ಡ್ರೈ ಫ್ರೂಟ್ಸ್ ಎಂದಿಗೂ ತಮ್ಮ ಸ್ಟೇಟಸ್ ಮೈನ್ಟೈನ್ ಮಾಡಿಕೊಳ್ಳುವಲ್ಲಿ ಹಿಂದೇಟು ಹಾಕುವುದಿಲ್ಲ. ಕೊಡುವ ಆರೋಗ್ಯ ಪ್ರಯೋಜನಗಳಲ್ಲೂ ಮತ್ತು ರೇಟ್ ನಲ್ಲೂ ಯಾವಾಗಲೂ ಮೇಲುಗೈ ಸಾಧಿಸುತ್ತವೆ. ಇವುಗಳಲ್ಲಿ ಖರ್ಜೂರ ಕೂಡ ಒಂದು. ಮಾರುಕಟ್ಟೆಯಲ್ಲಿ ಒಣ ಖರ್ಜೂರ ಮತ್ತು ಹಸಿ ಖರ್ಜೂರ ಕೊಳ್ಳಲು ಸಿಗುತ್ತದೆ. ಒಣಗಿದ ಖರ್ಜೂರಗಳು ತಾಜಾ ಖರ್ಜೂರಗಳಿಗಿಂತ ಹೆಚ್ಚು ಆರೋಗ್ಯವೆಂದು ನಿಮಗೆ ತಿಳಿದಿದೆಯೆ? ಅಲ್ಲದೆ ಅವುಗಳ ಪೌಷ್ಟಿಕ ದಟ್ಟವಾದ ಸಂಯೋಜನೆ ಪರಿಪೂರ್ಣ ರೋಗನಿರೋಧಕ ಶಕ್ತಿಯನ್ನು ಹೆಚ್ಚು ಮಾಡುತ್ತದೆ.
ಒಣಗಿದ ಹಣ್ಣುಗಳು ಆರೋಗ್ಯಕ್ಕೆ ಎಷ್ಟು ಉತ್ತಮ?
ಒಣಗಿದ ಖರ್ಜೂರಗಳು ಮೂಲತಃ ಸೂರ್ಯನ ಕಿರಣಗಳಿಂದ ಒಣಗಿದ ಮತ್ತು ತೇವಾಂಶವಿಲ್ಲದ ಖರ್ಜೂರಗಳಾಗಿವೆ. ಇವುಗಳಲ್ಲಿ ಅಪಾರ ಪ್ರಮಾಣದ ಪೋಷಕಾಂಶಗಳು ತುಂಬಿರುತ್ತದೆ. ಫೈಬರ್, ವಿಟಮಿನ್ ಮತ್ತು ಖನಿಜಗಳಾದ ಕಬ್ಬಿಣ, ಪೊಟ್ಯಾಶಿಯಂ, ಮ್ಯಾಂಗನೀಸ್ ಮತ್ತು ಕ್ಯಾಲ್ಸಿಯಂನ ಉತ್ತಮ ಗುಣಗಳಿಂದ ತುಂಬಿರುತ್ತದೆ. ಕ್ಯಾಲ್ಸಿಯಂ ಮತ್ತು ವಿಟಮಿನ್ ಸಿ ನ ಇರುವಿಕೆಯೂ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಮೂಳೆ ಮತ್ತು ಹಲ್ಲಿನ ಆರೋಗ್ಯವನ್ನು ಬಲಪಡಿಸುತ್ತದೆ. ಕಾಲೋಚಿತ ಜ್ವರ ಮತ್ತು ಸೋಂಕುಗಳ ವಿರುದ್ಧ ಪ್ರತಿರೋಧವನ್ನು ನಿರ್ಮಿಸುತ್ತದೆ.
