ಸ್ನೇಹಿತರೊಂದಿಗೆ ಆಗಲಿ ಅಥವಾ ಕುಟುಂಬಸ್ಥರೊಂದಿಗೆ ಆಗಲಿ ಜನ ಹೆಚ್ಚಾಗಿ ಸುತ್ತಾಡಲು ಇಷ್ಟಪಡುತ್ತಾರೆ. ಆದರೆ ಕೆಲವರು ಮಾತ್ರ ಹೆಚ್ಚು ದೂರ ನಡೆದುಕೊಂಡು ಹೋಗಲು ಇಷ್ಟಪಡುವುದಿಲ್ಲ. ಎಲ್ಲಗಾದರೂ ಹೊರಗೆ ಹೋಗಬೇಕೆಂದರೆ ಅವರಲ್ಲಿ ಉತ್ಸಾಹ ಕಡಿಮೆ ಆಗುತ್ತದೆ. ಇನ್ನೂ ರೋಡ್ ಟ್ರಿಪ್ ಪ್ಲ್ಯಾನ್ ಮಾಡಿದಾಗಂತೂ ಕೆಲವರಿಗೆ ವಾಂತಿ ಮಾಡಿಕೊಳ್ಳುತ್ತಾರೆ ಎಂಬ ಆತಂಕ ಎದುರಾಗುತ್ತದೆ.
ಹೊಟ್ಟೆನೋವು ಎಂದು ಆಸ್ಪತ್ರೆಗೆ ದಾಖಲಾಗಿದ್ದ ಮಹಿಳೆ ಸಾವು: ವೈದ್ಯರ ನಿರ್ಲಕ್ಷ್ಯ ಕಾರಣವಾ?
ವಾಂತಿ ಮತ್ತು ವಾಕರಿಕೆಯನ್ನು ತಡೆಗಟ್ಟಲು ಕೆಲ ಮಂದಿ ಒಂದಷ್ಟು ಮಾತ್ರೆ ಹಾಗೂ ಔಷಧಿಗಳನ್ನು ತೆಗೆದುಕೊಳ್ಳುತ್ತಾರೆ. ಹೀಗಿದ್ದರೂ ಈ ಸಮಸ್ಯೆ ನಿಯಂತ್ರಣಕ್ಕೆ ಬರುವುದಿಲ್ಲ. ಆದರೆ ನಾವಿಂದು ತಿಳಿಸುವ ಕೆಲ ಟ್ರಿಕ್ಸ್ ಫಾಲೋ ಮಾಡುವ ಮೂಲಕ ಈ ಸಮಸ್ಯೆಯಿಂದ ಮುಕ್ತಿ ಪಡೆಯುವುದಷ್ಟೇ ಅಲ್ಲದೇ ಸುಖಕರವಾಗಿ ಪ್ರಯಾಣ ಮಾಡುತ್ತೀರಿ.
ದೂರದ ಪ್ರಯಾಣದ ವೇಳೆ ವಾಂತಿಯಾಗುವ ಸಮಸ್ಯೆಯಿಂದಾಗಿ ಅನೇಕರು ಪ್ರಯಾಣ ಮಾಡುವುದನ್ನು ತಪ್ಪಿಸುತ್ತಾರೆ. ಕೆಲವರಿಗೆ ಕಾರು ಹತ್ತಿದ ತಕ್ಷಣ ವಾಕರಿಕೆ ಬರುತ್ತದೆ. ಇದನ್ನು ಮೋಷನ್ ಸಿಕ್ನೆಸ್ ಎಂದು ಕರೆಯಲಾಗುತ್ತದೆ. ಆದರೆ ಪ್ರಯಾಣದಲ್ಲಿ ವಾಂತಿಯಾಗದಂತೆ ಕೆಲವು ಮುನ್ನೆಚ್ಚರಿಕೆಗಳನ್ನು ಸಹ ತೆಗೆದುಕೊಳ್ಳಬಹುದಾಗಿದೆ.
