ಚಾಮರಾಜನಗರ:- ದೇವಸ್ಥಾನದಲ್ಲಿ ಪೂಜೆ ಮುಗಿಸಿ ವಾಪಸ್ಸು ಗ್ರಾಮಕ್ಕೆ ಹಿಂತಿರುಗುತ್ತಿದ್ದ ಭಕ್ತರಿದ್ದ ಗೂಡ್ಸ್ ಆಟೋವೊಂದು
ಪಲ್ಟಿ ಹೊಡೆದು 30 ಮಂದಿ ಗಾಯ ಗೊಂಡಿರುವ ಘಟನೆ ಚಾಮರಾಜನಗರ ಜಿಲ್ಲೆಯ ಹನೂರು ತಾಲ್ಲೂಕಿನ ಹುಣಸೆಪಾಳ್ಯದ ಬಳಿ ನಡೆದಿದೆ.
Accident: ರಸ್ತೆ ಡಿವೈಡರ್ ಮೇಲೆ ನಿಂತಿದ್ದವರಿಗೆ ಕಾರು ಡಿಕ್ಕಿ- ಇಬ್ಬರು Spot Death!
ಚಾಮರಾಜನಗರ ಜಿಲ್ಲೆಯ ಹನೂರು ತಾಲ್ಲೂಕಿನ ವಿ.ಎಸ್ ದೊಡ್ಡಿ, ಒಡೆಯರಪಾಳ್ಯ , ಕರಿಯಪ್ಪನದೊಡ್ಡಿ ಗ್ರಾಮಸ್ಥರು ಹುಣಸೆಪಾಳ್ಯದ ಸಮೀಪದ ತಟ್ಟೆಕರೆ ಮಹದೇಶ್ವರ ದೇವಾಲಯಕ್ಕೆ ತೆರಳಿ ಅಮವಾಸೆ ಪೂಜೆ ಸಲ್ಲಿಸಿ ಗ್ರಾಮಕ್ಕೆ ಹಿಂತಿರುಗುವಾಗ ವಾಹನ ಪಲ್ಟಿಯಾಗಿದ್ದು, ಮೂವತ್ತು ಮಂದಿಗೆ ಪೆಟ್ಟಾಗಿದೆ.
ಗಾಯಗೊಂಡವರನ್ನು ಕೊಳ್ಳೇಗಾಲ ಮತ್ತು ಚಾಮರಾಜನಗರ ಸಿಮ್ಸ್ ಆಸ್ಪತ್ರೆಗೆ ದಾಖಲು ಮಾಡಲಾಗಿದ್ದು, ಅಲ್ಲದೆ ವಾಹನ ಚಾಲಕ ನಾಗೇಂದ್ರಗೂ ಕೂಡ ಪೆಟ್ಟಾಗಿದೆ. ಸ್ಥಳೀಯ ಗ್ರಾಮಸ್ಥರ ನೆರವಿನಿಂದ ಗಾಯಾಳುಗಳನ್ನು ಆಸ್ಪತ್ರೆಗೆ ಸಾಗಿಸಲಾಯಿತು.