ಹೃದಯದ ಆರೋಗ್ಯಕ್ಕೆ ಒಳ್ಳೆಯದು
ಒಣಗಿದ ಖರ್ಜೂರಗಳು ಸ್ವಾಭಾವಿಕವಾಗಿ ಹೃದಯದ ಆರೋಗ್ಯವನ್ನು ಸುಧಾರಿಸುತ್ತದೆ. ಕಡಿಮೆ ಕೊಬ್ಬಿನ ಉಪಸ್ಥಿತಿಯಿಂದಾಗಿ, ಈ ಖರ್ಜೂರಗಳು ನಮ್ಮ ರಕ್ತಪ್ರವಾಹದಲ್ಲಿ ಕಡಿಮೆ ಸಾಂದ್ರತೆಯ ಲಿಪಾಪ್ರೋಟೀನ್ ಅಥವಾ ಕೆಟ್ಟ ಕೊಲೆಸ್ಟ್ರಾಲ್ ಅನ್ನು ನಿರ್ವಹಿಸಲು ಸಹಾಯ ಮಾಡುತ್ತದೆ. ಈ ರೀತಿಯ ಒಣಗಿದ ಖರ್ಜೂರಗಳಲ್ಲಿ ಕಡಿಮೆ ಸೋಡಿಯಂ ಮತ್ತು ಹೆಚ್ಚಿನ ಪೊಟ್ಯಾಶಿಯಂ ಸಮೃದ್ಧವಾಗಿರುತ್ತದೆ. ಇದು ರಕ್ತದೊತ್ತಡವನ್ನು ನಿಯಂತ್ರಣದಲ್ಲಿಡಲು ಸಹಾಯ ಮಾಡುತ್ತದೆ. ಪಾರ್ಶ್ವವಾಯುವಿನ ಅಪಾಯವನ್ನು ಇದು ಕಡಿಮೆ ಮಾಡುತ್ತದೆ.
ಚಯಪಚಯ ಕ್ರಿಯೆಯನ್ನು ಸುಧಾರಿಸುತ್ತದೆ
ಒಣಗಿದ ಖರ್ಜೂರಗಳು ಸಾಕಷ್ಟು ಉತ್ಕರ್ಷಣ ನಿರೋಧಕಗಳನ್ನು ಹೊಂದಿರುತ್ತದೆ. ಇದು ಜೀರ್ಣಾಂಗ ವ್ಯವಸ್ಥೆಯನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ಇದರ ಜೊತೆಗೆ ಚಯಾಪಚಯ ಕ್ರಿಯೆಯನ್ನು ಸಹ ಉತ್ತೇಜಿಸುತ್ತದೆ. ಈ ಒಣಗಿದ ಹಣ್ಣುಗಳಲ್ಲಿ ಆರೋಗ್ಯಕರ ಕರಗಬಲ್ಲ ಮತ್ತು ಕರಗದ ನಾರುಗಳಿಂದ ತುಂಬಿದೆ. ಈ ನಾರುಗಳು ಕರುಳಿನ ಚಲನೆಯನ್ನು ಸುಧಾರಿಸಲು ಮತ್ತು ಮಲಬದ್ಧತೆಯನ್ನು ನಿವಾರಿಸಲು ಉತ್ತಮವಾಗಿದೆ.
ಇದರ ಜೊತೆಗೆ ಒಣಗಿದ ಹಣ್ಣುಗಳನ್ನು ದೈನಂದಿನ ಆಹಾರ ಸೇವನೆಯ ಪ್ರಮುಖ ಆಹಾರವನ್ನಾಗಿ ಸೇವಿಸಿದರೆ ಆಹಾರವನ್ನು ಉತ್ತಮವಾಗಿ ಹಿರಿಕೊಳ್ಳಲು ಸಹಾಯ ಮಾಡುತ್ತದೆ. ಆದರೆ ಉತ್ತಮವೆಂದು ಯಾವುದನ್ನೇ ಆಗಲಿ ಅತಿಯಾಗಿ ಸೇವಿಸುವುದು ಉತ್ತಮವಲ್ಲ. ಇವುಗಳ ಅತಿಯಾದ ಸೇವನೆಯು ಆರೋಗ್ಯಕ್ಕೆ ಒಳ್ಳೆಯದಲ್ಲ, ಏಕೆಂದರೆ ಅವು ಕ್ಯಾಲೋರಿಗಳನ್ನು ಸಮೃದ್ಧವಾಗಿ ಹೊಂದಿರುತ್ತವೆ.
