ಮೊಬೈಲ್ ಕೊಳ್ಳುವವರಿಗೆ ರೆಡ್ಮಿ ಕಡೆಯಿಂದ ಗುಡ್ ನ್ಯೂಸ್ ಸಿಕ್ಕಿದೆ. ಚೀನಾ ಮೂಲದ ಪ್ರಸಿದ್ಧ ಶವೋಮಿ ಕಂಪನಿ ತನ್ನ ರೆಡ್ಮಿ ನೋಟ್ 12 4G ಮತ್ತುರೆಡ್ಮಿ 12 4 G ಬೆಲೆಗಳನ್ನು ಕಡಿತಗೊಳಿಸಿದೆ. ಇದೀಗ ಈ ಎರಡೂ ಸ್ಮಾರ್ಟ್‌ಫೋನ್‌ಗಳನ್ನು ಕೈಗೆಟುಕುವ ಬೆಲೆಯಲ್ಲಿ ಖರೀದಿಸಬಹುದು. ಕಳೆದ ವರ್ಷ ಮಾರ್ಚ್‌ನಲ್ಲಿ ಬಿಡುಗಡೆಯಾದ ನೋಟ್ 12 4G ಸ್ಮಾರ್ಟ್ಫೋನ್, 3 ತಿಂಗಳಿಗಿಂತ ಕಡಿಮೆ ಅವಧಿಯಲ್ಲಿ ಎರಡನೇ ಬಾರಿಗೆ ಬೆಲೆ ಕಡಿತವಾಗಿದೆ.
ರೆಡ್ಮಿ ನೋಟ್ 12 4G ಬೆಲೆ ಪ್ರಸ್ತುತ 12,999 ರೂ. ಆಗಿದೆ. ಇದಕ್ಕೂ ಮುನ್ನ ರೆಡ್ಮಿ ನೋಟ್ 12 4G ಬೆಲೆ 13,999 ರೂ. ಗಳಿಗೆ ಮಾರಾಟವಾಗುತ್ತಿತ್ತು. ಇದರ ಬೆಲೆಯಲ್ಲಿ 1,000 ರೂಪಾಯಿ ಕಡಿಮೆ ಮಾಡಲಾಗಿದೆ. ರೆಡ್ಮಿ ನೋಟ್ 12 4G ಸ್ಮಾರ್ಟ್ಫೋನ್ ಕ್ವಾಲ್ಕಂ ಸ್ನಾಪ್ಡ್ರಾಗನ್ 685 ಪ್ರೊಸೆಸರ್ ಹೊಂದಿದೆ.
ಈ ಫೋನ್ 6.67 ಇಂಚಿನ AMOLED ಡಿಸ್ಪ್ಲೇಯನ್ನು ಹೊಂದಿದೆ. ಟ್ರಿಪಲ್ ಕ್ಯಾಮೆರಾ ಸೆಟಪ್ ಈ ಫೋನ್‌ನ ಹಿಂದಿನ ಪ್ಯಾನೆಲ್‌ನಲ್ಲಿ ಲಭ್ಯವಿದೆ. ಇದು 50MP+8MP+2MP ಆಗಿದ್ದು, 13 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ ಹೊಂದಿದೆ. 5000mAh ಬ್ಯಾಟರಿಯನ್ನ ಹೊಂದಿದೆ.
ರೆಡ್ಮಿ 12 4G ರೆಡ್ಮಿ 12 4G ಫೋನ್ ಈ ಹಿಂದೆ 10,999 ರೂ. ಗೆ ಮಾರಾಟ ಆಗುತ್ತಿತ್ತು. ಇದೀಗ ಬೆಲೆ ಇಳಿಕೆಯ ನಂತರ ಈ ಫೋನ್ 10,499 ರೂ. ಗೆ ಮಾರಾಟ ಆಗುತ್ತಿದೆ. ಈ ಫೋನ್ 6.79-ಇಂಚಿನ FHD+ ಡಿಸ್ಪ್ಲೇ ಹಾಗೂ 5000 mAh ಬ್ಯಾಟರಿಯನ್ನು ಹೊಂದಿದೆ.
