸಿಯನ್ನು ಧರಿಸಿ ಆಡುವುದನ್ನು ನೋಡಬಹುದು ಎಂದಿದ್ದಾರೆ.
ಸುರೇಶ್ ರೈನಾ ಅವರ ಈ ಹೇಳಿಕೆಯ ನಂತರ, ಧೋನಿ ಸ್ವತಃ ಪಂತ್ಗಾಗಿ ಸಿಎಸ್ಕೆ ಮ್ಯಾನೇಜ್ಮೆಂಟ್ ಜೊತೆ ಮಾತನಾಡಿದ್ದಾರೆ ಎಂದು ಹೇಳಲಾಗುತ್ತಿದೆ.