ಕರುಳಿನ ಆರೋಗ್ಯ
ಒಣಗಿದ ಖರ್ಜೂರಗಳು ಕರುಳಿನ ಆರೋಗ್ಯವನ್ನು ಸುಧಾರಿಸುತ್ತದೆ. ಒಣಗಿದ ಖರ್ಜೂರ ಗಳಲ್ಲಿ ಆರೋಗ್ಯಕರವಾದ ನಾರುಗಳಿವೆ. ಈ ನೈಸರ್ಗಿಕವಾದ ನಾರುಗಳು ಉತ್ತಮವಾದ ನೈಸರ್ಗಿಕ ವಿರೇಚಕ ಗುಣಗಳನ್ನು ಹೊಂದಿರುತ್ತದೆ. ಇದು ಕರುಳಿನ ಚಲನೆ ಮತ್ತು ಮಲಬದ್ಧತೆಯನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ವಾಸ್ತವವಾಗಿ ಹೇಳುವುದಾದರೆ, ಒಣಗಿದ ಖರ್ಜೂರಗಳು ಜೀರ್ಣಕಾರಿ ಸ್ರವಿಸುವಿಕೆಗೆ ಸಹಾಯ ಮಾಡುತ್ತದೆ. ಇದು ಜೀರ್ಣಕ್ರಿಯೆ ಮತ್ತು ಕರುಳಿನ ಆರೋಗ್ಯವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ.
ಮೂಳೆ ಆರೋಗ್ಯಕ್ಕೆ ಅದ್ಭುತವಾಗಿದೆ
ಒಣಗಿದ ಖರ್ಜೂರದ ಹಣ್ಣುಗಳು ಕ್ಯಾಲ್ಸಿಯಂ ಉತ್ತಮ ಮೂಲವಾಗಿದೆ. ಇದು ಮೂಳೆಯ ಆರೋಗ್ಯ, ಹಲ್ಲಿನ ಆರೋಗ್ಯವನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ.ನಿಮ್ಮ ದೈನಂದಿನ ಆಹಾರ ಕ್ರಮದಲ್ಲಿ ಇವುಗಳನ್ನು ಸೇರಿಸುವುದರಿಂದ ನಿಮ್ಮ ಮೂಳೆಯ ಆರೋಗ್ಯವನ್ನು ಸುಧಾರಿಸಬಹುದು. ಆಸ್ಟಿಯೋಪೊರೊಸಿಸ್ ಮತ್ತು ಸಂಧಿವಾತದ ಸಮಸ್ಯೆಗಳನ್ನು ಸಹ ಇದು ಕಡಿಮೆ ಮಾಡುತ್ತದೆ. ಬೆಳೆಯುತ್ತಿರುವ ವಯಸ್ಸಿನಲ್ಲಿ ಮಕ್ಕಳ ಮೂಳೆ ಬೆಳವಣಿಗೆಗೂ ಇದು ಉತ್ತಮವಾಗಿದೆ.ಒಟ್ಟಾರೆಯಾಗಿ ಒಣಗಿದ ಖರ್ಜೂರಗಳನ್ನು ಯಾವ ವಯಸ್ಸಿನವರಾದರೂ ಅವಶ್ಯಕತೆ ಎಷ್ಟಿದೆಯೋ ಅಷ್ಟು ಸೇವಿಸಿದರೆ ಅದರಿಂದ ಉತ್ತಮವಾದ ಲಾಭಗಳು ದೊರೆಯುತ್ತವೆ.
