ಬಾಲಿವುಡ್ ಖ್ಯಾತ ನಟ ಸೈಫ್ ಅಲಿ ಖಾನ್ ದುಷ್ಕರ್ಮಿಗಳಿಂದ ಚಾಕು ಇರಿತಕ್ಕೆ ಒಳಗಾಗಿದ್ದು ಸದ್ಯ ಮುಂಬೈನ ಲೀಲಾವತಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಈ ಮಧ್ಯೆ ಸೈಫ್ ಅವರು ಪಟೌಡಿ ಕುಟುಂಬ, ಅವರ ಆಸ್ತಿ ಪಾಸ್ತಿ, ರಾಜ ಪರಂಪರೆ ಬಗ್ಗೆ ಜನ ಸೋಷಿಯಲ್ ಮೀಡಿಯಾದಲ್ಲಿ ಹುಡುಕಾಟ ನಡೆಸುತ್ತಿದ್ದಾರೆ.
ಸೈಫ್ ಅಲಿ ಖಾನ್ ಪಟೌಡಿ ಅರಮನೆಗೆ ಸೇರಿದವರಾಗಿದ್ದಾರೆ. ಪಟೌಡಿ ಅರಮನೆಯು ಹರ್ಯಾಣದಲ್ಲಿ 800 ಕೋಟಿ ರೂಪಾಯಿ ಮೌಲ್ಯದ ವಿಸ್ತಾರವಾದ ಎಸ್ಟೇಟ್ ಹೊಂದಿದೆ. ಇಬ್ರಾಹಿಂ ಕೋಠಿ ಎಂದು ಕರೆಯಲ್ಪಡುವ ಈ ರಾಜಮನೆತನದ ಆಸ್ತಿ 10 ಎಕರೆಗಳಷ್ಟು ವ್ಯಾಪಿಸಿದೆ. 150 ಕೊಠಡಿಗಳನ್ನು ಹೊಂದಿದೆ. 1900 ರ ದಶಕದ ಆರಂಭದಲ್ಲಿ ಪಟೌಡಿಯ 8 ನೇ ನವಾಬ್ ಇಫ್ತಿಕರ್ ಅಲಿ ಖಾನ್ ನಿರ್ಮಿಸಿದ, ಅದರ ವಸಾಹತು ಶೈಲಿಯ ವಾಸ್ತುಶಿಲ್ಪವು ದೆಹಲಿಯ ಇಂಪೀರಿಯಲ್ ಹೋಟೆಲ್‌ನಿಂದ ಪ್ರೇರಿತಗೊಂಡಿದೆ.
ಸೈಫ್ ಅಲಿ ಖಾನ್ ಅವರ ಜೀವನಶೈಲಿ ರಾಜಮನೆತನದ ಜೀವನಶೈಲಿಯಾಗಿದೆ. ಜಿಕ್ಯೂ ಇಂಡಿಯಾದ ವರದಿಯ ಪ್ರಕಾರ ಸೈಫ್ ಅವರ ನಿವ್ವಳ ಮೌಲ್ಯ 1,120 ಕೋಟಿ ಇದೆ. ನಟನ ಆಸ್ತಿಗಳಲ್ಲಿ ಹೆಚ್ಚಾಗಿ ಪೂರ್ವಜರ ಮಹಲುಗಳು, ಕಾರು ಸಂಗ್ರಹಣೆಗಳು, ಉತ್ಪಾದನಾ ಮನೆಗಳು ಮತ್ತು ಹಲವಾರು ಐಷಾರಾಮಿ ಮನೆಗಳು ಹೊಂದಿವೆ.
ಸೈಫ್ ಪ್ರತಿ ಚಿತ್ರಕ್ಕೆ 10-15 ಕೋಟಿ ರೂ.ಗಳಷ್ಟು ಸಂಭಾವನೆ ಪಡೆದುಕೊಳ್ಳುತ್ತಾರಂತೆ. ಬ್ರಾಂಡ್ ಎಂಡಾರ್ಸ್‌ಮೆಂಟ್‌ಗಳಿಂದ ರೂ. 1-5 ಕೋಟಿ ಗಳಿಸಲು ಹೆಸರುವಾಸಿಯಾಗಿದ್ದಾರೆ ಸೈಫ್. ಪತ್ನಿ ಕರೀನಾ ಕಪೂರ್ ಖಾನ್ ಅವರು 485 ಕೋಟಿ ರೂಪಾಯಿಗಳ ನಿವ್ವಳ ಮೌಲ್ಯವನ್ನು ಹೊಂದಿದ್ದಾರೆ, ಅವರನ್ನು ಬಾಲಿವುಡ್‌ನ ಅತ್ಯಂತ ಶ್ರೀಮಂತ ದಂಪತಿ ಎಂದೂ ಕರೆಯಲಾಗುತ್ತದೆ.
