ಇತ್ತೀಚಿನ ದಿನಗಳಲ್ಲಿ ಹೆಚ್ಚಿನ ಜನರು ಆನ್ ಲೈನ್’ನಲ್ಲಿ ಅಥವಾ ಸೂಪರ್ ಮಾರ್ಕೆಟ್’ಗಳಲ್ಲಿ ಲಭ್ಯವಿರುವ ಸಂಸ್ಕರಿಸಿದ ಫ್ರೀಜ್ ಮಾಡಿದ ಚಿಕನ್ ಅನ್ನು ಖರೀದಿಸುವುದು ಮಾಮೂಲಾಗಿದೆ. ಇಲ್ಲಿ ಗಮನಿಸಬೇಕಾದ ವಿಷಯವೆಂದರೆ ಹೆಚ್ಚಿನ ಮಾಂಸ ಸಂಸ್ಕರಿಸಿದ್ದು ಫ್ರೀಜ್ ಆಗಿರುತ್ತದೆ ಅಥವಾ ಪ್ಯಾಕ್ ಮಾಡಲಾಗಿರುವುದರಿಂದ ಚಿಕನ್ ತಾಜಾವಾಗಿದೆಯೇ ಅಥವಾ ಇಲ್ಲವೇ ಎಂದು ತಿಳಿದುಕೊಳ್ಳಲು ಹೆಚ್ಚಿನ ಅವಕಾಶವಿರುವುದಿಲ್ಲ. ಚಿಕನ್ ತಾಜಾ ಅಥವಾ ಇಲ್ಲವೇ ಎಂದು ಖಚಿತಪಡಿಸಿಕೊಳ್ಳದೆ ಕುರುಡಾಗಿ ಸೇವಿಸುವುದು ಒಳ್ಳೆಯದಲ್ಲ. ಆದ್ದರಿಂದ ನೀವು ಖರೀದಿಸುತ್ತಿರುವ ಕೋಳಿ ತಾಜಾ ಮತ್ತು ಸೇವನೆಗೆ ಯೋಗ್ಯವಾಗಿದೆ ಎಂದು ಖಚಿತಪಡಿಸಿಕೊಳ್ಳಲು ನಮ್ಮ ತಜ್ಞರು ಕೆಲವು ಸಲಹೆಗಳನ್ನು ಕೊಟ್ಟಿದ್ದಾರೆ ನೋಡಿ.
ಚಿಕನ್ ಖರೀದಿಸುವಾಗ ನೀವು ಏನನ್ನು ಪರಿಶೀಲಿಸಬೇಕು?
ಚಿಕನ್’ನಲ್ಲಿ ಆರೋಗ್ಯಕರ ಕೊಬ್ಬುಗಳು, ಪ್ರೋಟೀನ್ ಸಮೃದ್ಧಿಯಾಗಿದ್ದು, ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ ಎಂಬ ಅಂಶವನ್ನು ಅಲ್ಲಗಳೆಯುವಂತಿಲ್ಲ. ಆದರೆ ಬಹಳ ಹಳೆಯ ಅಥವಾ ಹಾಳಾದ ಕೋಳಿಯನ್ನು ಸೇವಿಸುವುದರಿಂದ ನಮ್ಮ ಜೀರ್ಣಾಂಗ ವ್ಯವಸ್ಥೆಯ ಮೇಲೆ ಪರಿಣಾಮ ಬೀರಬಹುದು, ಇದು ತೀವ್ರವಾದ ಸೋಂಕುಗಳು ಮತ್ತು ರೋಗವನ್ನು ಉಂಟುಮಾಡುತ್ತದೆ. ಆದ್ದರಿಂದ ಚಿಕನ್ ತಾಜಾತನದ ಬಗ್ಗೆ ಖಾತರಿಪಡಿಸಿಕೊಳ್ಳುವುದು ತುಂಬಾ ಮುಖ್ಯವಾಗಿದೆ.
ಚಿಕನ್ ತಾಜಾತನವನ್ನು ಖಚಿತಪಡಿಸಿಕೊಳ್ಳಲು ಕೆಲವು ಸುಲಭವಾದ ಮಾರ್ಗವೆಂದರೆ ಚಿಕನ್ ಹೇಗೆ ಸಂಗ್ರಹ ಮಾಡಿರುತ್ತಾರೆ, ಪ್ಯಾಕೇಜಿಂಗ್, ವಿನ್ಯಾಸ, ಬಣ್ಣ ಮತ್ತು ವಾಸನೆಯನ್ನು ಪರಿಶೀಲಿಸುವುದು. ಚಿಕನ್ ಖರೀದಿಸುವಾಗ ನೀವು ಇನ್ನು ಪರಿಶೀಲಿಸಬೇಕಾದ ವಿವರವಾದ ವಿವರ ಇಲ್ಲಿದೆ ನೋಡಿ.