ಒಣಗಿದ ಖರ್ಜೂರಗಳನ್ನು ತಿನ್ನುವುದರಿಂದ ಆಗುವ ಆರೋಗ್ಯ ಪ್ರಯೋಜನಗಳು
ಒಣಗಿದ ಖರ್ಜೂರಗಳಲ್ಲಿ ಗ್ಲೂಕೋಸ್ ಮತ್ತು ಫ್ರಕ್ಟೋಸ್ ನಂತಹ ನೈಸರ್ಗಿಕ ಸಕ್ಕರೆಯು ಸಮೃದ್ಧವಾಗಿವೆ. ಇದು ಶಕ್ತಿಯ ಮಟ್ಟವನ್ನು ತ್ವರಿತವಾಗಿ ಹೆಚ್ಚಿಸಲು ಸಹಾಯ ಮಾಡುತ್ತದೆ. ಒಣಗಿದ ಖರ್ಜೂರಗಳನ್ನು ಸೇವಿಸುವುದರಿಂದ ನಿಮ್ಮ ದೇಹಕ್ಕೆ ಅಗತ್ಯವಿರುವ ಪೋಷಕಾಂಶಗಳ ಪ್ರಮಾಣವನ್ನು ಇದು ನೀಡುತ್ತದೆ. ಅದಲ್ಲದೆ ಬೆಳವಣಿಗೆಯ ಹಂತದಲ್ಲಿರುವ ಮಕ್ಕಳಿಗೆ ಇದು ತುಂಬಾ ಒಳ್ಳೆಯದು.
ಆದರೆ ಇಷ್ಟೆಲ್ಲಾ ಉತ್ತಮ ಪ್ರಯೋಜನಗಳನ್ನು ಹೊಂದಿರುವ ಒಣ ಖರ್ಜೂರವನ್ನು ಮಧುಮೇಹದವರು ,ನಿಮ್ಮ ಆಹಾರದಲ್ಲಿ ಸೇರಿಸುವ ಮೊದಲು ವೈದ್ಯರಿಂದ ಸಲಹೆಯನ್ನು ಪಡೆದುಕೊಂಡು ಅನಂತರದಲ್ಲಿ ಸೇರಿಸಿ. ಏಕೆಂದರೆ ಮಧುಮೇಹ ಹೊಂದಿರುವವರಿಗೆ ಸಕ್ಕರೆಯು ಉತ್ತಮವಲ್ಲ. ನಿಮ್ಮ ವೈದ್ಯರನ್ನು ಭೇಟಿ ಮಾಡಿ ಅವರ ಸಲಹೆ ಮೇರೆಗೆ ನೀವು ಇದನ್ನು ಸೇವಿಸಬಹುದು. ಯಾವುದನ್ನೇ ಆಗಲಿ ಸ್ವತಹವಾಗಿ ತೀರ್ಮಾನ ತೆಗೆದುಕೊಳ್ಳದೆ ವೈದ್ಯರನ್ನು ಸಂಪರ್ಕಿಸಿ ಅನಂತರದಲ್ಲಿ ಮಾಡಿರಿ.
ಇಷ್ಟೆಲ್ಲಾ ಉತ್ತಮವಾದ ಆರೋಗ್ಯ ಪ್ರಯೋಜನಗಳನ್ನು ಹೊಂದಿರುವ ಒಣ ಖರ್ಜೂರಗಳನ್ನು ಕೆಲವರು ತಿನ್ನಲು ಇಷ್ಟಪಡುವುದಿಲ್ಲ. ಕಾರಣ ಅದು ಒಣಗಿದೆ ಅಥವಾ ಗಟ್ಟಿಯಾಗಿದೆ ಎಂಬುದು ಇರಬಹುದು. ಆದರೆ ಈ ಹಣ್ಣುಗಳನ್ನು ಸೂರ್ಯನ ಕಿರಣಗಳಿಂದ ನೈಸರ್ಗಿಕವಾಗಿ ಒಣಗಿಸಿರುವ ಕಾರಣ ಇದು ದೇಹಕ್ಕೆ ಉತ್ತಮವಾದ ಅಂಶಗಳನ್ನು ನಿಮಗೆ ನೀಡುತ್ತದೆ.
