ಜೀವನದ ದಿಕ್ಕಿನ ಬಗ್ಗೆ ಅತೃಪ್ತಿ ಹೊಂದಿರುವ ಪುರುಷರು ಹೇಗೆ ವರ್ತಿಸುತ್ತಾರೆ, ಅವರ ನಡವಳಿಕೆಗಳೇನು ಎಂಬುವುದನ್ನು ನೋಡೋಣ.
ವಿಶ್ವಕಪ್ ಗೆದ್ದ ಭಾರತ- ಗದಗದಲ್ಲಿ ಸಂಭ್ರಮಿಸಿದ ಅಭಿಮಾನಿಗಳು!
ಒಬ್ಬ ವ್ಯಕ್ತಿಯು ತನ್ನ ಜೀವನದಲ್ಲಿ ಅತೃಪ್ತಿ ಹೊಂದಿದ್ದಾನೆ ಎಂಬುದಕ್ಕೆ ಹೆಚ್ಚು ಹೇಳುವ ಚಿಹ್ನೆಗಳಲ್ಲಿ ಒಂದು ನಿರಂತರವಾದ ಅತೃಪ್ತಿ. ಕಷ್ಟ ಎಲ್ಲರಿಗೂ ಇರುತ್ತದೆ, ಆದರೆ ಈ ಕಷ್ಟ ಒಂದೆರೆಡು ದಿನಕ್ಕೆ ಮುಗಿಯದೇ ವರ್ಷಾನುಗಟ್ಟಲೇ ಉಳಿದು ಬಿಟ್ಟರೆ, ಜೀವನ ಜಿಗುಪ್ಸೆ ತರಿಸುತ್ತದೆ, ಸಮಾಧಾನವೂ ಇರೋದಿಲ್ಲ. ಈ ಅಸಮಾಧಾನವು ಅಂತೋಷಕ್ಕೆ ಕಾರಣವಾಗಬಹುದು.
ಆದ್ದರಿಂದ ಈ ನಿರಂತರ ಅಸಮಾಧಾನ, ಅತೃಪ್ತಿಯನ್ನು ಹೇಗೆ ನಿವಾರಿಸಿಕೊಳ್ಳಬಹುದು ಎಂಬುದರತ್ತ ಯೋಚಿಸಿ ಜೀವನದಲ್ಲಿ ಖುಷಿ ಕಂಡುಕೊಳ್ಳುವ ಪ್ರಯತ್ನ ಮಾಡಿ. ಜೀವನದಲ್ಲಿ ಅತೃಪ್ತರಾಗಿರುವ ಪುರುಷರು ಸಮಾಜದಿಂದ ದೂರು ಉಳಿಯುವ ನಿರ್ಧಾರ ಮಾಡಿಬಿಡುತ್ತಾರೆ. ಬೇರೆಯವರ ಜೊತೆ ಬೆರೆಯದೇ ಇರುವುದು, ಸಮಾರಂಭಗಳಿಗೆ ಹೋಗದೇ ಇರುವುದು, ಯಾವುದರಲ್ಲೂ ಆಸಕ್ತಿ ಇಲ್ಲದಿರುವ ನಡವಳಿಕೆಗಳನ್ನು ಇವರು ಪ್ರದರ್ಶಿಸುತ್ತಾರೆ. ಒಟ್ಟಿನಲ್ಲಿ ಸಾಮಾಜಿಕ ಚಟುವಟಿಕೆಗಳಿಂದ ಅಂತರ ಕಾಯ್ದುಕೊಳ್ಳುತ್ತಾರೆ. ನಾವಿಷ್ಟಪಡುವ ಹವ್ಯಾಸಗಳು ನಮಗೆ ಖುಷಿ ನೀಡುತ್ತವೆ ಅನ್ನೋದು ಎಲ್ಲರಿಗೂ ಗೊತ್ತು. ಆದರೆ ತೃಪ್ತಿಯೇ ಇಲ್ಲದ ಪುರುಷರಿಗೆ ಈ ಹವ್ಯಾಸಗಳು ಕೂಡ ಭಾರವಾಗಿರುತ್ತವೆ.
ಅದರಲ್ಲೂ ಆಸಕ್ತಿ ಕಳೆದುಕೊಂಡಿರುವ ರೀತಿ ವರ್ತಿಸುತ್ತಾರೆ. ಒಬ್ಬ ವ್ಯಕ್ತಿಯು ತನ್ನ ಜೀವನದಲ್ಲಿ ಅತೃಪ್ತನಾಗಿದ್ದಾಗ ಚಟುವಟಿಕೆಗಳಲ್ಲಿ ಆಸಕ್ತಿಯನ್ನು ಕಳೆದುಕೊಳ್ಳಲು ಆರಂಭಿಸುತ್ತಾನೆ.