ಸೈಫ್ ಅಲಿ ಖಾನ್ ಹೆಸರಲ್ಲಿ ಹರಿಯಾಣದಲ್ಲಿ ಸುಮಾರು 800 ಕೋಟಿ ರೂಪಾಯಿ ಮೌಲ್ಯದ ಪೂರ್ವಜರ ಭವನವನ್ನು ಹೊಂದಿದ್ದಾರೆ. ಈ ಹವೇಲಿಯಲ್ಲಿ ಹಲವು ಸಿನಿಮಾಗಳ ಚಿತ್ರೀಕರಣ ನಡೆದಿದೆ. 2021ರಲ್ಲಿ ಸೈಫ್ ಅಲಿ ಖಾನ್ ಅವರ ವೆಬ್ ಸರಣಿ ತಾಂಡವ್ ಬಿಡುಗಡೆಯಾಯಿತು. ಇದನ್ನು ಅವರ ಪೂರ್ವಜರ ಬಂಗಲೆಯಲ್ಲಿ ಚಿತ್ರೀಕರಿಸಲಾಗಿತ್ತು.
ಇದರ ಜೊತೆಗೆ ಮುಂಬೈನ ಟರ್ನರ್ ರಸ್ತೆಯಲ್ಲಿ ಕೋಟ್ಯಂತರ ರೂಪಾಯಿ ಮೌಲ್ಯದ ಐಷಾರಾಮಿ ಅಪಾರ್ಟ್ ಮೆಂಟ್ ಸೈಫ್ ಹೊಂದಿದ್ದಾರೆ. ವಾಸ್ತುಶಿಲ್ಪಿ ವಿನ್ಯಾಸದ ಎರಡು ಬಂಗಲೆಗಳನ್ನು ಹೊಂದಿದ್ದಾರೆ. ಸೈಫ್ ಅಲಿ ಖಾನ್ ಇಲ್ಯುಮಿನಾಟಿ ಫಿಲ್ಮ್ಸ್ ಮತ್ತು ಬ್ಲ್ಯಾಕ್ ನೈಟ್ ಫಿಲ್ಮ್ಸ್ ಎಂಬ ಸ್ವಂತ ನಿರ್ಮಾಣ ಸಂಸ್ಥೆಯನ್ನು ಹೊಂದಿದ್ದಾರೆ. ಇದಲ್ಲದೇ, ಸೈಫ್ ಸಾಂಪ್ರದಾಯಿಕ ಉಡುಗೆ ಬ್ಯುಸಿನೆಸ್ ಮಾಡುತ್ತಿದ್ದು ಕ್ಲೋಥಿಂಗ್ ಆಫ್ ಪಟೌಡಿ ಎಂಬ ಬ್ರ್ಯಾಂಡ್ ಅನ್ನು ಹೊಂದಿದ್ದಾರೆ.
ಸೈಫ್ ಅಲಿ ಖಾನ್ ಬಳಿ ಬಿಎಂಡಬ್ಲ್ಯು 7 ಸಿರೀಸ್, ಲೆಕ್ಸಸ್ 470, ಮುಸ್ತಾಂಗ್, ರೇಂಜ್ ರೋವರ್, ಲ್ಯಾಂಡ್ ಕ್ರೂಸರ್ ಸೇರಿದಂತೆ ಅನೇಕ ದುಬಾರಿ ಕಾರುಗಳಿವೆ. ಇದರ ಬೆಲೆ 50 ಲಕ್ಷದಿಂದ 2 ಕೋಟಿ ರೂ. ಇದೆ.ಸೈಫ್ ಅಲಿ ಖಾನ್ ನಟಿ ಕರೀನಾ ಕಪೂರ್ ಅವರನ್ನು 2ನೇ ಮದುವೆ ಆಗಿದ್ದು, ಇಬ್ಬರು ಗಂಡು ಮಕ್ಕಳಿದ್ದಾರೆ. ಮೊದಲನೇ ಪತ್ನಿಗೂ ಇಬ್ಬರು ಮಕ್ಕಳಿದ್ದಾರೆ.
ಸೈಫ್ ಇಂಡಿಯನ್ ಸ್ಟ್ರೀಟ್ ಪ್ರೀಮಿಯರ್ ಲೀಗ್ (ISPL) ನಲ್ಲಿ ಟೈಗರ್ಸ್ ಆಫ್ ಕೋಲ್ಕತ್ತಾದ ಸಹ-ಮಾಲೀಕರಾಗಿದ್ದಾರೆ. ಮಾಧ್ಯಮ ವರದಿಗಳ ಪ್ರಕಾರ, ಸೈಫ್ ಅಲಿ ಖಾನ್ ಸುಮಾರು 5 ಸಾವಿರ ಕೋಟಿ ಮೌಲ್ಯದ ಪೂರ್ವಜರ ಆಸ್ತಿಯನ್ನು ಹೊಂದಿದ್ದಾರೆ, ಇದರಲ್ಲಿ ಹರಿಯಾಣದ ಪಟೌಡಿ ಅರಮನೆಯ ಜೊತೆಗೆ, ಅವರು ಭೋಪಾಲ್‌ನಲ್ಲೂ ಸಾಕಷ್ಟು ಆಸ್ತಿ ಹೊಂದಿದ್ದಾರೆ.
