ಪ್ರತಿಯೊಂದು ಅಂಗಾಂಶಗಳು ಹಾಗೂ ಅಂಗಗಳು ಸರಿಯಾದ ರೀತಿಯಲ್ಲಿ ಪೋಷಕಾಂಶಗಳನ್ನು ಪಡೆದು, ಕಾರ್ಯನಿರ್ವಹಿಸುವಂತೆ ಮಾಡಲು ಹೃದಯವು ಸರಿಯಾದ ರೀತಿಯಲ್ಲಿ ಕೆಲಸ ಮಾಡುವುದು ಅಗತ್ಯವಾಗಿರುವುದು. ಪುರುಷರಲ್ಲಿ 40 ದಾಟಿದ ಬಳಿಕ ಹೃದಯದ ಸಮಸ್ಯೆಗಳು ಕಾಡುವುದು ಸಹಜ. ನಿಯಮಿತವಾಗಿ ಹೃದಯದ ತಪಾಸಣೆ ಮಾಡಿಸಿಕೊಳ್ಳುತ್ತಾ, ದೇಹವು ನೀಡುವಂತಹ ಕೆಲವು ಸೂಚನೆಗಳನ್ನು ಗಮನಿಸಿದರೆ ಆಗ ಅದರಿಂದ ಹೃದಯದ ಸಮಸ್ಯೆಗಳನ್ನು ದೂರವಿಡಬಹುದು.
DK Suresh: ಚನ್ನಪಟ್ಟಣ ಸ್ಪರ್ಧೆ ವಿಚಾರ ನನ್ನ ಮುಂದೆ ಚರ್ಚೆಯಲ್ಲಿ ಇಲ್ಲ: ಡಿ.ಕೆ ಸುರೇಶ್
ಹೃದಯದ ಬ್ಲಾಕ್ ಎಂದರೆ ಅದು ಹೃದಯದ ರಕ್ತನಾಳಗಳಲ್ಲಿ ಕಂಡುಬರುವಂತಹ ತುಂಬಾ ಗಂಭೀರ ಆರೋಗ್ಯ ಸಮಸ್ಯೆಯಾಗಿದೆ. ಈ ಸಮಸ್ಯೆಗೆ ಜೀವನಶೈಲಿಯ ಕ್ರಮಗಳು ಪ್ರಮುಖ ಕಾರಣವಾಗಿದೆ. ಇದರಲ್ಲಿ ಮುಖ್ಯವಾಗಿ ಅಧಿಕ ಕೊಲೆಸ್ಟ್ರಾಲ್.
ಇದು ಹೊಸ ಜೀವಕೋಶ ಮತ್ತು ಹಾರ್ಮೋನ್ ಗಳನ್ನು ಉತ್ಪತ್ತಿ ಮಾಡಲು ಬೇಕಾಗಿರುವಂತಹ ಕೊಬ್ಬಿನ ಮೇಣವಾಗಿದ್ದು, ಇದರಲ್ಲಿ ಎರಡು ವಿಧವಿದೆ
ಒಂದು ಒಳ್ಳೆಯ ಕೊಲೆಸ್ಟ್ರಾಲ್ (ಎಚ್ಡಿಎಲ್) ಮತ್ತೊಂದು ಕೆಟ್ಟ ಕೊಲೆಸ್ಟ್ರಾಲ್(ಎಲ್ ಡಿಎಲ್).
ಇದರಲ್ಲಿ ಕೆಟ್ಟ ಕೊಲೆಸ್ಟ್ರಾಲ್ ಅತಿಯಾದರೆ, ಆಗ ಇದರಿಂದ ಅನಾ ರೋಗ್ಯ ಸಮಸ್ಯೆಯು ಕಾಡುವುದು ಇದೆ. ರಕ್ತನಾಳದಲ್ಲಿ ಕೊಲೆಸ್ಟ್ರಾಲ್ ಅತಿಯಾದರೆ, ಆಗ ಇದು ಯಾವ ರೀತಿಯಿಂದ ಹೃದಯದ ರಕ್ತನಾಳದಲ್ಲಿ ಬ್ಲಾಕ್ ಉಂಟು ಮಾಡು, ಗಂಭೀರ ಸಮಸ್ಯೆಗೆ ಕಾರಣವಾಗಬಲ್ಲದೆ ಎಂದು ನಾವು ನಿಮಗೆ ಈ ಲೇಖನದ ಮೂಲಕ ತಿಳಿಸಿಕೊಡಲಿದ್ದೇವೆ.
