ಸೂಪರ್ ಸ್ಟಾರ್ ರಜನಿಕಾಂತ್ ಸಿನಿಮಾ ನೋಡಲು ಅಭಿಮಾನಿಗಳು ಕೂಡ ಕಾಯ್ತಿರುತ್ತಾರೆ. ಸಾಲು ಸಾಲು ಸಿನಿಮಾಗಳಲ್ಲಿ ರಜನಿಕಾಂತ್ ಬ್ಯುಸಿಯಾಗಿದ್ದಾರೆ. ಜೈಲರ್ ಸಕ್ಸಸ್ ಬಳಿಕ ಸೂಪರ್ ಸ್ಟಾರ್ ಇತ್ತೀಚೆಗಷ್ಟೇ ವೆಟ್ಟೈಯನ್ ಚಿತ್ರದ ಮೂಲಕ ಅಭಿಮಾನಿಗಳ ಮುಂದೆ ಎಂಟ್ರಿಕೊಟ್ಟಿದ್ದರು. ಇದೀಗ ಕೂಲಿ ಸಿನಿಮಾದ ಮೂಲಕ ಬಾಕ್ಸ್ ಅಫೀಸ್ ನಲ್ಲಿ ಕಮಾಲ್ ಮಾಡಲು ರಜನಿಕಾಂತ್ ರೆಡಿಯಾಗಿದ್ದಾರೆ.
ಟಿ.ಜಿ.ಜ್ಞಾನವೇಲ್ ನಿರ್ದೇಶನದ ಈ ಸಸ್ಪೆನ್ಸ್ ಥ್ರಿಲ್ಲರ್ ಸಿನಿಮಾ ಬಾಕ್ಸ್ ಆಫೀಸ್ ನಲ್ಲಿ ಭರ್ಜರಿ ಕಲೆಕ್ಷನ್ ಮಾಡಿತ್ತು. ಇದೀಗ ರಜನಿಕಾಂತ್ ‘ಕೂಲಿ‘ ಸಿನಿಮಾ ರಿಲೀಸ್ ಡೇಟ್ ಕುರಿತು ಬಿಗ್ ಅಪ್ಡೇಟ್ ಹೊರಬಿದ್ದಿದೆ.
ಕೂಲಿ ಚಿತ್ರ ಮುಂದಿನ ವರ್ಷ ಮಾರ್ಚ್‌ನಲ್ಲಿ ಥಿಯೇಟರ್‌ಗೆ ಬರಲಿದೆ. ಎಂದು ಹೇಳಲಾಗ್ತಿತ್ತು ಆದ್ರೆ ಇದೀಗ ರಿಲೀಸ್ ಡೇಟ್ ಬದಲಾಗಿದೆ. ಕೂಲಿ ಸಿನಿಮಾವನ್ನು ಕಾರ್ಮಿಕರ ದಿನವಾದ ಮೇ 1ರಂದು ರಿಲೀಸ್ ಮಾಡಲು ಚಿತ್ರತಂಡ ನಿರ್ಧರಿಸಿದೆ ಎಂದು ವರದಿ ಆಗಿದೆ.
ಸೆನ್ಸೇಷನಲ್ ಡೈರೆಕ್ಟರ್ ಎಂದೇ ಖ್ಯಾತರಾಗಿರುವ ಲೋಕೇಶ್ ಕನಕರಾಜ್ ಕೂಲಿ ಸಿನಿಮಾವನ್ನು ನಿರ್ದೇಶನ ಮಾಡುತ್ತಿದ್ದು ಚಿನ್ನ ಕಳ್ಳಸಾಗಣೆ ಹಿನ್ನಲೆಯಲ್ಲಿ ಕೂಲಿ ಸಿನಿಮಾದ ಕಥೆ ಎಣೆಯಲಾಗಿದೆ.
ಟೈಟಲ್ ಟೀಸರ್ ನಲ್ಲಿಯೂ ಸೂಪರ್ ಸ್ಟಾರ್ ರಜನಿಕಾಂತ್ ರೌಡಿಯನ್ನು ಚಿನ್ನದಿಂದ ಮಾಡಿದ ಆಯುಧಗಳೊಂದಿಗೆ ಸ್ಟೈಲ್ ಆಗಿ ಬಂಧಿಸಿರೋದನ್ನ ಕಾಣಬಹುದಾಗಿದೆ. ಅವನ ಸುತ್ತಲೂ ಚಿನ್ನದ ಬಿಸ್ಕತ್ತುಗಳು ಮತ್ತು ಚಿನ್ನದ ರಾಶಿಗಳು. ಕೊನೆಗೆ ರೌಡಿಯನ್ನು ಕಟ್ಟಿಹಾಕಿದ ಚೈನ್ ಕೂಡ ಚಿನ್ನದಿಂದ ಮಾಡಿದ್ದಾಗಿದೆ. ಈ ಪೋಸ್ಟರ್ ನೋಡಿದ ಅಭಿಮಾನಿಗಳಲ್ಲಿ ಕುತೂಹಲ ಹೆಚ್ಚಿದೆ.
ಕೂಲಿ ಚಿತ್ರದಲ್ಲಿ ರಜನಿಕಾಂತ್ ಚಿನ್ನ ಕಳ್ಳಸಾಗಣೆದಾರನಾಗಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗ್ತಿದೆ. ಈ ಚಿತ್ರದಲ್ಲಿ ಅಕ್ಕಿನೇನಿ ನಾಗಾರ್ಜುನ, ಸತ್ಯರಾಜ್, ಮಂಜುಮ್ಮೆಲ್ ಬಾಯ್ಸ್ ಖ್ಯಾತಿಯ ಸೌಬಿನ್ ಶಾಹಿರ್ ಮತ್ತು ಇತರರು ಪ್ರಮುಖ ಪಾತ್ರಗಳನ್ನು ಕಾಣಿಸಿಕೊಂಡಿದ್ದಾರೆ.
