ಧಾರವಾಡ: ಮಣಿಪುರದ ಗಲಭೆ ವಿಷಯವನ್ನು ಕೇಂದ್ರ ಗೃಹ ಇಲಾಖೆ ಕಂಟ್ರೋಲ್ ಮಾಡುವ ಕೆಲಸವನ್ನು ಮಾಡುತ್ತಿದೆ. ಇದೊಂದು ಸೂಕ್ಷ್ಮ ವಿಚಾರ. ಮಣಿಪುರದಲ್ಲಿ ಎಲ್ಲವನ್ನೂ ಸರಿ ಮಾಡಲು ಸರ್ವ ರೀತಿಯಿಂದ ಪ್ರಯತ್ನ ನಡೆದಿದೆ ಎಂದು ಕೇಂದ್ರ ಸಚಿವ ಪ್ರಹ್ಲಾದ ಜೋಶಿ ಹೇಳಿದರು.
ಧಾರವಾಡದಲ್ಲಿ ಮಾತನಾಡಿದ ಅವರು, ಮಣಿಪುರ ಗಲಭೆ ಸೂಕ್ಷ್ಮ ಹಾಗೂ ಕಾಂಪ್ಲಿಕೆಟೆಡ್ ಇದೆ. ಹಿಂದಿನ ಗಲಭೆಗಳಿಗೆ ಇದನ್ನು ನಾನು ಹೋಲಿಕೆ ಮಾಡುವುದಿಲ್ಲ. ಹಿಂದೆಯೂ ಇದೇ ರೀತಿ ಗಲಭೆ ನಡೆದಿದೆ. ಆಗ ಇಷ್ಟೊಂದು ಅಲ್ಲಿ ಕಂಟ್ರೋಲ್ ಇರಲಿಲ್ಲ. ಒಬ್ಬ ವ್ಯಕ್ತಿ ಸತ್ತರೂ ಅದು ದೌರ್ಭಾಗ್ಯ ಸಂಗತಿ. ಕೇಂದ್ರದ ಗೃಹ ಇಲಾಖೆ ಅಲ್ಲಿ ಎಲ್ಲವನ್ನೂ ಕಂಟ್ರೋಲ್ ಮಾಡುವ ಕೆಲಸ ಮಾಡುತ್ತಿದೆ ಎಂದರು.
ಮಣಿಪುರದಲ್ಲಿ ಈ ಹಿಂದೆ ವರ್ಷಗಟ್ಟಲೇ ಇಂತಹ ಘಟನಾವಳಿಗಳು ನಡೆದಿವೆ. ಮೂರು, ಐದು ವರ್ಷಗಳ ಕಾಲ ಗಲಭೆಗಳು ನಡೆದ ಉದಾಹರಣೆ ಇವೆ. ಮಾತುಕತೆ ಹಾಗೂ ಪೊಲೀಸ್ ಇಲಾಖೆ ಮೂಲಕ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳಲಾಗುತ್ತಿದೆ ಎಂದರು.ಮಹಾರಾಷ್ಟ್ರ ಚುನಾವಣೆ ಸಂಬಂಧ ಮಾತನಾಡಿದ ಜೋಶಿ, ನಾನು ಅಲ್ಲಿ ಪ್ರಚಾರಕ್ಕೆ ಹೋಗಿ ಬಂದಿದ್ದೇನೆ. ಮಹಾರಾಷ್ಟ್ರ ಮತ್ತು ಜಾರ್ಖಂಡ್‌ದಲ್ಲಿ ನಾವು ಅತ್ಯಂತ ದೊಡ್ಡ ಪ್ರಮಾಣದಲ್ಲಿ ಗೆಲುವು ಸಾಧಿಸುತ್ತೇವೆ. ಹರಿಯಾಣದಲ್ಲಿ ಮೂರನೇ ಬಾರಿ ನಾವು ಗೆದ್ದಿದ್ದೇವೆ. ಮಹಾರಾಷ್ಟ್ರದಲ್ಲೂ ಗೆಲ್ಲುತ್ತೇವೆ.
Life Style: ಮಾನಸಿಕವಾಗಿ ಕುಗ್ಗಿದ್ದೀರಾ..? ಡಿಪ್ರೆಶನ್ʼನಿಂದ ಹೊರ ಬರಲು ಇಲ್ಲಿದೆ ಪವರ್‌ ಫುಲ್ ಟಿಪ್ಸ್!
2019ರಲ್ಲಿ ವಾಸ್ತವವಾಗಿ ನಾವೇ ಗೆದ್ದಿದ್ದೇವೆ. 130 ಸ್ಥಾನ ನಮ್ಮದೇ ಇದ್ದವು. 20 ಸೀಟಿಗಾಗಿ ಉದ್ಧವ ಠಾಕ್ರೆ ಶಿವಸೇನಾ ಬಿಜೆಪಿಗೆ ದ್ರೋಹ ಬಗೆದು ಸರ್ಕಾರ ಮಾಡಿತ್ತು. ಅದರ ನಂತರ ಹಿಂದೂ ವಿರೋಧಿ ಶಕ್ತಿಗಳಿಗೆ ಹಾಗೂ ಬಾಳಾ ಸಾಹೇಬ್ ಠಾಕ್ರೆ ವಿರೋಧಿಗಳ ಜೊತೆಗೂ ಉದ್ಧವ ಠಾಕ್ರೆ ಸರ್ಕಾರ ಮಾಡಿದ್ದರು. ಅದಕ್ಕೆ ಶಿವಸೇನಾ ಅನೇಕ ಶಾಸಕರು ಬಂಡೆದ್ದು ಮಹಾಯೂತಿ ನಿರ್ಮಾಣ ಮಾಡಿದ್ದರು. ದೇವೇಂದ್ರ ಫಡ್ನವೀಸ್ ಹಾಗೂ ಏಕನಾಥ ಶಿಂಧ ನೇತೃತ್ವದಲ್ಲಿ ಅಲ್ಲಿ ಅನೇಕ ಕೆಲಸ ಆಗಿವೆ. ಅಲ್ಲಿ ಪ್ರಧಾನಿ ಮೋದಿ ಅವರ ಬಗ್ಗೆ ಸಾಕಷ್ಟು ಜನಪ್ರಿಯತೆ ಇದೆ ಎಂದರು.
