ಬೇಯಿಸುವಾಗ ಮೊಟ್ಟೆಗಳು ಪದೇ ಪದೇ ಒಡೆಯುತ್ತವೆಯೇ? ಮೊಟ್ಟೆಗಳನ್ನು ಬೇಯಿಸುವುದು ತುಂಬಾ ಸುಲಭದ ಕೆಲಸವೆಂದು ತೋರುತ್ತದೆ, ಆದರೆ ಕುದಿಯಲು ಇರಿಸಿದಾಗ ಮೊಟ್ಟೆಗಳು ಒಡೆಯುತ್ತವೆ ಅಥವಾ ಬಿರುಕು ಬಿಡುತ್ತವೆ. ಇದು ಅನೇಕ ಜನರ ದೂರು. ಇದರಿಂದ ಮೊಟ್ಟೆಯ ಆಕಾರ ಕೆಡುವುದಲ್ಲದೆ, ರುಚಿಯೂ ಹಾಳಾಗುತ್ತದೆ.
ಫ್ರಿಡ್ಜ್ನಲ್ಲಿಟ್ಟ ಕಲ್ಲಂಗಡಿ ಹಣ್ಣು ತಿನ್ನೋ ಮುನ್ನ ಎಚ್ಚರ ಜನರೇ!
ಬೇಯಿಸಿದ ಮೊಟ್ಟೆಯಲ್ಲಿ ಅಗತ್ಯ ಪೋಷಕಾಂಶಗಳು ಹಾಗೆಯೇ ಉಳಿದುಕೊಳ್ಳುತ್ತವೆ. ಹಾಗೆಯೇ ಅದರ ರುಚಿ ಕೂಡ ಅತ್ಯುತ್ತಮವಾಗಿರುತ್ತದೆ ಎಂದು ಹೇಳಲಾಗುತ್ತದೆ. ಆದರೆ ಅನೇಕ ಸಂದರ್ಭಗಳಲ್ಲಿ ಮೊಟ್ಟೆ ಬೇಯಿಸುವಾಗ ಒಡೆದುಹೋಗುತ್ತದೆ. ಇದಕ್ಕೆಂದೇ ನಾವು ನಿಮಗೆ ಕೆಲವು ಟಿಪ್ಸ್‌ಗಳನ್ನು ಹೇಳಲಿದ್ದೇವೆ. ಈ ಟಿಪ್ಸ್‌ಗಳನ್ನು ಫಾಲೋ ಮಾಡುವ ಮೂಲಕ ಈ ಸಮಸ್ಯೆಗೆ ಪರಿಹಾರ ಪಡೆಯಬಹುದು.
ಎರಡು ಮೊಟ್ಟೆಗಳನ್ನು ಕುದಿಸುವಾಗ ದೊಡ್ಡ ಗಾತ್ರದ ಪಾತ್ರೆಯನ್ನು ಆರಿಸಿ. ಹೀಗೆ ಮಾಡುವುದರಿಂದ ಮೊಟ್ಟೆಗಳು ಕುದಿಸುವಾಗ ಒಂದಕ್ಕೊಂದು ಡಿಕ್ಕಿಯಾಗುವುದಿಲ್ಲ ಮತ್ತು ಅವು ಒಡೆಯುವುದರಿಂದ ಅಥವಾ ಸಿಡಿಯುವುದರಿಂದ ರಕ್ಷಿಸಲ್ಪಡುತ್ತವೆ.
ಮೊಟ್ಟೆಗಳನ್ನು ಕುದಿಸುವ ನೀರಿನಲ್ಲಿ ಉಪ್ಪು ಬೆರೆಸಬೇಕು. ಉಪ್ಪು ನೀರಿನಲ್ಲಿ ಮೊಟ್ಟೆಗಳನ್ನು ಕುದಿಸುವುದರಿಂದ ಸಿಪ್ಪೆ ಸುಲಿಯಲು ಸುಲಭವಾಗುತ್ತದೆ.
ಮೊಟ್ಟೆಗಳನ್ನು ರೆಫ್ರಿಜರೇಟರ್‌ನಲ್ಲಿ ಇಡುವುದು ಸಾಮಾನ್ಯ. ಆದರೆ ಅವುಗಳನ್ನು ನೇರವಾಗಿ ನೀರಿನಲ್ಲಿ ಕುದಿಸಿದರೆ, ಖಂಡಿತವಾಗಿಯೂ ಒಡೆಯುತ್ತವೆ. ಮೊಟ್ಟೆಗಳನ್ನು ಕನಿಷ್ಟ 10 ಅಥವಾ 15 ನಿಮಿಷಗಳ ಕಾಲ ಫ್ರಿಡ್ಜ್‌ನಿಂದ ತೆಗೆದು ಹೊರಗಿಡಬೇಕು. ಆಗ ಉಷ್ಣತೆಯು ಸಾಮಾನ್ಯವಾಗುತ್ತದೆ.
ಮೊಟ್ಟೆಗಳನ್ನು ಕುದಿಸುವಾಗ ಉರಿಯನ್ನು ಹೆಚ್ಚು ಇಡಬೇಡಿ. ಬದಲಾಗಿ ಮಧ್ಯಮ ಉರಿಯಲ್ಲಿ ಕುದಿಸಬೇಕು. ಹೀಗೆ ಮಾಡಿದರೆ ಸಿಡಿಯುವುದಿಲ್ಲ.
