ಕಳೆದ ಕೆಲವು ವರ್ಷಗಳಲ್ಲಿ ಭಾರತದಿಂದ ಹಸುವಿನ ಸಗಣಿ ರಫ್ತು ಜೋರಾಗಿದೆ. ಹಲವು ದೇಶಗಳಿಗೆ ಹಸುವಿನ ಸಗಣಿ ರಫ್ತು ಆಗುತ್ತಿದೆ. ಈ ದೇಶಗಳು ಹಸುವಿನ ಸಗಣಿಯನ್ನು ಹಲವು ರೀತಿಯಲ್ಲಿ ಉಪಯೋಗಿಸುತ್ತಿವೆ. ಈ ದೇಶಗಳಲ್ಲಿ ಕುವೈತ್ ಮತ್ತು ಅರಬ್ ದೇಶಗಳು ಸೇರಿವೆ. ಹಸುವಿನ ಸಗಣಿ ಪುಡಿಯನ್ನು ಉಪಯೋಗಿಸಿದರೆ ಖರ್ಜೂರ ಹೆಚ್ಚು ಬೆಳೆಯುತ್ತದೆ. ಅಂತ ಈ ದೇಶಗಳ ಕೃಷಿ ವಿಜ್ಞಾನಿಗಳು ಸಂಶೋಧನೆ ಮಾಡಿ ಕಂಡುಹಿಡಿದಿದ್ದಾರೆ.
ಮಹಿಳೆಯರೇ ಗಮನಿಸಿ: ಅಪ್ಪಿತಪ್ಪಿಯೂ ಸೇವಿಸಬೇಡಿ ‘ಅಗಸೆ ಬೀಜ! ಯಾಕೆ ಗೊತ್ತಾ?
ಭಾರತದ ಗೋಮಯವನ್ನು ಅರಬ್ ದೇಶಗಳು ಹೇಗೆ ಉಪಯೋಗಿಸ್ತಾ ಇವೆ, ಎಷ್ಟು ಬೆಲೆ ಕೊಟ್ಟು ಕೊಳ್ಳುತ್ತಾರೆ ಅಂತಾ ನೋಡೋಣ.
ಸಗಣಿಗೆ ಗಲ್ಫ್ ರಾಷ್ಟ್ರಗಳಲ್ಲಿ ಬಹಳ ಬೇಡಿಕೆ ಇದೆ. ಗಲ್ಫ್ ರಾಷ್ಟ್ರಗಳು ಭಾರತದಿಂದ ಹಸುವಿನ ಸಗಣಿಯನ್ನು ದೊಡ್ಡ ಪ್ರಮಾಣದಲ್ಲಿ ಆಮದು ಮಾಡಿಕೊಳ್ಳುತ್ತವೆ. ಮಾಧ್ಯಮ ವರದಿಗಳ ಪ್ರಕಾರ, ಕುವೈತ್ ಇತ್ತೀಚೆಗೆ ಭಾರತದಿಂದ 192 ಮೆಟ್ರಿಕ್ ಟನ್ ಹಸುವಿನ ಸಗಣಿ ಆಮದು ಮಾಡಿಕೊಂಡಿದೆಯಂತೆ.
ಇತರ ಗಲ್ಫ್ ದೇಶಗಳನ್ನು ಒಳಗೊಂಡಂತೆ ಭವಿಷ್ಯದಲ್ಲಿ ಹಸುವಿನ ಸಗಣಿ ಬೇಡಿಕೆಯು ಮತ್ತಷ್ಟು ಹೆಚ್ಚಾಗುವುದರಿಂದ ಇದು ಭಾರತಕ್ಕೆ ಉತ್ತಮ ಆದಾಯದ ಮೂಲವಾಗಿದೆ. ದೇಶದ ರೈತರು ಮಾತ್ರವಲ್ಲದೆ ಭಾರತದ ಆರ್ಥಿಕತೆಗೂ ದೊಡ್ಡ ಪ್ರಮಾಣದ ಲಾಭವಾಗಲಿದೆ ಎಂದು ಅಂದಾಜಿಸಲಾಗಿದೆ.
ಇದರಿಂದ ಅವರಿಗೆ ಪ್ರಯೋಜನವೇನು ಅಂತ ಅನೇಕರು ಅಚ್ಚರಿ ಪಡುತಾರೆ.. ಕಚ್ಚಾ ತೈಲದ ಹಣವು ಹೆಚ್ಚಿನ ಗಲ್ಫ್ ರಾಷ್ಟ್ರಗಳಿಗೆ ಮುಖ್ಯ ಆದಾಯದ ಮೂಲವಾಗಿದೆ. ಹಾಗಾದರೆ ಅವರು ಏಕೆ ಹೆಚ್ಚು ಸಗಣಿ ಖರೀದಿಸುತ್ತಿದ್ದಾರೆ.. ಭಾರತದಿಂದ ಇಷ್ಟೊಂದು ಸಗಣಿ ಖರೀದಿಸಲು ಕಾರಣವೇನು? ಬನ್ನಿ ತಿಳಿಯೋಣ..
