ಪದೇ ಪದೇ ಮೂತ್ರ ವಿಸರ್ಜನೆ ಮಾಡಬೇಕೆಂದು ಅನಿಸಿದರೆ ನಿಮಗೆ ಸಾಕಷ್ಟು ತೊಂದರೆಯಾಗಬಹುದು. ವಿಶೇಷವಾಗಿ ನೀವು ಕೆಲವು ಪ್ರಮುಖ ಕೆಲಸ ಅಥವಾ ಪ್ರಯಾಣದ ನಡುವೆ ಇರುವಾಗ ನಿಮಗೆ ಬಹಳ ತೊಂದರೆ ಉಂಟುಮಾಡಬಹುದು. ಪದೇ ಪದೇ ಮೂತ್ರ ವಿಸರ್ಜನೆಯಾಗುವುದನ್ನು ನಾವು ನಿರ್ಲಕ್ಷ್ಯ ಮಾಡುವಂತಿಲ್ಲ.
ಮೂತ್ರ ಸೋರಿಕೆಗೆ ಕಾರಣಗಳೇನು ?
ಒಂದು ಸಾರಿ ಮೂತ್ರ ಬಂದಾಗ ಶೌಚಾಲಯಕ್ಕೆ ಹೋಗಿ ಸರಿಯಾಗಿ ಮೂತ್ರ ಮಾಡದೆ ಬಂದಾಗ ಇಂಥಾ ಸಮಸ್ಯೆ ಉಂಟಾಗುತ್ತದೆ. ಸ್ವಲ್ಪ ಸಮಯದಲ್ಲೇ ಮೂತ್ರ ಸೋರಿಕೆಯನ್ನು ಅನುಭವಿಸಬಹುದು ಅಥವಾ ಮೂತ್ರ ಬರುವ ಹಠಾತ್ ಪ್ರಚೋದನೆಯನ್ನು ಅನುಭವಿಸಬಹುದು. ಕೆಲವರಲ್ಲಿ ಇದು ಪ್ರತಿದಿನ ಕಂಡು ಬರುವ ಸಮಸ್ಯೆಯಾಗಿದೆ. ಇನ್ನು ಕೆಲವರಿಗೆ ಇದು ತಿಂಗಳಿಗೊಮ್ಮೆ ಅಥವಾ ಎರಡು ಬಾರಿ ಸಂಭವಿಸಬಹುದು.
ನಗುವುದು, ವ್ಯಾಯಾಮ (Exercise) ಮಾಡುವುದು, ಕೆಮ್ಮುವುದು ಮುಂತಾದ ದೈಹಿಕ ಚಟುವಟಿಕೆಯಿಂದ ಸಹ ಪದೇ ಪದೇ ಮೂತ್ರ ಸೋರಿಕೆಯ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ. ಅಂಥಾ ಸಂದರ್ಭಗಳಲ್ಲಿ, ಮೂತ್ರಕೋಶವು ನಿಯಂತ್ರಣವನ್ನು ಕಳೆದುಕೊಳ್ಳಬಹುದು ಮತ್ತು ನೀವು ಸ್ವಲ್ಪ ಮೂತ್ರ ವಿಸರ್ಜನೆ ಮಾಡಬಹುದು. ಇದು ಸಾಕಷ್ಟು ಸಾಮಾನ್ಯವಾಗಿದೆ ಮತ್ತು ಆತಂಕಕಾರಿ ಪರಿಸ್ಥಿತಿ ಅಲ್ಲ. ಸರಿಯಾಗಿ ಮೂತ್ರ ಮಾಡದಿದ್ದಾಗ ಸಹ ಈ ರೀತಿಯ ಸಮಸ್ಯೆಯಾಗುತ್ತದೆ. ಈ ಪರಿಸ್ಥಿತಿಯಲ್ಲಿ, ನೀವು ಮೂತ್ರ ವಿಸರ್ಜಿಸುವಾಗ ನಿಮ್ಮ ಮೂತ್ರಕೋಶವನ್ನು ಸಂಪೂರ್ಣವಾಗಿ ಖಾಲಿ ಮಾಡದೇ ಇದ್ದಾಗ ಒಳಉಡುಪಿನಲ್ಲೇ ಮೂತ್ರ ಸೋರಿಕೆಯಾಗಬಹುದು.
