ಚಾಮರಾಜನಗರ: ಚಾಮರಾಜನಗರ ಮೀಸಲು ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ಸುನೀಲ್ ಬೋಸ್ ಅವರು ಒಟ್ಟು 7.84 ಕೋಟಿ ರೂ. ಆಸ್ತಿಯ ಒಡೆಯನಾಗಿದ್ದರೂ, ಅದೇ ರೀತಿ 5.56 ಕೋಟಿ ರೂ. ಸಾಲಗಾರರೂ ಆಗಿದ್ದಾರೆ. 42 ವರ್ಷದ ಬೋಸ್ ಅವರು ಪಿಯುಸಿ ವರೆಗೆ ವ್ಯಾಸಂಗ ಮಾಡಿದ್ದಾರೆ. ಇದೇ ಪ್ರಥಮ ಸಾರ್ವತ್ರಿಕ ಚುನಾವಣೆಯನ್ನು ಎದುರಿಸುತ್ತಿರುವ ಸುನೀಲ್ ಬೋಸ್ ಅವರ ವಿರುದ್ಧ 2017ರ ಚುನಾವಣೆ ಸಂದರ್ಭದಲ್ಲಿ ಚುನಾವಣೆ ನಿಯಮ ಉಲ್ಲಂಘನೆಗೆ ಸಂಬಂಧಿಸಿದ ಪ್ರಕರಣವೊಂದು ನಂಜನಗೂಡು ಜೆಎಂಎಫ್ಸಿ ನ್ಯಾಯಾಲಯದಲ್ಲಿ ಬಾಕಿ ಇದೆಯಷ್ಟೆ. ಉಳಿದಂತೆ ಇನ್ಯಾವುದೇ ಕ್ರಿಮಿನಲ್ ಪ್ರಕರಣಗಳು ಅವರ ಮೇಲಿಲ್ಲ.
ಒಂದೇ ಸೀರೆಯನ್ನು ಪದೇ ಪದೇ ಧರಿಸುತ್ತಿದ್ದೀರಾ!?, ಹುಷಾರ್ ಕ್ಯಾನ್ಸರ್ ಬರಬಹುದು!
ಮೈಸೂರಿನ ವಾಣಿ ವಿಲಾಸ ಮೊಹಲ್ಲದಲ್ಲಿ 2 ಕೋಟಿ ರೂ. ಮೌಲ್ಯದ ಮನೆಯನ್ನು ಬೋಸ್ ಹೊಂದಿದ್ದಾರೆ. ಕೈಯಲ್ಲಿ 9.9 ಲಕ್ಷ ರೂ. ನಗದು ಹೊಂದಿದ್ದು, ಬ್ಯಾಂಕ್ಗಳಲ್ಲಿ 6.98 ಲಕ್ಷ ರೂ. ಹಣವನ್ನು ಉಳಿತಾಯ ಖಾತೆಯಲ್ಲಿ ಹೊಂದಿದ್ದಾರೆ. ಇವರ ಬಳಿ 38 ಲಕ್ಷ ರೂ. ಮೌಲ್ಯದ ಚಿನ್ನಾಭರಣ, 2 ಲಕ್ಷ ರೂ. ಮೌಲ್ಯದ ಬೆಳ್ಳಿ ವಸ್ತುಗಳಿವೆ. ಇವರ ಚರಾಸ್ತಿ 3.53 ಕೋಟಿ ರೂ. ಮೌಲ್ಯದಾಗಿದ್ದು, ಸ್ಥಿರಾಸ್ತಿ 4.31 ಕೋಟಿ ಮೌಲ್ಯದಾಗಿದೆ. ಹದಿನಾರು ಗ್ರಾಮದಲ್ಲಿ 1.38 ಎಕರೆ ಭೂಮಿ ಹಾಗೂ ಎಳಚಗೆರೆ ಗ್ರಾಮದಲ್ಲಿ 19 ಗುಂಟೆ ಭೂಮಿಯನ್ನು ಹೊಂದಿದ್ದಾರೆ. ಒಟ್ಟು 7.84 ಕೋಟಿ ರೂ. ಮೌಲ್ಯದ ಆಸ್ತಿಗೆ ಒಡೆಯನಾಗಿದ್ದರೂ ಸುನೀಲ್ ಬೋಸ್ ಬಳಿ ಸ್ವಂತ ಕಾರಿಲ್ಲ.
ಬಾಲರಾಜ್ಗಿಂತ ಪತ್ನಿ ಶ್ರೀಮಂತೆ
ಬಿಜೆಪಿ ಅಭ್ಯರ್ಥಿ ಎಸ್. ಬಾಲರಾಜ್ ಅವರಿಗಿಂತ ಅವರ ಪತ್ನಿ ಹೆಚ್ಚು ಸ್ಥಿರಾಸ್ತಿಯನ್ನು ಹೊಂದಿದ್ದಾರೆ. ಹಿರಿಯ ಪುತ್ರ ಹಿಮಾಂಶು ಬಳಿಯು ಬಾಲರಾಜ್ ಅವರಿಗಿಂತ ಹೆಚ್ಚು ಮೌಲ್ಯದ ಆಸ್ತಿ ಇದೆ ! 58 ವರ್ಷದ ಎಸ್. ಬಾಲರಾಜ್ ಅವರು ಬಿಇ ಸಿವಿಲ್ ಎಂಜಿನಿಯರಿಂಗ್ ಪದವೀಧರರು. ಇವರ ಒಟ್ಟು ಚರಾಸ್ತಿ 17.3 ಲಕ್ಷ ಮೌಲ್ಯದಾಗಿದ್ದರೆ, ಪತ್ನಿಯ ಚರಾಸ್ತಿ ಮೌಲ್ಯ 56.74 ಲಕ್ಷ ರೂ. ಇನ್ನು ಬಾಲರಾಜ್ ಅವರ ಸ್ಥಿರಾಸ್ತಿ 55 ಲಕ್ಷ ಮೌಲ್ಯದ್ದಾಗಿದ್ದು, ಪತ್ನಿಯವರ ಸ್ಥಿರಾಸ್ತಿಯ ಮೌಲ್ಯ 2.10 ಕೋಟಿ ರೂ. ಒಟ್ಟಾರೆ ಎಸ್. ಬಾಲರಾಜು ಅವರು ಸ್ಥಿರಾಸ್ತಿ, ಚರಾಸ್ತಿಯಿಂದ ಒಟ್ಟು 82.74 ಲಕ್ಷ ಮೌಲ್ಯದ ಆಸ್ತಿಯನ್ನು ಹೊಂದಿದ್ದು, 42 ಲಕ್ಷ ರೂ. ಸಾಲ ಹೊಂದಿದ್ದಾರೆ.