ಚಿಕನ್ ಈ ಬಣ್ಣದಲ್ಲಿದ್ದರೆ ಹಾಳಾಗಿದೆ ಎಂದರ್ಥ
ಚಿಕನ್ ಗುಣಮಟ್ಟವನ್ನು ಖಚಿತಪಡಿಸಿಕೊಳ್ಳಲು ಸುಲಭವಾದ ಮಾರ್ಗವೆಂದರೆ ಅದರ ಬಣ್ಣವನ್ನು ಪರೀಕ್ಷಿಸುವುದು. ಏಕೆಂದರೆ ಹೊಸದಾಗಿ ಕತ್ತರಿಸಿದ ಚಿಕನ್ ತಿರುಳಿದ್ದು, ಗುಲಾಬಿ ಬಣ್ಣದಲ್ಲಿ ಕಾಣುತ್ತದೆ, ವಿನ್ಯಾಸವು ಸಹ ಸ್ಥಿರವಾಗಿರುತ್ತದೆ. ಇನ್ನು ಒಂದು ಗಮನಿಸಬೇಕಾದ ಅಂಶವಿದೆ. ಚಿಕನ್ ಹಳೆಯದಾಗಿದ್ದರೆ ಅದು ಕ್ರಮೇಣ ಮಸುಕಾದ ಬೂದು ಬಣ್ಣಕ್ಕೆ ತಿರುಗುತ್ತದೆ. ಚಿಕನ್ ಬಣ್ಣವು ಮಸುಕಾಗಿ ಕಾಣುತ್ತಿದ್ದರೆ, ಚಿಕನ್ ತಾಜಾವಾಗಿಲ್ಲ ಎಂದರ್ಥ. ಆದ್ದರಿಂದ ಚಿಕನ್ ಬೂದು, ಹಸಿರು ಅಥವಾ ತಿಳಿ ಗುಲಾಬಿ ಬಣ್ಣವನ್ನು ಹೊರತುಪಡಿಸಿ ಬೇರೆ ಯಾವುದೇ ಬಣ್ಣದಲ್ಲಿದ್ದರೆ, ಇದು ಕೆಟ್ಟು ಹೋಗಿರುವ ಸಂಕೇತವಾಗಿದೆ.
ಕಲೆಗಳನ್ನು ಗಮನಿಸಿ ಅಥವಾ ಪರೀಕ್ಷಿಸಿ
ಚಿಕನ್ ಖರೀದಿಸುವಾಗ ಪ್ರತಿಯೊಬ್ಬರು ನೆನಪಿನಲ್ಲಿಟ್ಟುಕೊಳ್ಳಬೇಕಾದ ಇನ್ನೊಂದು ವಿಷಯವೆಂದರೆ ಕಲೆಗಳನ್ನು ಪರೀಕ್ಷಿಸುವುದು. ಹೌದು, ತಾಜಾ ಮತ್ತು ಆರೋಗ್ಯಕರ ಕೋಳಿ ಕೆಂಪು ಅಥವಾ ಮಸುಕಾದ ಹಳದಿ ಕಲೆಗಳನ್ನು ಹೊಂದಿರುವುದಿಲ್ಲ. ಫ್ರೀಜ್ ಮಾಡಿದ ಚಿಕನ್ ನಲ್ಲಿ ಮೇಲೆ ಹೇಳಿದ ಕಲೆಗಳು ಕಂಡುಬಂದರೆ ಅದು ತೀವ್ರವಾದ ಸೋಂಕುಗಳಿಗೆ ಕಾರಣವಾಗಬಹುದು.