ರಕ್ತನಾಳದಲ್ಲಿ ಪದರವು ನಿರ್ಮಾಣವಾಗಿ ಅದರಿಂದ ಹೃದಯದ ಬ್ಲಾಕ್ ಉಂಟಾಗುವುದು. ಇದನ್ನು ಅಪಧಮನಿಕಾಠಿಣ್ಯ ಎಂದು ಕರೆಯಲಾಗುತ್ತದೆ. ಅಧಿಕ ಕೊಲೆಸ್ಟ್ರಾಲ್, ಅತಿಯಾದ ಕೊಬ್ಬು, ಕ್ಯಾಲ್ಸಿಯಂ ಮತ್ತು ಇತರ ಕೆಲವೊಂದು ಅಂಶಗಳಿಂದಾಗಿ ರಕ್ತನಾಳದಲ್ಲಿ ಪದರವು ನಿರ್ಮಾಣವಾಗುವುದು.
ಇದು ಮುಂದುವರಿದಂತೆ ಪದರವು ತುಂಬಾ ಹಠಮಾರಿಯಾ ಗುವುದು ಮತ್ತು ರಕ್ತನಾಳಗಳು ಕುಗ್ಗುವುದು. ಇದರಿಂದ ಹೃದಯಕ್ಕೆ ಸರಿಯಾಗಿ ರಕ್ತಸಂಚಾರವು ಆಗದೇ ಇರುವುದು. ಧೂಮಪಾನ, ಅಧಿಕ ಕೊಲೆಸ್ಟ್ರಾಲ್, ಅಧಿಕ ರಕ್ತದೊತ್ತಡ, ಮಧುಮೇಹ ಮತ್ತು ದೈಹಿಕ ಚಟುವಟಿಕೆ ಇಲ್ಲದೆ ಇರುವುದು ಹೃದಯ ಬ್ಲಾಕ್ ಆಗಲು ಪ್ರಮುಖ ಕಾರಣವಾಗಿದೆ
೪೦ರ ಹರೆಯದ ಬಳಿಕ ಪುರುಷರಲ್ಲಿ ಹೃದಯದ ಆರೋಗ್ಯವು ಸಂಪೂರ್ಣ ಆರೋಗ್ಯದ ಮೇಲೆ ಪರಿಣಾಮ ಬೀರುವುದು. ಕೆಲವು ಲಕ್ಷಣಗಳು ದೇಹದಲ್ಲಿ ಕಂಡುಬಂದರೆ, ಆಗ ಇದು ಹೃದಯದ ಬ್ಲಾಕ್ ಸಮಸ್ಯೆಯ ಲಕ್ಷಣವೆಂದು ತಿಳಿದುಕೊಳ್ಳುವುದು ಅತೀ ಅಗತ್ಯ.
ಹೃದಯವು ಬ್ಲಾಕ್ ಆಗಿರುವ ಲಕ್ಷಣವೆಂದರೆ ಅದು ಕಾಲು ಮತ್ತು ಪಾದಗಳಲ್ಲಿ ನೋವು ಕಾಣಿಸಿಕೊಳ್ಳುವುದು. ಸೆಳೆತ, ನೋವು, ತೊಡೆ, ಪೃಷ್ಠ ಇತ್ಯಾದಿಗಳಲ್ಲಿ ಅಹಿತಕರವೆನಿಸುವುದು.
ಹೆಚ್ಚಾಗಿ ನಡೆದಾಡುವ ಸಂದರ್ಭದಲ್ಲಿ ಇದು ಕಂಡುಬರುವುದು. ರಕ್ತನಾಳದಲ್ಲಿ ಬ್ಲಾಕ್ ಆಗಿರುವ ಪರಿಣಾಮವಾಗಿ ರಕ್ತ ಸಂಚಾರವು ಕಡಿಮೆ ಆಗಿ ಹೀಗೆ ಆಗುವುದು.