ಜೀವನ ನಾವು ಅಂದುಕೊಂಡಂತೆ ಸಾಗದಿದ್ದಾಗ ಅದರ ಪ್ರತಿಫಲವು ನಮ್ಮ ನಿದ್ರೆ ಮಾದರಿಯಲ್ಲಿ ಗೋಚರಿಸುತ್ತದೆ. ಹೀಗೆ ಆದಾಗ ಒಂದೋ ನಾವು ನಿದ್ರೆಯ ಮೂಲಕ ವಾಸ್ತವದಿಂದ ತಪ್ಪಿಸಿಕೊಳ್ಳಲು ಹೆಚ್ಚು ಸಮಯವನ್ನು ಕಳೆಯುತ್ತೇವೆ, ಇಲ್ಲಾ ಚಿಂತೆ ಮಾಡುತ್ತಾ ನಿದ್ರೆಯನ್ನೇ ಬಿಟ್ಟುಬಿಡುತ್ತೇವೆ.
ಜೀವನದಲ್ಲಿ ಅತೃಪ್ತಿ ಹೊಂದಿರುವವರು ನಿದ್ರೆ ಕೊರತೆ ಇಲ್ಲಾ ಹೆಚ್ಚು ಹೊತ್ತು ಮಲಗುವ ನಡವಳಿಕೆಯನ್ನು ತೋರ್ಪಡಿಸಬಹುದು. ಒಬ್ಬ ಮನುಷ್ಯನು ತನ್ನ ಜೀವನದಲ್ಲಿ ಅತೃಪ್ತನಾಗಿದ್ದಾಗ, ಅವರು ಆರೋಗ್ಯದ ಬಗ್ಗೆ ಕಾಳಜಿ ವಹಿಸುವುದನ್ನು ಬಿಟ್ಟು ಬಿಡುತ್ತಾರೆ. ಅತೃಪ್ತಿಯ ಭಾವ ಮಾನಸಿಕವಾಗಿ ಮತ್ತು ದೈಹಿಕವಾಗಿ ಅವರನ್ನು ಹಿಂಡಿ ಹಿಪ್ಪೆ ಮಾಡುತ್ತಿರುತ್ತದೆ.
ಜೀವನದಲ್ಲಿ ಅತೃಪ್ತಿ ಹೊಂದಿರುವ ಪುರುಷರು ಸಣ್ಣ ಸಣ್ಣ ವಿಷಯಕ್ಕೂ ಕಿರಿಕಿರಿ ಅನುಭವಿಸುತ್ತಾರೆ. ತಾಳ್ಮೆ ಕಳೆದುಕೊಂಡವರ ರೀತಿ ವರ್ತಿಸುತ್ತಾರೆ. ಜೀವನ ಎತ್ತ ಸಾಗುತ್ತಿದೆ ಎಂಬ ಚಿಂತೆ, ಹತಾಶೆಯಲ್ಲಿ ಯಾವಾಗಲೂ ಕೋಪ ಮತ್ತು ಅಸಹನೆಯನ್ನು ಪ್ರದರ್ಶಿಸುತ್ತಾರೆ.
ಪ್ರೇರಣೆಯು ನಮ್ಮ ಗುರಿಗಳನ್ನು ಸಾಧಿಸಲು ಪ್ರೇರೇಪಿಸುವ ಪ್ರೇರಕ ಶಕ್ತಿಯಾಗಿದೆ. ಆದರೆ ಒಬ್ಬ ಮನುಷ್ಯನು ತನ್ನ ಜೀವನದ ಹಾದಿಯಲ್ಲಿ ಅತೃಪ್ತಿ ಹೊಂದಿದ್ದಾಗ, ಈ ಪ್ರೇರಣೆಯನ್ನೇ ಕಳೆದುಕೊಂಡು ಬಿಡುತ್ತಾನೆ. ಗುರಿಗಳು ಮತ್ತು ಕನಸುಗಳ ಸಾಕಾರದತ್ತ ಆಸಕ್ತಿಯನ್ನೇ ಕಳೆದುಕೊಂಡಿರುತ್ತಾರೆ. ಈ ಪ್ರೇರಣೆಯ ಕೊರತೆಯು ಇವರನ್ನು ಮತ್ತಷ್ಟು ಅತೃಪ್ತಿಗೆ ನೂಕಿಬಿಡುತ್ತದೆ.
ಬಹುಶಃ ಜೀವನದ ನಿರ್ದೇಶನದ ಬಗ್ಗೆ ಆಳವಾದ ಅತೃಪ್ತಿ ಹೊಂದಿರುವ ಮನುಷ್ಯನ ಅತ್ಯಂತ ಕೆಟ್ಟ ಚಿಹ್ನೆ ಎಂದರೆ ಶೂನ್ಯತೆಯ ಭಾವ. ಯಶಸ್ಸು, ಹಣ ಅಥವಾ ಬಾಹ್ಯ ಮೌಲ್ಯೀಕರಣ ಇಲ್ಲಾ ಎಂಬ ಖಾಲಿ ಭಾವನೆಯನ್ನು ಅವರು ಹೊಂದಿರುತ್ತಾರೆ.