ವಾಸನೆಯ ಮೂಲಕವೂ ಕಂಡುಹಿಡಿಯಬಹುದು
ಹಳೆಯ ಅಥವಾ ಹಾಳಾದ ಚಿಕನ್ ಕಮಟು ವಾಸನೆಯನ್ನು ಹೊಂದಿರುತ್ತದೆ. ಅಂತಹ ಚಿಕನ್ ಸಾಮಾನ್ಯವಾಗಿ ಹುಳಿ ಅಥವಾ ಗಂಧಕದಂತಹ ವಾಸನೆಯನ್ನು ಹೊಂದಿರುತ್ತದೆ. ಹೆಚ್ಚಾಗಿ ತಾಜಾ ಚಿಕನ್ ಯಾವುದೇ ವಾಸನೆ ಹೊಂದಿರುವುದಿಲ್ಲ. ಚಿಕನ್’ನಲ್ಲಿ ರೋಗಕಾರಕಗಳ ಬೆಳವಣಿಗೆಯಿಂದಾಗಿ ಈ ರೀತಿ ಕೆಟ್ಟ ವಾಸನೆ ಬರುತ್ತದೆ. ಆದ್ದರಿಂದ ನೆನಪಿಡಿ, ಚಿಕನ್ ಸ್ವಲ್ಪ ಕೆಟ್ಟ ವಾಸನೆ ಬಂದರೂ ಅದು ಸೇವನೆಗೆ ಒಳ್ಳೆಯದಲ್ಲ ಎಂಬುದನ್ನು ಖಚಿತಪಡಿಸಿಕೊಳ್ಳಿ.
ಹೊಳೆಯುವ ಚಿಕನ್ ನೋಡಿ ಮಾರುಹೋಗಬೇಡಿ
ಪ್ಯಾಕೇಜ್ ಮಾಡಿದ ಚಿಕನ್ ಸುಂದರವಾದ ಹೊಳಪು ಹೊಂದಿರುತ್ತದೆ. ಇಂತಹ ಚಿಕನ್ ನೋಡಲು ಹೆಚ್ಚು ತಾಜಾವಾಗಿ ಕಾಣುತ್ತದೆ. ಆದ್ದರಿಂದ ಇಂತಹ ಚಿಕನ್ ತಾಜಾವಾಗಿದೆಯಾ ಎಂದು ಖಚಿತಪಡಿಸಿಕೊಳ್ಳಲು ಉತ್ತಮ ಮಾರ್ಗವೆಂದರೆ ಅದನ್ನು ನೀರಿನಲ್ಲಿ ತೊಳೆಯುವುದು. ತೊಳೆದಾಗಲೂ ಆ ಚಿಕನ್’ನಲ್ಲಿ ಇನ್ನೂ ಹೊಳಪು ಕಂಡುಬಂದರೆ, ತುಂಬಾ ತೆಳ್ಳಗೆ, ಮೆತ್ತಗೆ ಭಾಸವಾದರೆ, ಇದು ನೀವು ಚಿಕನ್ ತ್ಯಜಿಸುವ ಸಮಯ. ಏಕೆಂದರೆ ತಾಜಾ ಕೋಳಿ ಯಾವಾಗಲೂ ಸ್ಥಿರವಾದ ವಿನ್ಯಾಸವನ್ನು ಹೊಂದಿರುತ್ತದೆ.
ಚಿಕನ್ ಸುತ್ತಲೂ ಐಸ್’ನ ದಪ್ಪ ಪದರವಿದ್ದರೆ
ಸಾಮಾನ್ಯವಾಗಿ ಸೂಪರ್ ಮಾರ್ಕೆಟ್’ನಿಂದ ಚಿಕನ್ ಖರೀದಿಸುವಾಗ ಹೆಪ್ಪುಗಟ್ಟಿ ಐಸ್’ನಿಂದ ಮುಚ್ಚಿಹೋಗಿದ್ದರೆ ಅಂತಹ ಚಿಕನ್ ತಾಜಾತನವನ್ನು ಖಚಿತಪಡಿಸಿಕೊಳ್ಳುವುದು ತುಂಬಾ ಕಷ್ಟ. ಚಿಕನ್ ಸುತ್ತಲೂ ಐಸ್’ನ ದಪ್ಪ ಪದರ ಇದ್ದರೆ, ಚಿಕನ್ ಬಹುಶಃ ಹಳೆಯದಾಗಿರುವ ಸಾಧ್ಯತೆಗಳಿವೆ. ಒಂದು ವೇಳೆ ಫ್ರೆಶ್ ಆಗಿರುವ ಚಿಕನ್ ಅನ್ನು ಅಂಗಡಿಯಿಂದ ತಂದರೂ, ಅದು ಹಾಳಾಗುವುದನ್ನು ತಡೆಗಟ್ಟಲು ಅದನ್ನು 2 ಗಂಟೆಗಳ ಒಳಗೆ ರೆಫ್ರಿಜರೇಟರ್ ಅಥವಾ ಫ್ರಿಜ್’ನಲ್ಲಿ ಸಂಗ್ರಹಿಸಲು ಮರೆಯದಿರಿ.