ಕಾಲು ಮತ್ತು ಪಾದದಲ್ಲಿ ಮರಗಟ್ಟುವಿಕೆ ಅಥವಾ ನಿಶ್ಯಕ್ತಿಯು ಕಂಡುಬಂದರೆ ಆಗ ಇದು ಹೃದಯದಲ್ಲಿ ಬ್ಲಾಕ್ ಆಗಿರುವ ಲಕ್ಷಣವಾಗಿದೆ. ರಕ್ತ ಸಂಚಾರವು ಕಡಿಮೆ ಆಗಿ ಅದರಿಂದ ನರಗಳಿಗೆ ಹಾನಿ ಆಗುವುದು.
ಇದರ ಪರಿಣಾಮವಾಗಿ ಮರಗಟ್ಟುವಿಕೆ, ಝಮ್ಮೆನಿಸುವಿಕೆ ಅಥವಾ ನಿಶ್ಯಕ್ತಿಯು ಕಂಡುಬರುವುದು. ಇದನ್ನು ಕಡೆಗಣಿಸಬಾರದು ಮತ್ತು ಇದು ಹೃದಯದ ಗಂಭೀರ ಸಮಸ್ಯೆಯ ಲಕ್ಷಣವಾಗಿರಬಹುದು.
ಕಾಲು ಮತ್ತು ಪಾದದ ಚರ್ಮದ ಬಣ್ಣ ಮತ್ತು ವಿನ್ಯಾಸದಲ್ಲಿ ಬದಲಾವಣೆ ಆದರೆ ಅದು ಹೃದಯದ ಬ್ಲಾಕ್ ಸಮಸ್ಯೆಯ ಲಕ್ಷಣವಾಗಿರಬಹುದು.
ಬಣ್ಣ ಲಘುವಾಗುವುದು, ಬಣ್ಣ ಮಾಸುವಿಕೆ ಇತ್ಯಾದಿ ಕಂಡು ಬರಬಹುದು. ಕೆಲವೊಮ್ಮೆ ಗಾಯ ಮತ್ತು ಬೊಕ್ಕೆಗಳು ಕೂಡ ಕಂಡುಬರಬಹುದು. ಇದರ ಬಗ್ಗೆ ತಕ್ಷಣವೇ ವೈದ್ಯರಿಂದ ಪರೀಕ್ಷೆ ಮಾಡಿಸಿಕೊಳ್ಳುವುದು ಅತೀ ಅಗತ್ಯ.
ತುಂಬಾ ಉಷ್ಣತೆ ಇರುವಾಗಲೂ ಕಾಲಿನ ಪಾದ ಮತ್ತು ಬೆರಳುಗಳು ತಣ್ಣಗಾಗುವುದು ಕೂಡ ಒಂದು ರೀತಿಯ ಎಚ್ಚರಿಕೆ ಆಗಿದೆ. ಹೃದಯದ ಯಲ್ಲಿ ಬ್ಲಾಕ್ ಆಗಿ ರಕ್ತ ಸಂಚಾರವು ಸರಿಯಾಗಿ ಆಗದೆ ಇರುವ ವೇಳೆ ಹೀಗೆ ಆಗುವುದು.
ಪುರುಷರಲ್ಲಿ ಕಾಲಿನ ಭಾಗದ ಕೂದಲು ಉದುರುವಿಕೆಯನ್ನು ಹೃದಯದ ಬ್ಲಾಕ್ ಸಮಸ್ಯೆ ಎಂದು ಪರಿಗಣಿಸಬಹುದು. ಕೂದಲಿನ ಕಿರುಚೀಲಗಳಿಗೆ ಸರಿಯಾಗಿ ರಕ್ತಸಂಚಾರವು ಆಗದೆ ಇರುವುದರಿಂದ ಕೂದಲು ತೆಳುವಾಗಿ ಉದುರಬಹುದು. ಇದು ಕೂಡ ಹೃದಯದ ಬ್ಲಾಕ್ ಸಮಸ್ಯೆಯಿಂದಾಗಿ ಕಾಣಿಸಿಕೊಳ್ಳಬಹುದು.
