ಹಲ್ಲುಗಳ ಮೇಲೆ ಹಳದಿ ಕಲೆಯು ನಿಮ್ಮ ಸೌಂದರ್ಯಕ್ಕೆ ಧಕ್ಕೆಯುಂಟು ಮಾಡಬಹುದು. ಇದರಿಂದಾಗಿ ನಗುವಾಗ ಹಲ್ಲು ಮಂದವಾಗಿ ಕಾಣುವುದು ಅಥವಾ ಆಕರ್ಷಕವಾಗಿ ಕಾಣದಿರುವುದುಯಾರಿಗೂ ಇಷ್ಟವಾಗುವುದಿಲ್ಲ . ಈ ಕಲೆಗಳಿಗೆ ಹಲವಾರು ಅಂಶಗಳು ಕಾರಣವಾಗುತ್ತವೆ.
ಬಿಸಿ ನೀರಿಗಾಗಿ ನೀವು ಗೀಸರ್ ಬಳಸ್ತೀರಾ? ಹಾಗಾದ್ರೆ ಹುಷಾರ್, ಎಚ್ಚರ ತಪ್ಪಿದ್ರೆ ಬ್ಲಾಸ್ಟ್ ಆಗಬಹುದು!
ಪ್ರತಿದಿನ ನಾವು ತಿನ್ನುವ ಆಹಾರದ ಕಣಗಳು ಹಲ್ಲುಗಳ ಮೇಲೆ ಸಂಗ್ರಹವಾಗುತ್ತವೆ. ಇದು ಹಳದಿ ಹಲ್ಲುಗಳಿಗೆ ದೊಡ್ಡ ಕಾರಣವಾಗಿದೆ. ಈ ಸಮಸ್ಯೆ ನಿವಾರಣೆಗೆ ಪ್ರತಿದಿನ ಹಲ್ಲುಜ್ಜಿದರೂ ಹಲ್ಲುಗಳಲ್ಲಿ ಹಳದಿ ಕಲೆಗಳು ಉಳಿದು ಬಿಡುತ್ತವೆ. ಕೆಲವೊಮ್ಮೆ ದಿನಕ್ಕೆರಡು ಬಾರಿ ಹಲ್ಲುಜ್ಜಿದರೂ ಹಲ್ಲುಗಳು ಕ್ಲೀನ್ ಆಗದೇ ಹಳದಿ ಬಣ್ಣದಿಂದಲೇ ಕೂಡಿರುತ್ತದೆ.
ಇದರಿಂದ ಸಾಕಷ್ಟು ಬಾರಿ ಅನೇಕ ಮಂದಿ ಮುಜುಗರಕ್ಕೊಳಗಾಗುತ್ತಾರೆ. ಕೆಲ ಮಂದಿ ಹಲ್ಲುಗಳನ್ನು ಬಿಳುಪಾಗಿಸಲು ಪಾಲಿಶ್ ಮಾಡಿಸುತ್ತಾರೆ. ವಾಸ್ತವವಾಗಿ ಹೀಗೆ ಮಾಡುವುದರಿಂದ ಹಲ್ಲುಗಳಿಗೆ ಹಾನಿಯಾಗುತ್ತದೆ ಎಂದು ವೈದ್ಯರು ಎಚ್ಚರಿಕೆ ನೀಡುತ್ತಾರೆ. ಆದರೆ ಹಲ್ಲಿನ ಮೇಲಿನ ಮೊಂಡುತನದ ಹಳದಿ ಕಲೆಗಳನ್ನು ತೊಡೆದುಹಾಕಲು ನಾವಿಂದು ತಿಳಿಸುತ್ತಿರುವ ಮನೆಮದ್ದುಗಳನ್ನು ಪ್ರಯತ್ನಿಸಿ. ಈ ಮೂಲಕ ಉತ್ತಮ ಫಲಿತಾಂಶಗಳನ್ನು ಪಡೆಯಿರಿ.
ನಿಯಮಿತ ಧೂಮಪಾನ, ಚಹಾ ಮತ್ತು ಕಾಫಿ ಸೇವನೆಯ ಅಭ್ಯಾಸಗಳು ಹಾಗೂ ಆನುವಂಶಿಕ ಅಂಶಗಳು ಸಹ ಹಲ್ಲುಗಳು ಹಳದಿಯಾಗಲು ಕಾರಣವಾಗಬಹುದು. ಪ್ರತಿದಿನ ಹಲ್ಲುಜ್ಜುವುದರಿಂದರೂ ಈ ಸಮಸ್ಯೆಯು ಮುಂದುವರಿಯಬಹುದು. ಈ ಸಮಸ್ಯೆ ನಿವಾರಣೆಗೆ ಈ ಕೆಳಗೆ ಒಂದಷ್ಟು ಮನೆಮದ್ದುಗಳಿವೆ ನೋಡಿ.
