ಬಹುತೇಕರು ಇಷ್ಟಪಡುವ ಬಿಯರ್‌ನ ಆರೋಗ್ಯ ಪ್ರಯೋಜನಗಳು ಇಲ್ಲಿವೆ. ಇದು ಶೀತ ಮತ್ತು ವೈರಸ್‌ಅನ್ನು ತಡೆಯುತ್ತದೆ: 2009 ರಲ್ಲಿ ಡಾ. ಜೋಹಾನ್ಸ್ ಸ್ಕೆರ್ ಅವರು ಮ್ಯೂನಿಚ್ ಮ್ಯಾರಥಾನ್‌ಗೆ ಮೂರು ವಾರಗಳ ಮೊದಲು ಮತ್ತು ಎರಡು ವಾರಗಳ ನಂತರ 277 ಓಟಗಾರರೊಂದಿಗೆ ಅಧ್ಯಯನವನ್ನು ನಡೆಸಿದರು. ಓಟಗಾರರನ್ನು ಬಿಯರ್ ಕುಡಿಯುವವರು ಮತ್ತು ಬಿಯರ್ ಕುಡಿಯದವರೆಂದು ಎರಡು ಗುಂಪುಗಳಾಗಿ ವಿಭಾಗಿಸಲಾಗಿತ್ತು. ಬಿಯರ್ ಕುಡಿದ ಒಂದು ಗುಂಪಿನಲ್ಲಿ ಶೀತ ಮತ್ತು ವೈರಸ್‌ಗಳು ಕಡಿಮೆ ಎಂದು ಅಧ್ಯಯನ ಕಂಡುಹಿಡಿದಿದೆ.
IPL 2024: SRH ಸೋಲಿನ ಬಳಿಕ RCB ನಾಯಕ ಹೇಳಿದ್ದೇನು!?
ಹೃದ್ರೋಗವನ್ನು ತಡೆಗಟ್ಟಲು ನಮ್ಮ ದೇಹಕ್ಕೆ ಅಗತ್ಯವಿರುವ ರೋಗ ನಿರೋಧಕಗಳನ್ನು ದಿನಕ್ಕೆ ಒಂದು ಲೋಟ ರೆಡ್ ವೈನ್ ಒದಗಿಸುತ್ತದೆ. ಹಾಗೇಯೇ ಬಿಯರ್ ವಿಷಯದಲ್ಲೂ ಇದು ನಿಜ. ವೈನ್‌ನ ಹೃದಯರಕ್ತನಾಳದ ಪ್ರಯೋಜನಗಳು ಬಿಯರ್ ಮತ್ತು ಸ್ಪಿರಿಟ್‌ಗಳಲ್ಲಿ ಸಮಾನವಾಗಿರುತ್ತದೆ ಎಂದು ಅಧ್ಯಯನಗಳು ಸೂಚಿಸುತ್ತವೆ. ಬಿಯರ್ ಹೆಚ್ಚು ಪ್ರೋಟೀನ್ ಮತ್ತು ಬಿ ಜೀವಸತ್ವಗಳನ್ನು ಹೊಂದಿದೆ.
ಬಿಯರ್ ಎಲೆಕ್ಟ್ರೋಲೈಟ್‌ಗಳ ಸಮತೋಲನವನ್ನು ಕಾಪಾಡುತ್ತದೆ. ಇದರಲ್ಲಿನ ಹೆಚ್ಚಿನ ಸೋಡಿಯಂ ಅಂಶದಿಂದಾಗಿ, ಆಲ್ಕೊಹಾಲ್ಯುಕ್ತವಲ್ಲದ ಬಿಯರ್ ಅತ್ಯುತ್ತಮವಾದ ಪಾನೀಯವಾಗಿದೆ ಎಂದು ಸಂಶೋಧಕರು ಹೇಳಿದ್ದಾರೆ.
ಅನೇಕ ವೈಜ್ಞಾನಿಕ ಅಧ್ಯಯನಗಳು ನಿರ್ದಿಷ್ಟವಾಗಿ ಆಲ್ಕೊಹಾಲ್ಯುಕ್ತವಲ್ಲದ ಬಿಯರ್ ಮೇಲೆ ಕೇಂದ್ರೀಕರಿಸುತ್ತವೆ. ಏಕೆಂದರೆ ಬಿಯರ್‌ನ ಅನೇಕ ಪೌಷ್ಟಿಕಾಂಶದ ಪ್ರಯೋಜನಗಳು ಧಾನ್ಯಗಳು, ಹಾಪ್‌ಗಳು ಮತ್ತು ಬಾರ್ಲಿಯಂತಹ ಮೂಲ ಪದಾರ್ಥಗಳಿಂದ ಬರುತ್ತವೆ. ಇಂತಹ ಬಿಯರ್‌ನಿಂದ ಹಲವು ಪ್ರಯೋಜನಗಳನ್ನು ಪಡೆಯಬಹುದು.
ಇದು ನಿಮ್ಮ ಕರುಳಿನ ಆರೋಗ್ಯವನ್ನು ಸುಧಾರಿಸುತ್ತದೆ. ಬಿಯರ್ ಆರೋಗ್ಯಕರ ಕರುಳಿನ ಬ್ಯಾಕ್ಟೀರಿಯಾವನ್ನು ಬೆಳೆಸುವ ಸಾಮರ್ಥ್ಯವನ್ನು ಹೊಂದಿದೆ. ಪಾಲಿಫಿನಾಲ್‌ಗಳು ಪ್ರಿಬಯಾಟಿಕ್ ಆಗಿ ಕಾರ್ಯನಿರ್ವಹಿಸುತ್ತದೆ ಎಂದು ಅಧ್ಯಯನಗಳು ತೋರಿಸಿವೆ. ಇದು ಕರುಳಿನಲ್ಲಿರುವ ಆರೋಗ್ಯಕರ ಬ್ಯಾಕ್ಟೀರಿಯಾವನ್ನು ಪೋಷಿಸುತ್ತದೆ.
ಬಿಯರ್ ಸೇವನೆಯಿಂದ ಮೂಳೆಗಳು ಬಲಗೊಳ್ಳುತ್ತವೆ. ಈ ಮಾತಿಗೆ ಇದಕ್ಕೆ ಹೆಚ್ಚಿನ ಅಧ್ಯಯನದ ಅಗತ್ಯವಿದ್ದರೂ, ದಿ ಅಮೇರಿಕನ್ ಜರ್ನಲ್ ಆಫ್ ಕ್ಲಿನಿಕಲ್ ನ್ಯೂಟ್ರಿಷನ್‌ನಲ್ಲಿ ಪ್ರಕಟವಾದ ಸಂಶೋಧನೆಯು ದಿನಕ್ಕೆ ಕನಿಷ್ಠ ಗ್ಲಾಸ್ ವೈನ್ ಅಥವಾ ಬಿಯರ್ ಅನ್ನು ಸೇವಿಸುವುದರಿಂದ ಮುಟ್ಟಾದ ಮಹಿಳೆಯರಲ್ಲಿ ಸೊಂಟ ಮತ್ತು ಬೆನ್ನುಮೂಳೆಯ ಮೂಳೆಯ ಖನಿಜ ಸಾಂದ್ರತೆಯನ್ನು ಹೆಚ್ಚಿಸುತ್ತದೆ ಎಂದು ಕಂಡುಹಿಡಿದಿದೆ.