ಈ ಸಗಣಿಯನ್ನು ಆಮದು ಮಾಡಿ ಒಣಗಿಸಿ ಪುಡಿಮಾಡಿ ತಾಳೆ ಮರಗಳಿಗೆ ಗೊಬ್ಬರವಾಗಿ ಬಳಸುತ್ತಾರೆ.. ಅವರು ಕೃಷಿಯಲ್ಲಿ ಹಸುವಿನ ಸಗಣಿಯ ನಿರ್ದಿಷ್ಟ ಉಪಯೋಗಗಳ ಬಗ್ಗೆ ಸಂಶೋಧನೆಗಳನ್ನೂ ಸಹ ನಡೆಸಿದ್ದಾರೆ.. ಗಲ್ಫ್ ರಾಷ್ಟ್ರಗಳಲ್ಲಿ ತಾಳೆ ಎಣ್ಣೆಯ ಇಳುವರಿಯನ್ನು ಹೆಚ್ಚಿಸಲು ಇಂತಹ ಕ್ರಮ ಕೈಗೊಳ್ಳಲಾಗುತ್ತಿದೆ.
ಮುಖ್ಯ ಕೃಷಿ ಉತ್ಪನ್ನವಾದ ತಾಳೆ ಮರಗಳಿಗೆ ಭಾರತೀಯ ಸಗಣಿ ಅವಲಂಬಿಸಿದ್ದಾರೆ. ಖರ್ಜೂರದ ಬೆಳೆಗಳ ಬೆಳವಣಿಗೆಗೆ ಹಸುವಿನ ಸಗಣಿ ಅತ್ಯಂತ ಪ್ರಯೋಜನಕಾರಿ ಪೋಷಕಾಂಶಗಳಲ್ಲಿ ಒಂದಾಗಿದೆ ಎಂದು ಅವರು ಕಂಡುಕೊಂಡಿದ್ದಾರೆ. ತಾಳೆಗೆ ಸಗಣಿ ಹಾಕಿದಾಗ ಅದರ ಹಣ್ಣುಗಳು ಗಾತ್ರದಲ್ಲಿ ಹೆಚ್ಚಾಗುತ್ತದೆ ಮತ್ತು ಉತ್ಪಾದನೆಯು ಸಾಮಾನ್ಯಕ್ಕಿಂತ ಇಳುವರಿಯನ್ನು ಹೆಚ್ಚಿಸುತ್ತದೆ ಎಂದು ಅವರು ಹೇಳುತ್ತಾರೆ. ಹೀಗಾಗಿ ಕುವೈತ್ ಸೇರಿದಂತೆ ಇತರೆ ಅರಬ್ ರಾಷ್ಟ್ರಗಳಲ್ಲಿ ಸಗಣಿ ಬೇಡಿಕೆ ಹೆಚ್ಚಾಗಿದೆ.
ಭಾರತದಲ್ಲಿ ಪ್ರತಿದಿನ ಸುಮಾರು 300 ಮಿಲಿಯನ್ ಜಾನುವಾರುಗಳಿಂದ 30 ಮಿಲಿಯನ್ ಟನ್ ಸಗಣಿ ಉತ್ಪಾದನೆಯಾಗುತ್ತದೆ ಎಂದು ಅಂದಾಜಿಸಲಾಗಿದೆ. ಭಾರತದಲ್ಲಿ, ಹಸುವಿನ ಸಗಣಿಯನ್ನು ಪ್ರಾಥಮಿಕವಾಗಿ ಒಣಗಿಸಲು ಮತ್ತು ಇಂಧನವನ್ನು ತಯಾರಿಸಲು ಬಳಸಲಾಗುತ್ತದೆ. ಆದಾಗ್ಯೂ, ಚೀನಾ ಮತ್ತು ಯುಕೆ ದೇಶಗಳಲ್ಲಿ, ಸಗಣಿಯಿಂದ ವಿದ್ಯುತ್ ಉತ್ಪಾದಿಸಲು ಮತ್ತು ಜೈವಿಕ ಅನಿಲವನ್ನು ಉತ್ಪಾದಿಸಲು ಬಳಸಲಾಗುತ್ತದೆ. ಇದನ್ನು ಕೃಷಿಯಲ್ಲಿ ಗೊಬ್ಬರ ಮತ್ತು ಸಾವಯವ ಗೊಬ್ಬರವಾಗಿ ವ್ಯಾಪಕವಾಗಿ ಬಳಸಲಾಗುತ್ತದೆ.
ಸದ್ಯ ಒಂದು ಕೆಜಿ ಹಸುವಿನ ಸಗಣಿ ಬೆಲೆ 30ರಿಂದ 50 ರೂ. ಕೊಲ್ಲಿ ರಾಷ್ಟ್ರಗಳಿಂದ ಬೇಡಿಕೆ ಹೆಚ್ಚುತ್ತಿರುವ ಕಾರಣ ಬೆಲೆ ಮತ್ತಷ್ಟು ಹೆಚ್ಚಾಗುವ ಸಾಧ್ಯತೆ ಇದೆ.