ಎಣ್ಣೆ-ಉಪ್ಪು: ಒಂದು ಟೀಚಮಚ ಉಪ್ಪಿನೊಂದಿಗೆ ಕೆಲವು ಹನಿ ಎಣ್ಣೆಯನ್ನು ಮಿಶ್ರಣ ಮಾಡಿ ಮತ್ತು ಬ್ರಷ್ ಬಳಸಿ ಹಲ್ಲುಗಳ ಮೇಲೆ ಒಂದು ವಾರದವರೆಗೆ ಉಜ್ಜಿ. ಇದರಿಂದ ನೀವೇ ವ್ಯತ್ಯಾಸವನ್ನು ಕಾಣುವಿರಿ.
ಅಡುಗೆ ಸೋಡಾ: ನಿಮ್ಮ ಹಲ್ಲುಗಳನ್ನು ಹಲ್ಲುಜ್ಜುವಾಗ ಪೇಸ್ಟ್ ಮೇಲೆ ಸ್ವಲ್ಪ ಅಡುಗೆ ಸೋಡಾವನ್ನು ಸಿಂಪಡಿಸಿ. ಹೀಗೆ ವಾರಕ್ಕೆ ಒಂದು ಅಥವಾ ಎರಡು ಬಾರಿ ಮಾಡಿ. ಬೇಕಿಂಗ್ ಸೋಡಾ ಹಲ್ಲುಗಳಿಂದ ಹಳದಿ ಕಲೆಗಳನ್ನು ತೆಗೆದುಹಾಕುತ್ತದೆ.
ಸ್ಟ್ರಾಬೆರಿಗಳು: ಸ್ಟ್ರಾಬೆರಿಗಳು ಹಲ್ಲುಗಳನ್ನು ಕಾಪಾಡುವಲ್ಲಿ ಅತ್ಯುತ್ತಮ ರೀತಿಯಲ್ಲಿ ಕೆಲಸ ಮಾಡುತ್ತದೆ. ಸ್ಟ್ರಾಬೆರಿಯನ್ನು ನುಜ್ಜುಗುಜ್ಜು ಮಾಡಿ, ನಂತರ ಪೇಸ್ಟ್ನೊಂದಿಗೆ ಮಿಶ್ರಣ ಮಾಡಿ, ಇದನ್ನು ಹಲ್ಲುಗಳ ಮೇಲೆ ಹಚ್ಚಿ. ಇದಾದ ನಂತರ, ಬೆಚ್ಚಗಿನ ನೀರಿನಿಂದ ಗಾರ್ಗ್ಲ್ ಮಾಡಿ.
ನಿಂಬೆ ಸಿಪ್ಪೆ: ನಿಂಬೆ ಮತ್ತು ಕಿತ್ತಳೆ ಸಿಪ್ಪೆಯನ್ನು ಹಲ್ಲುಗಳ ಮೇಲೆ ಉಜ್ಜಬಹುದು. ಇದನ್ನು ವಾರಕ್ಕೆ ಒಂದು ಅಥವಾ ಎರಡು ಬಾರಿ ಮಾಡಿ. ಹಲ್ಲುಗಳನ್ನು ಬಿಳುಪಾಗಿಸಲು ಇದು ಸಹಾಯಕವಾಗಿದೆ.
ಆಪಲ್ ಸೈಡರ್ ವಿನೆಗರ್: ಹಳದಿ ಹಲ್ಲುಗಳನ್ನು ಹೋಗಲಾಡಿಸಲು ನೀವು ಆಪಲ್ ಸೈಡರ್ ವಿನೆಗರ್ ಅನ್ನು ಹತ್ತಿ ಮೂಲಕ ಹಲ್ಲುಗಳ ಮೇಲೆ ಉಜ್ಜಬಹುದು. ಆಪಲ್ ಸೈಡರ್ ವಿನೆಗರ್ ಅನ್ನು ನೇರವಾಗಿ ಹಚ್ಚಬಾರದು. ಒಂದು ಚಮಚ ವಿನೆಗರ್ ಅನ್ನು ಒಂದು ಚಮಚ ನೀರಿಗೆ ಬೆರೆಸಿ ನಂತರ ಬಳಸಿ.
ಕಿತ್ತಳೆ ಸಿಪ್ಪೆ: ಕಿತ್ತಳೆ ಸಿಪ್ಪೆಯ ಪುಡಿಯೊಂದಿಗೆ ನೀವು ಹಲ್ಲುಗಳಿಂದ ಹಳದಿ ಕಲೆಗಳನ್ನು ಸಹ ತೆಗೆದುಹಾಕಬಹುದು. ನಿಮ್ಮ ಹಲ್ಲುಗಳನ್ನು ಹಲ್ಲುಜ್ಜುವಾಗ ಪೇಸ್ಟ್ ಬದಲಿಗೆ ಬ್ರಷ್ ಮೇಲೆ ಈ ಪುಡಿಯನ್ನು ಉಜ್ಜಬಹುದು. ಇದರಿಂದ ಸಮಸ್ಯೆಯೂ ಪರಿಹಾರವಾಗಬಹುದು.
