2024 ರ ಲೋಕಸಭಾ ಚುನಾವಣೆಯಲ್ಲಿ ಬೆಂಗಳೂರು ಗ್ರಾಮಂತರದಲ್ಲಿ ಡಾ ಮಂಜುನಾಥ್ ಗೆದ್ದ ಬಳಿಕ ಮಾದಪ್ಪನಿಗೆ ಮುಸ್ಲಿಂ ವ್ಯಕ್ತಿ ಹರಕೆ ತೀರಿಸಿದ್ದಾರೆ.
ಗಾಜಾದ ನಿರಾಶ್ರಿತರ ಶಿಬಿರದ ಮೇಲೆ ಇಸ್ರೇಲ್ ವೈಮಾನಿಕ ದಾಳಿ.. 19ಕ್ಕೂ ಅಧಿಕ ಮಂದಿ ಬಲಿ..!
ಬೆಂಗಳೂರು ಗ್ರಾಮಾಂತರದಲ್ಲಿ ಡಾ. ಮಂಜುನಾಥ್ ಗೆದ್ದು ಬೀಗಿದ್ದಾರೆ. ಪ್ರಭಾವಿ ರಾಜಕಾರಣಿ, ಡಿಸಿಎಂ ಡಿಕೆ ಶಿವಕುಮಾರ್ ಸಹೋದರ ಡಿಕೆ ಸುರೇಶ್ ವಿರುದ್ಧ ಬಿಜೆಪಿ ಅಭ್ಯರ್ಥಿಯಾಗಿ ಕಣಕ್ಕಿಳಿದಿದ್ದ ಖ್ಯಾತ ಹೃದ್ರೋಗ ತೃಜ್ಞ ಡಾ. ಮಂಜುನಾಥ್, ಮೊದಲ ಪ್ರಯತ್ನದಲ್ಲೇ ಗೆದ್ದು ಬೀಗಿದ್ದಾರೆ
ಬರೋಬ್ಬರಿ 2,69,647 ಮತಗಳ ಅಂತರದಿಂದ ಡಾ. ಮಂಜುನಾಥ್ ಅವರು, ಡಿಕೆ ಸುರೇಶ್ ಅವರನ್ನು ಸೋಲಿಸಿದ್ದಾರೆ. ಡಾ. ಮಂಜುನಾಥ್ 10,79,002 ಮತಗಳನ್ನು ಪಡೆದ್ರೆ, ಹಾಲಿ ಸಂಸದ ಡಿಕೆ ಸುರೇಶ್ 8,09,355 ಪಡೆದ್ರು, 2ನೇ ಸ್ಥಾನಕ್ಕೆ ತಳ್ಳಲ್ಪಟ್ಟರು. ಡಾ ಮಂಜುನಾಥ್ ಗೆಲುವಿನಿಂದ ಜೆಡಿಎಸ್ ಹಾಗೂ ಬಿಜೆಪಿ ಕಾರ್ಯಕರ್ತರು ಸಂಭ್ರಮಿಸಿದ್ದಾರೆ. ಅನೇಕರು ದೇಗುಲಕ್ಕೆ ತೆರಳಿ, ಪೂಜೆ ಸಲ್ಲಿಸಿ, ದೇವರಿಗೆ ಹರಕೆ ತೀರಿಸಿದ್ರು.
ಇದೀಗ ಹೃದಯವಂತ ಡಾಕ್ಟರ್ ಗೆಲುವಿನ ನಂತರ ಮುಸ್ಲಿಂ ವ್ಯಕ್ತಿಯೊಬ್ಬರು ಹರಕೆ ತೀರಿಸಿದ್ದಾರೆ. ಮಲೈ ಮಹದೇಶ್ವರ ಬೆಟ್ಟಕ್ಕೆ ತೆರಳಿ, ಮಾದೇಶ್ವರನಿಗೆ ತಮ್ಮ ಮುಡಿ ಅರ್ಪಿಸಿದ್ದಾರೆ! ರಾಮನಗರ ತಾಲೂಕಿನ ಗೊಲ್ಲಹಳ್ಳಿ ಗ್ರಾಮದ ಯೂನಸ್ ಅಲಿ ಖಾನ್ ಎಂಬ ವ್ಯಕ್ತಿ ಮಹದೇಶ್ವರನಿಗೆ ಹರಕೆ ತೀರಿಸಿದ್ದಾರೆ. ಡಾ. ಸಿಎನ್ ಮಂಜುನಾಥ್ ಅಭಿಮಾನಿಯಾಗಿರೋ ಅವರು, ಡಾಕ್ಟರ್ ಗೆಲ್ಲುತ್ತಿದ್ದಂತೆ ಹರಕೆ ತೀರಿಸಿದ್ದಾರೆ.
ಮಹದೇಶ್ವರ ಬೆಟ್ಟಕ್ಕೆ ತೆರಳಿ ಮಾದೇಶ್ವರನಿಗೆ ಯೂನಸ್ ಖಾನ್ ತಮ್ಮ ಮುಡಿ ಅರ್ಪಿಸಿದ್ದಾರೆ. ಡಾ. ಸಿ ಎನ್ ಮಂಜುನಾಥ್ ಗೆಲ್ಲಲಿ ಅಂತ ಯೂನಸ್ ಖಾನ್ ಹರಕೆ ಹೊತ್ತಿದ್ದರಂತೆ. ಅವರು ಗೆಲ್ಲುತ್ತಿದ್ದಂತೆ ಮಲೈ ಮಹದೇಶ್ವರ ಬೆಟ್ಟಕ್ಕೆ ತಮ್ಮ ಸ್ನೇಹಿತರ ಜೊತೆ ತೆರಳಿ, ಮುಡಿಕೊಟ್ಟು, ಪ್ರಾರ್ಥನೆ ಸಲ್ಲಿಸಿದ್ರು.