ಪುರುಷರಲ್ಲಿ ಹೃದಯದಲ್ಲಿ ಬ್ಲಾಕ್ ಆದರೆ ಆಗ ಅವರಲ್ಲಿ ನಪುಂಸಕತೆಯು ಕಾಣಿಸಿಕೊಳ್ಳಬಹುದು. ಕಾಲು ಮತ್ತು ಪಾದಕ್ಕೆ ಸಂಚರಿಸುವಂತಹ ರಕ್ತನಾಳಗಳು ಕಿರಿದಾಗಿ ಅದರಿಂದ ಸೊಂಟದ ಭಾಗಕ್ಕೆ ಸರಿಯಾಗಿ ರಕ್ತ ಸಂಚಾರವು ಆಗದೆ ಇರುವ ಕಾರಣ ಹೀಗೆ ಆಗಬಹುದು.
ರಕ್ತ ಸರಬರಾಜು ಸರಿಯಾಗಿ ಆಗದೆ ಇರುವ ಪರಿಣಾಮ ನಿಮಿರು ದೌರ್ಬಲ್ಯ ಉಂಟಾಗಬಹುದು. ಇದಕ್ಕೆ ತಕ್ಷಣವೇ ವೈದ್ಯರ ಬಳಿಯಲ್ಲಿ ಚಿಕಿತ್ಸೆ ಪಡೆದುಕೊಂಡರೆ ಆಗ ಅದರಿಂದ ಸಮಸ್ಯೆ ಗಳನ್ನು ದೂರ ಮಾಡಿಕೊಳ್ಳಬಹುದು.
ದೈಹಿಕ ಚಟುವಟಿಕೆ ಸಂದರ್ಭದಲ್ಲಿ ನಿರಂತರವಾಗಿ ಬಳಲಿಕೆ ಮತ್ತು ನಿಶ್ಯಕ್ತಿಯು ಕಂಡುಬಂದರೆ ಆಗ ಇದು ಹೃದಯದ ಬ್ಲಾಕ್ ಆಗಿರುವ ಲಕ್ಷಣವಾಗಿದೆ.
ರಕ್ತ ಸಂಚಾರವು ನಿಧಾನವಾಗಿ ಅದರಿಂದ ಸ್ನಾಯುಗಳಿಗೆ ಸರಿಯಾಗಿ ಆಮ್ಲಜನಕ ಮತ್ತು ಪೋಷಕಾಂಶಗಳು ಪೂರೈಕೆ ಆಗದೆ ಇರಬಹುದು.
ಇದರ ಪರಿಣಾಮ ಬಳಲಿಕೆ ಮತ್ತು ನಿಶ್ಯಕ್ತಿಯು ಕಾಣಿಸುವುದು. ನಿಯಮಿತವಾಗಿ ಇದನ್ನು ಗಮನಿಸಿ, ಅದರ ಬಗ್ಗೆ ವೈದ್ಯರಲ್ಲಿ ತಿಳಿಸಿದರೆ ಆಗ ಸರಿಯಾದ ಚಿಕಿತ್ಸೆ ಮೂಲಕ ಪರಿಹಾರ ಕಂಡುಕೊಳ್ಳಬಹುದು.
40 ದಾಟಿದ ಬಳಿಕ ಪುರುಷರು ಈ ಎಲ್ಲಾ ಲಕ್ಷಣಗಳನ್ನು ಗಮನಿಸಬೇಕು ಮತ್ತು ಪರೀಕ್ಷೆ ಮಾಡಿಸಿಕೊಂಡು ಸಂಪೂರ್ಣ ಆರೋಗ್ಯವನ್ನು ಸರಿಯಾಗಿ ಇಟ್ಟುಕೊಳ್ಳಬೇಕು
ಹೃದಯದ ಆರೋಗ್ಯಕ್ಕಾಗಿ ಕಾಲು ಮತ್ತು ಪಾದದಲ್ಲಿನ ಲಕ್ಷಣಗಳನ್ನು ಗಮನಿಸುವುದು ಅತೀ ಅಗತ್ಯ. ಯಾವುದೇ ಲಕ್ಷಣಗಳು ಕಂಡುಬಂದರೆ ಆಗ ನೀವು ವೈದ್ಯರನ್ನು ಸಂಪರ್ಕಿಸಿ ಅವರಿಂದ ತಪಾಸಣೆ ಮಾಡಿಸಿಕೊಳ್ಳಿ