ಭಾರತ ತಂಡದ ಹೆಡ್ ಕೋಚ್ ಗೌತಮ್ ಗಂಭೀರ್ ಅವರ ನಡುವಣ ತಮ್ಮ ಬಾಂಧವ್ಯ ಏನೆಂದು ಪಾಕಿಸ್ತಾನ ತಂಡದ ಮಾಜಿ ವಿಕೆಟ್ ಕೀಪರ್-ಬ್ಯಾಟ್ಸ್ಮನ್ ಕಮ್ರಾನ್ ಅಕ್ಮಲ್ ಬಹಿರಂಗಪಡಿಸಿದ್ದಾರೆ. ನಮ್ಮ ಕ್ರಿಕೆಟ್ ದಿನಗಳಲ್ಲಿ ಗಂಭೀರ್ ಹಾಗೂ ನಾನು ತುಂಬಾ ಒಳ್ಳೆಯ ಸ್ನೇಹಿತರು ಹಾಗೂ ಅವರು ನನ್ನ ಸಹೋದರನಿದ್ದಂತೆ ಎಂದು ಹೇಳಿಕೊಂಡಿದ್ದಾರೆ.
ಕ್ರಿಕೆಟ್ ಇತಿಹಾಸದಲ್ಲಿ ಭಾರತ ಹಾಗೂ ಬಾಂಗ್ಲಾದೇಶ ತಂಡಗಳ ನಡುವಣ ಪಂದ್ಯ ಅತ್ಯಂತ ತೀವ್ರವಾಗಿರುತ್ತದೆ. ಇದರ ನಡುವೆ ಆಟಗಾರರ ನಡುವಣ ಜಿದ್ದಾಜಿದ್ದಿ ಕೂಡ ಆಸಕ್ತದಾಯಕವಾಗಿರುತ್ತದೆ. ಇದರ ನಡುವೆ 2000 ದಶಕ ಹಾಗೂ 2011ರ ದಶಕದ ಆರಂಭದಲ್ಲಿ ಭಾರತ ತಂಡದ ಮಾಜಿ ಆರಂಭಿಕಗೌತಮ್ ಗಂಭೀರ್ ಹಾಗೂ ಕಮ್ರಾನ್ ಅಕ್ಮಲ್ ನಡುವೆ ಭಾರಿ ಸ್ಲೆಡ್ಜಿಂಗ್ ಹಾಗೂ ಮಾತಿನ ಚಕಮಕಿ ನಡೆದಿತ್ತು. ಈ ಬಗ್ಗೆ ಇತ್ತೀಚಿನ ಸಂದರ್ಶನವೊಂದರಲ್ಲಿ ಮಾತನಾಡಿದ್ದ ಕಮ್ರಾನ್ ಅಕ್ಮಲ್ ಅವರು, ಗಂಭೀರ್ ಅವರ ನಡುವಣ ಬಾಂಧವ್ಯದ ಬಗ್ಗೆ ಬಹಿರಂಗಪಡಿಸಿದ್ದಾರೆ.
Women’s T20 World Cup: ಟೀಮ್ ಇಂಡಿಯಾ ಸೋಲಿಗೆ ಕಾರಣ ತಿಳಿಸಿದ ನಾಯಕಿ ಹರ್ಮನ್ಪ್ರೀತ್ ಕೌರ್
“ನಮ್ಮ ನಡುವೆ ಅತ್ಯಂತ ಬಾಂಧವ್ಯವಿತ್ತು ಹಾಗೂ ನಾವು ಒಳ್ಳೇಯ ಸ್ನೇಹಿತರು. ಗೌತಮ್ ಗಂಭೀರ್ ಅವರಿಗೂ ಇದೇ ಅಭಿಪ್ರಾಯವಿದೆ. ನನ್ನ ಅರ್ಥ ಏನೆಂದರೆ ನಾನು ಮತ್ತು ಗಂಭೀರ್ ಕೂಡ ಉತ್ತಮ ಸ್ನೇಹಿತರು. ಅವರ ಜೊತೆ ಅತ್ಯುತ್ತಮ ಸಂಬಂಧವಿದೆ. ಅವರು ನನ್ನ ಸಹೋದರನಿದ್ದಂತೆ,” ಎಂದು ಕಮ್ರಾನ್ ಅಕ್ಮಲ್ ತಿಳಿಸಿದ್ದಾರೆ.
ಭಾರತ ತಂಡದ ಹೆಡ್ ಕೋಚ್ ಆಗಿ ಗೌತಮ್ ಗಂಭೀರ್ ಅವರು ಚೊಚ್ಚಲ ಟೆಸ್ಟ್ ಸರಣಿಯನ್ನು ಗೆದ್ದಿದ್ದಾರೆ. ಈ ಹಿನ್ನೆಲೆಯಲ್ಲಿ ಕಮ್ರಾನ್ ಅಕ್ಮಲ್ ಅವರು ಗೌತಮ್ ಗಂಭೀರ್ಗೆ ಅಭಿನಂದನೆಯನ್ನು ಸಲ್ಲಿಸಿದ್ದಾರೆ. ಇತ್ತೀಚೆಗೆ ಬಾಂಗ್ಲಾದೇಶ ವಿರುದ್ಧ ಭಾರತ ತಂಡ 2-0 ಅಂತರದಲ್ಲಿ ಟೆಸ್ಟ್ ಸರಣಿಯನ್ನು ಗೆದ್ದುಕೊಂಡಿದೆ.
“ಹೆಡ್ ಕೋಚ್ ಆಗಿ ಗೌತಮ್ ಗಂಭೀರ್ ಅವರು ಮೊದಲನೇ ಟೆಸ್ಟ್ ಸರಣಿಯನ್ನು ಗೆದ್ದಿದ್ದಾರೆ. ಈ ಹಿನ್ನೆಲೆಯಲ್ಲಿ ಅವರಿಗೆ ಅಭಿನಂದನೆಯನ್ನು ತಿಳಿಸಲು ಬಯಸುತ್ತೇನೆ. ಅವರಿಂದ ನಾನು ತುಂಬಾ ಖುಷಿಯಾಗಿದ್ದೇನೆ,” ಎಂದು ಪಾಕ್ ಮಾಜಿ ಆಟಗಾರ ತಿಳಿಸಿದ್ದಾರೆ.