ಸಿನಿಮಾ ತಾರೆಯರು ಮತ್ತು ಟೀಂ ಇಂಡಿಯಾ ಕ್ರಿಕೆಟಿಗರ ನಡುವೆ ಉತ್ತಮ ಬಾಂಧವ್ಯ ಇರುವುದು ಗೊತ್ತೇ ಇದೆ. ಭಾರತೀಯ ಕ್ರಿಕೆಟ್ ತಂಡದ ಅನೇಕ ಆಟಗಾರರು ಈಗಾಗಲೇ ಉದ್ಯಮದ ಅನೇಕ ನಾಯಕಿಯರನ್ನು ಮದುವೆಯಾಗಿದ್ದಾರೆ. ಅದರಲ್ಲಿ ಒಬ್ಬ ಕ್ರಿಕೆಟಿಗ ಕೂಡ ಇದ್ದಾನೆ. ಅವರು ಬೀಟೌನ್ ಸ್ಟಾರ್ ನಾಯಕಿಯೊಬ್ಬರನ್ನು ಮದುವೆಯಾಗಿದ್ದು, ಪ್ರಸ್ತುತ ತಮ್ಮ ಕುಟುಂಬದೊಂದಿಗೆ ಸಂತೋಷದಿಂದ ಬದುಕುತ್ತಿದ್ದಾರೆ.
ಅವರು ಪ್ರಣಯ ನಾಯಕ ಇಮ್ರಾನ್ ಹಶ್ಮಿ ಅವರೊಂದಿಗೆ ಹಲವಾರು ಚಿತ್ರಗಳಲ್ಲಿ ನಟಿಸಿದ್ದಾರೆ. ಅವರು ಬೇರೆ ಯಾರೂ ಅಲ್ಲ ಗೀತಾ ಬಸ್ರಾ. ಮಾಜಿ ಕ್ರಿಕೆಟಿಗ ಹರ್ಭಜನ್ ಸಿಂಗ್ ಅವರ ಪತ್ನಿ. ಇಬ್ಬರೂ 2015 ರಲ್ಲಿ ವಿವಾಹವಾದರು. ಗೀತಾ ಬಸ್ರಾ ಮದುವೆಗೂ ಮುನ್ನ ಸಿನಿಮಾಗಳಲ್ಲಿ ನಟಿಸುತ್ತಿದ್ದರು. ಇಬ್ಬರೂ ಪ್ರೀತಿಸಿ ಹಿರಿಯರ ಸಮ್ಮುಖದಲ್ಲಿ ವಿವಾಹವಾದರು. ಹರ್ಭಜನ್ ಸಿಂಗ್ ಮತ್ತು ಗೀತಾ ಬಸ್ರಾ ಅವರ ಪ್ರೇಮಕಥೆಯ ಬಗ್ಗೆ ನಿಮಗೆ ತಿಳಿದಿದೆಯೇ?
ಕ್ರಿಕೆಟ್ ಸರಣಿಯ ಸಂದರ್ಭದಲ್ಲಿ ಲಂಡನ್‌ಗೆ ಹೋದಾಗ, ಗೀತಾ ಬಸ್ರಾರ ‘ವೊ ಅಜ್ನಾಬಿ ಹಾಡು ನೋಡಿ ಮನ ಸೋತರು ಭಜ್ಜಿ. ಸ್ನೇಹಿತ ಯುವರಾಜ್ ಸಿಂಗ್‌ಗೆ ನಾನು ಈ ಹುಡುಗಿಯನ್ನು ಭೇಟಿಯಾಗಲು ಬಯಸುತ್ತೇನೆ ಎಂದು ಹೇಳಿದರು. ಆಗಲೇ ಬಾಲಿವುಡ್‌ನಲ್ಲಿ ಅನೇಕ ಜನರ ಪರಿಚಯವಿದ್ದ ಹರ್ಭಜನ್‌ಗೆ ಗೀತಾರ ಫೋನ್‌ ನಂಬರ್‌ ಕಂಡುಹಿಡಿಯುವಲ್ಲಿ ಹೆಚ್ಚಿನ ತೊಂದರೆ ಆಗಲಿಲ್ಲ.
ನಂತರ ಹರ್ಭಜನ್ ಸ್ನೇಹಿತರಿಂದ ಗೀತಾಫೋನ್‌ ನಂಬರ್‌ ಪಡೆದು ಕಾಫಿಗೆ ಆಹ್ವಾನಿಸಿ ಮೆಸೇಜ್‌ ಮಾಡಿದ್ದರು. ಆದರೆ, 3-4 ದಿನಗಳವರೆಗೆ ಗೀತಾ ಉತ್ತರಿಸಲಿಲ್ಲ. ಇದರ ನಂತರ ಗೀತಾ ಹರ್ಭಜನ್‌ಗೆ ಮೆಸೇಜ್‌ ಮಾಡಿ ಟಿ 20 ವಿಶ್ವಕಪ್‌ನ ಉತ್ತಮ ಪ್ರದರ್ಶನಕ್ಕಾಗಿ ಅಭಿನಂದಿಸಿದರು. ಹೀಗೆ ಮೆಸೇಜ್‌ ಮೂಲಕ ಮಾತು ಶುರುವಾಗಿ ಇಬ್ಬರು ಹತ್ತಿರವಾದರು. ಇದರ ನಂತರ, ಗೀತಾ ಮತ್ತು ಭಜ್ಜಿ ಮೊದಲ ಬಾರಿಗೆ 2007 ರಲ್ಲಿ ಐಪಿಎಲ್ ಸಮಯದಲ್ಲಿ ಭೇಟಿಯಾದರು. ಭಾರತದ ನೋಯ್ಡಾ ಸರ್ಕ್ಯೂಟ್‌ನಲ್ಲಿ ನಡೆದ ಮೊದಲ ಎಫ್ -1 ರೇಸ್‌ನ ಸಂದರ್ಭದಲ್ಲಿ, ಇಬ್ಬರೂ ಜೊತೆಯಾಗಿ ಕಂಡುಬಂದರು.
