ಬ್ರೋಕರ್​​ಗಳ ಹಾವಳಿ ಇಲ್ಲದೆ ವಾಹನಗಳ ಎಫ್​ಸಿ: ಇನ್ಮುಂದೆ ಅಧಿಕಾರಿಗಳ ಲಂಚಕ್ಕೆ ಬೀಳುತ್ತೆ ಬ್ರೇಕ್!

ಬೆಂಗಳೂರು:- ಇದು ವಾಹನ ಮಾಲೀಕರಿಗೆ ಖುಷಿಯ ವಿಚಾರ. ಯಾವುದೇ ಆರ್​ಟಿಓ ಅಧಿಕಾರಿಗಳು, ಬ್ರೋಕರ್​​ಗಳ ಹಾವಳಿ ಇಲ್ಲದೆ ವಾಹನಗಳ ಎಫ್​ಸಿ ಮಾಡಿಸಿಕೊಳ್ಳಬಹುದು‌.

ನೀವು ಯಾವತ್ತೂ ನನ್ನ ಹೃದಯದಲ್ಲಿದ್ದೀರಿ: RCB ಅಭಿಮಾನಿಗಳಿಗೆ ಸಿರಾಜ್ ಭಾವನಾತ್ಮಕ ಪತ್ರ!

ಈ ಹಿಂದೆ ವಾಹನಗಳಿಗೆ ಎಫ್​ಸಿ ಮಾಡಿಸಬೇಕು ಅಂದರೆ ಗಂಟೆಗಟ್ಟಲೆ ಕಾಯಬೇಕಿತ್ತು. ಆದರೆ ಈಗ ಹತ್ತು ನಿಮಿಷಗಳಲ್ಲಿ ಎಫ್​ಸಿ ಆಗುತ್ತದೆ. ಯೆಲ್ಲೋ ಬೋರ್ಡ್ ಹೊಸ ವಾಹನಗಳಾಗಿದ್ದರೆ, ಏಳು ವರ್ಷದ ಒಳಗಿನ ವಾಹನಗಳು ಎರಡು ವರ್ಷಕ್ಕೊಮ್ಮೆ ಎಫ್​ಸಿ ಮಾಡಿಸಬೇಕು. ಏಳು ವರ್ಷದ ನಂತರ ವಾಹನಗಳಿಗೆ ಪ್ರತಿವರ್ಷ ಎಫ್​ಸಿ ಮಾಡಿಸಬೇಕು. ವೈಟ್ ಬೋರ್ಡ್ ವಾಹನಗಳಿಗೆ ಹದಿನೈದು ವರ್ಷಕ್ಕೊಮ್ಮೆ ಎಫ್​ಸಿ ಮಾಡಿಸಬೇಕು. ನಂತರ ಐದು ವರ್ಷಕೊಮ್ಮೆ ಎಫ್​ಸಿ ಮಾಡಿಸಬೇಕು.

ಎಫ್​ಸಿ ಮಾಡುವಾಗ ನಡೆಸುವ ತಪಾಸಣೆಗಳು ಏನೇನು?
ಇಂಜಿನ್ ಸೌಂಡ್
ಹೊಗೆ ತಪಾಸಣೆ
ಸ್ಪೀಡ್ ಗವರ್ನರ್
ಹೆಡ್ ಲೈಟ್
ಇಂಡಿಕೇಟರ್
ವೈಪರ್
ಹಾರನ್
ಬ್ರೇಕ್ ಲೈಟ್ಸ್
ಪೇಟಿಂಗ್
ಬಾಡಿ ಡೆಟೋರೆಟೆಡ್
ಟೈರ್​ಗಳ ತಪಾಸಣೆ
ವೆಹಿಕಲ್ ವೈಬ್ರೇಷನ್
ಇಂಜಿನ್ ಆಯಿಲ್ ಫಿಟ್ನೆಸ್

ಈ ಹಿಂದೆ ಎಫ್​ಸಿಗೆ ಹೋಗುವ ವಾಹನಗಳಲ್ಲಿ ಎಲ್ಲಾ ಸರಿ ಇದ್ದರೂ ಆರ್​ಟಿಒ ಇನ್ಸ್‌ಪೆಕ್ಟರ್​ಗಳು ಏನಾದರೂ ಕಾರಣ ಹೇಳಿ ಎಫ್​ಸಿ ಫೇಲ್ ಮಾಡಿಸುತ್ತಿದ್ದರು. ಇದೀಗ ಈ ಎಟಿಎಸ್​ಗಳಿಂದ ಆ ರೀತಿ ಮಾಡಲು ಆಗುವುದಿಲ್ಲ ಎನ್ನಲಾಗಿದೆ.