ಪುನರಾವರ್ತಿತ ಚಲನೆಯಿಂದ ಒಳಗಿನ ಕಿವಿಯಲ್ಲಿನ ಬದಲಾವಣೆಗಳಿಂದ ವಾಂತಿ ಉಂಟಾಗುತ್ತದೆ. ಅಂದರೆ, ನಾವು ಪ್ರಯಾಣ ಮಾಡುವಾಗ, ಕಣ್ಣುಗಳು ಮೆದುಳಿಗೆ ನೀಡುವ ದೃಶ್ಯ ಸಂದೇಶ ಮತ್ತು ಒಳಗಿನ ಕಿವಿ ನೀಡುವ ಸಂದೇಶಗಳ ನಡುವೆ ಹೊಂದಾಣಿಕೆಯಿಲ್ಲದಿದ್ದಾಗ, ಮೆದುಳು ಗೊಂದಲಕ್ಕೊಳಗಾಗುತ್ತದೆ. ಇದು ಪ್ರಯಾಣದ ಸಮಯದಲ್ಲಿ ವಾಂತಿ ಅಥವಾ ವಾಕರಿಕೆಗೆ ಕಾರಣವಾಗಿದೆ.
ಮೋಷನ್ ಸಿಕ್ನೆಸ್ ತಡೆಯುವುದು ಹೇಗೆ?
ಪ್ರಯಾಣಿಸುವಾಗ, ಕಾರಿನಲ್ಲಿ ಹೆಚ್ಚು ಅಲುಗಾಡದ ಪ್ರದೇಶದಲ್ಲಿ ಕುಳಿತುಕೊಳ್ಳಿ. ಮಧ್ಯದಲ್ಲಿ ಕುಳಿತುಕೊಳ್ಳುವುದು ಉತ್ತಮ. ನೀವು ಕಾರಿನಲ್ಲಿದ್ದರೆ, ನೀವು ಮುಂಭಾಗದ ಸೀಟಿನಲ್ಲಿ ಕುಳಿತುಕೊಳ್ಳಬಹುದು.
ಪ್ರಯಾಣ ಮಾಡುವಾಗ ಮೊಬೈಲ್ ಫೋನ್, ಲ್ಯಾಪ್ ಟಾಪ್ ಇತ್ಯಾದಿಗಳನ್ನು ಬಳಸಬಾರದು. ಪ್ರಯಾಣ ಮಾಡುವಾಗ ಓದುವುದು ಕೂಡ ಒಳ್ಳೆಯದಲ್ಲ.
ನಿಮಗೆ ವಾಕರಿಕೆ ಅನಿಸಿದರೆ, ತಾಜಾ ಗಾಳಿಯನ್ನು ಪಡೆಯಲು ಕಾರಿನ ಕಿಟಕಿಗಳನ್ನು ತೆರೆಯಿರಿ.
ಹಾಡುಗಳನ್ನು ಕೇಳುವ ಮೂಲಕ ನಿಮ್ಮ ಮನಸ್ಸನ್ನು ವಿಚಲಿತಗೊಳಿಸಬಹುದು. ಇಲ್ಲದಿದ್ದರೆ, ಇತರರೊಂದಿಗೆ ಮಾತನಾಡಿ.
ಪ್ರಯಾಣಿಸುವ ಮೊದಲು ಹೆಚ್ಚು ತಿನ್ನುವುದನ್ನು ತಪ್ಪಿಸಿ. ಪ್ರವಾಸಕ್ಕೆ 45 ನಿಮಿಷ ಅಥವಾ ಒಂದು ಗಂಟೆ ಮೊದಲು ಲಘು ಆಹಾರ ಸೇವಿಸಿ.
ಪ್ರಯಾಣದ ಮೊದಲು ಕರಿದ ಆಹಾರಗಳು, ಮದ್ಯಪಾನ ಮತ್ತು ಧೂಮಪಾನವನ್ನು ತಪ್ಪಿಸಿ.
ಹುಣಸೆಹಣ್ಣಿನ ಸಿಹಿತಿಂಡಿಗಳನ್ನು ಕೈಯಲ್ಲಿ ಇಡುವುದು ಸಹ ಒಳ್ಳೆಯದು.
ತುಳಸಿ, ಲವಂಗ ಮತ್ತು ನಿಂಬೆಯಂತಹ ಪರಿಮಳಯುಕ್ತ ಗಿಡಮೂಲಿಕೆಗಳು ವಾಕರಿಕೆಯನ್ನು ನಿವಾರಿಸಲು ಸಹಾಯ ಮಾಡುತ್ತದೆ.
ನೀವು ಯಾವುದೇ ಅಸ್ವಸ್ಥತೆಯನ್ನು ಅನುಭವಿಸಿದರೆ, ತಕ್ಷಣವೇ ವಾಹನವನ್ನು ನಿಧಾನಗೊಳಿಸಲು ಹೇಳಿ.
