ಐಸಿಸಿ ಟಿ20 ಕ್ರಿಕೆಟ್‌ ವಿಶ್ವಕಪ್ ಟೂರ್ನಿಯಲ್ಲಿ ಟೀಮ್ ಇಂಡಿಯಾ ಟ್ರೋಫಿ ಗೆದ್ದ ಬಳಿಕ ಅನುಭವಿ ಬ್ಯಾಟರ್‌ಗಳಾದ ವಿರಾಟ್ ಕೊಹ್ಲಿ ಮತ್ತು ರೋಹಿತ್‌ ಶರ್ಮಾ ದೀರ್ಘಾವಧಿಯ ವಿಶ್ರಾಂತಿ ತೆಗೆದುಕೊಂಡಿದ್ದರು. ಆದರೆ, ನೂತನ ಮುಖ್ಯ ಕೋಚ್‌ ಗೌತಮ್ ಗಂಭೀರ್ ಮಾಡಿದ ಮನವಿ ಮೇರೆಗೆ ಕೊಹ್ಲಿ ಮತ್ತು ರೋಹಿತ್‌ ಇಬ್ಬರೂ ಶ್ರೀಲಂಕಾ ವಿರುದ್ಧದ ಏಕದಿನ ಕ್ರಿಕೆಟ್‌ ಸರಣಿಯಲ್ಲಿ ಪಾಲ್ಗೊಳ್ಳಲು ಮುಂದಾಗಿದ್ದಾರೆ.
Mohammad Kaif: ಸೂರ್ಯಕುಮಾರ್‘ಗೆ ಯಾದವ್ ಹೊಸ ಹೆಸರಿಟ್ಟ ಮೊಹಮ್ಮದ್ ಕೈಫ್..!
ಆದರೆ ಇಲ್ಲಿನ ಪ್ರೇಮದಾಸ ಕ್ರೀಡಾಂಗಣದಲ್ಲಿ ಟೀಮ್ ಇಂಡಿಯಾ ಸ್ಟಾರ್ ವಿರಾಟ್ ಕೊಹ್ಲಿ ಅಭ್ಯಾಸ ನಡೆಸುತ್ತಿರುವ ಸಂದರ್ಭದಲ್ಲಿ ಅಭಿಮಾನಿಯೊಬ್ಬ ‘ಚೋಕ್ಲಿ’ ಎಂದು ಗೇಲಿ ಮಾಡಿದ ಘಟನೆ ನಡೆದಿದೆ. ಸೋಷಿಯಲ್ ಮೀಡಿಯಾಗಳಲ್ಲಿ ವೈರಲ್‌ ಆಗಿರುವ ವಿಡಿಯೋದಲ್ಲಿ ವಿರಾಟ್ ಕೊಹ್ಲಿ ಅಭ್ಯಾಸದಲ್ಲಿ ಪಾಲ್ಗೊಂಡ ಬಳಿಕ ಡ್ರೆಸಿಂಗ್‌ ರೂಮ್‌ನಲ್ಲಿ ಇದ್ದಂತಹ ಸಂದರ್ಭದಲ್ಲಿ ಅಭಿಮಾನಿಯೊಬ್ಬ ‘ಚೋಕ್ಲಿ ಚೋಕ್ಲಿ’ ಎಂದು ಕೂಗಿ ಗೇಲಿ ಮಾಡಿದ್ದಾನೆ. ಸಾಮಾನ್ಯವಾಗಿ ಇಂತಹ ಘಟನೆಗಳಲ್ಲಿ ವಿರಾಟ್ ಕೊಹ್ಲಿ ಪ್ರತಿಕ್ರಿಯೆ ನೀಡುವುದಿಲ್ಲ. ಆದರೆ, ಅತಿಯಾದ ವರ್ತನೆ ತೋರಿದ ಫ್ಯಾನ್ಸ್ ಕಡೆಗೆ ವಿರಾಟ್ ಕೊಹ್ಲಿ ಖಡಕ್ ಲುಕ್ ಕೊಟ್ಟಿದ್ದಾರೆ. ಫ್ಯಾನ್‌ನ ಈ ವರ್ತನೆ ತಮಗೆ ಹಿಡಿಸಿಲ್ಲ ಎಂಬುದನ್ನು ಕೊಹ್ಲಿ ಒಂದೇ ಲುಕ್‌ನಲ್ಲಿ ಬಹಿರಂಗ ಪಡಿಸಿದ್ದಾರೆ.
ವಿರಾಟ್ ಕೊಹ್ಲಿ ಬ್ಯಾಟಿಂಗ್ ವೈಫಲ್ಯ ಅನುಭವಿಸಿದ ಸಂದರ್ಭಗಳಲ್ಲಿ ಆನ್‌ಲೈನ್‌ ಟ್ರೋಲ್‌ಗಳು ವಿರಾಟ್ ಅವರ ‘ಕೊಹ್ಲಿ’ ಸರ್‌ನೇಮ್‌ನಲ್ಲಿನ ಅರ್ಧ ಹೆಸರಿಗೆ ಚೋಕರ್‌ ಜೋಡಿಸಿ ಚೋಕ್ಲಿ ಎಂದು ಗೇಲಿ ಮಾಡಿದ್ದ ಹಲವು ಉದಾಹರಣೆಗಳಿವೆ.