ಈ ಕಪಲ್‌ಗಳ ಡೇಟಿಂಗ್ ಸಾಕಷ್ಟು ಸದ್ದು ಅಮಡಿತ್ತು ಇಬ್ಬರ ನಡುವಿನ ಸಂಬಂಧದ ಬಗ್ಗೆ ಕೇಳಿದಾಗ, ಗೀತಾ ಒಳ್ಳೆಯ ಸ್ನೇಹಿತ ಎಂದು ಹೇಳಿದರೆ ಏನನ್ನೂ ಹೇಳದೆ ಭಜ್ಜಿ ನಗುತ್ತಿದ್ದರು ಅಷ್ಟೇ. ಇದರ ನಂತರ, ಭಜ್ಜಿ ಮತ್ತು ಗೀತಾ ಜೋಡಿ ಅನೇಕ ಟಿವಿ ಕಾರ್ಯಕ್ರಮಗಳಲ್ಲಿ ಅತಿಥಿಯಾಗಿ ಕಾಣಿಸಿಕೊಂಡರು. ಈ ನಡುವೆ ಇಬ್ಬರೂ ಒಟ್ಟಿಗೆ ಕಾಣಿಸಿಕೊಳ್ಳುವುದನ್ನು ನಿಲ್ಲಿಸಿದಾಗ, ಬ್ರೇಕಪ್‌ ವದಂತಿಗಳು ಸಹ ಹುಟ್ಟಿಕೊಂಡವು.
ಆದರೆ ಇಬ್ಬರೂ ಫಿಫಾ ವಿಶ್ವಕಪ್ -2014 ರ ಸಮಯದಲ್ಲಿ ಪ್ರವಾಸಕ್ಕೆ ಹೋಗುವ ಮೂಲಕ ಎಲ್ಲರಿಗೂ ಸರ್ಪ್ರೈಸ್‌ ನೀಡಿದ್ದರು ಈ ಪ್ರವಾಸದಲ್ಲಿ, ಅವರು ಪ್ರಸಿದ್ಧ ಬ್ರೆಜಿಲ್ ಫುಟ್ಬಾಲ್ ಆಟಗಾರ ಪೀಲೆ ಅವರನ್ನು ಭೇಟಿಯಾಗಿ ಫೋಟೋವನ್ನು ಸೋಶಿಯಲ್‌ ಮೀಡಿಯಾದಲ್ಲಿ ಸಹ ಹಂಚಿಕೊಂಡಿದ್ದರು. ಬ್ರೆಜಿಲ್‌ನಿಂದ ಭಾರತಕ್ಕೆ ಮರಳಿದ ನಂತರ ಸಂದರ್ಶನವೊಂದರಲ್ಲಿ, ಗೀತಾ ವಿವಾಹದ ಬಗ್ಗೆ ಪ್ರಶ್ನೆಗೆ ‘ಈ ರೀತಿಯ ಏನಾದರೂ ನೆಡೆದರೆ ನಿಮಗೆ ಖಂಡಿತವಾಗಿಯೂ ತಿಳಿಯುತ್ತದೆ. ನನ್ನ ವೈಯಕ್ತಿಕ ಜೀವನದ ಬಗ್ಗೆ ಮಾತನಾಡಲು ನನಗೆ ಇಷ್ಟವಿಲ್ಲ’ ಎಂದು ಹೇಳಿದ್ದರು.
ಸುಮಾರು 8 ವರ್ಷಗಳ ಕಾಲ ಸಂಬಂಧದಲ್ಲಿದ್ದ ಈ ಕಪಲ್‌ 2015 ರ ಅಕ್ಟೋಬರ್ 29 ರಂದು ಜಲಂಧರ್‌ನ ಗುರುದ್ವಾರದಲ್ಲಿ ಪಂಜಾಬಿ ಪದ್ಧತಿಯಲ್ಲಿ ವಿವಾಹವಾದರು. ಸಮಾರಂಭದಲ್ಲಿ ಕೆಲವು ಆಪ್ತರು ಮತ್ತು ಸ್ನೇಹಿತರು ಭಾಗವಹಿಸಿದ್ದರು. ಮದುವೆಯ ಮುಂದಿನ ವರ್ಷ, ಜುಲೈ 27, 2016 ರಂದು ಮಗಳು ಹಿನಾಯಾಗೆ ಜನ್ಮ ನೀಡಿದರು. ಗೀತಾ ತಮ್ಮ 10 ವರ್ಷಗಳ ವೃತ್ತಿಜೀವನದಲ್ಲಿ ಒಟ್ಟು 6 ಚಿತ್ರಗಳಲ್ಲಿ ಕೆಲಸ ಮಾಡಿದರು.