ವಯಸ್ಸಾದ ಕಾರಣ ದುರ್ಬಲ ಮೂತ್ರಕೋಶ, ಕ್ಯಾನ್ಸರ್‌ನಿಂದಾಗಿ ಮೂತ್ರಕೋಶದ ಮೇಲೆ ಒತ್ತಡ, ಬುದ್ಧಿಮಾಂದ್ಯತೆ ಅಥವಾ ಆಲ್ಝೈಮರ್‌ನಂತಹ ನರವೈಜ್ಞಾನಿಕ ಪರಿಸ್ಥಿತಿಗಳು, ಮೂತ್ರದ ಸೋಂಕು, ಮೂತ್ರನಾಳದ ಸೋಂಕು, ಮೂತ್ರಪಿಂಡದ ಸೋಂಕು ಅಥವಾ ಮೂತ್ರಪಿಂಡದ ಕಲ್ಲುಗಳಂತಹ ಸಮಸ್ಯೆಗಳಿಂದಲೂ ಮೂತ್ರ ಸೋರಿಕೆಯಾಗುತ್ತದೆ.
ಕೆಲವು ದೈಹಿಕ ಚಟುವಟಿಕೆಯ ಸಮಯದಲ್ಲಿ ಪದೇ ಪದೇ ಮೂತ್ರ ಬಂದರೆ ಸಾಮಾನ್ಯವೆಂದು ಪರಿಗಣಿಸಲಾಗುತ್ತದೆ. ಆದರೆ ಉಳಿದ ಸಂದರ್ಭಗಳಲ್ಲೂ ಇದೇ ರೀತಿ ಸಮಸ್ಯೆಯಾದರೆ ತಕ್ಷಣದ ವೈದ್ಯಕೀಯ ಆರೈಕೆಯ ಅಗತ್ಯವಿರುತ್ತದೆ. ಆದ್ದರಿಂದ, ನೀವು ತಿಂಗಳಲ್ಲಿ ಕೆಲವು ಬಾರಿ ಈ ಮುಜುಗರದ ಪರಿಸ್ಥಿತಿಯನ್ನು ಎದುರಿಸಿದರೆ, ನಿಮ್ಮ ವೈದ್ಯರನ್ನು ಸಂಪರ್ಕಿಸಿ ಮತ್ತು ಅದನ್ನು ಪರೀಕ್ಷಿಸಿ. ಕೆಲವು ಸಂದರ್ಭಗಳಲ್ಲಿ, ಅಸಂಯಮ ಮೂತ್ರ ಸೋರಿಕೆ ವೈದ್ಯಕೀಯ ತುರ್ತುಸ್ಥಿತಿಯ ಸಂಕೇತವಾಗಿರಬಹುದು.
ಮೂತ್ರ ಸೋರಿಕೆಗೆ ಚಿಕಿತ್ಸೆಯೇನು ?
ಮೂತ್ರ ಸೋರಿಕೆಯ ಸಮಸ್ಯೆಗೆ ಹಲವಾರು ಕಾರಣಗಳಿವೆ. ಘಟನೆಯ ಕಾರಣವನ್ನು ಅವಲಂಬಿಸಿ, ವೈದ್ಯರು ನಿಮ್ಮ ಔಷಧಿಗಳನ್ನು ಶಿಫಾರಸು ಮಾಡಬಹುದು. ಮೂತ್ರ ಸೋರದಂತೆ ಸ್ನಾಯುಗಳನ್ನು ಬಲಪಡಿಸಲು ಕೆಲವು ವ್ಯಾಯಾಮಗಳನ್ನು ಮಾಡಲು ಶಿಫಾರಸು ಮಾಡಬಹುದು. ತೂಕ ಹೆಚ್ಚಳ. ಕೆಫೀನ್, ಆಲ್ಕೋಹಾಲ್ ಮತ್ತು ಆಮ್ಲೀಯ ಆಹಾರಗಳ ಸೇವನೆ ಮೂತ್ರಕೋಶದ ಉದ್ರೇಕಕಾರಿಗಳ ಅತಿಯಾದ ಸೇವನೆಯಿಂದಾಗಿ ಉಂಟಾದರೆ ವೈದ್ಯರು ಆಹಾರಶೈಲಿಯನ್ನು ಬದಲಾಯಿಸಲು ಸಲಹೆ ನೀಡುತ್ತಾರೆ.
