ಬಾಲಿವುಡ್ ನಟ ಅರ್ಜುನ್ ಕಪೂರ್ ಸಿನಿಮಾಗಳಿಗಿಂತ ಹೆಚ್ಚಾಗಿ ಫರ್ಸನಲ್ ಲೈಫ್ ಕಾರಣದಿಂದಲೇ ಆಗಾಗ ಸುದ್ದಿಯಾಗುತ್ತಿರುತ್ತಾರೆ. ಇತ್ತೀಚೆಗೆ ಅರ್ಜುನ್ ಕಪೂರ್ ಮಲೈಕಾರಿಂದ ದೂರವಾಗಿದ್ದು ಸದ್ಯ ಸಿಂಗಲ್ ಆಗಿದ್ದಾರೆ. ತಮಗಿಂತ ವಯಸ್ಸಿನಲ್ಲಿ ಬಹಳ ಹಿರಿಯರಾಗಿದ್ದ ಮಲೈಕಾ ಅರೋರಾ ಜೊತೆಗೆ ಸುಮಾರು ಎಂಟು ವರ್ಷಗಳ ಕಾಲ ಲಿವಿನ್ ರಿಲೇಶನ್ಷಿಪ್ನಲ್ಲಿದ್ದ ಅರ್ಜುನ್ ಕಪೂರ್ ಅಪರೂಪದ ಕಾಯಿಲೆಯಿಂದ ಬಳಲುತ್ತಿದ್ದಾರೆ.
ಅವಕಾಶ ಕೊರತೆ ಎದುರಿಸುತ್ತಿರುವ ಅರ್ಜುನ್ ಕಪೂರ್ ಇತ್ತೀಚೆಗೆ ವಿಲನ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಅಜಯ್ ದೇವಗನ್ ನಾಯಕನಾಗಿ ನಟಿಸಿ ಹಲವು ದೊಡ್ಡ ಸ್ಟಾರ್ ನಟರು ಅತಿಥಿ ಪಾತ್ರಗಳಲ್ಲಿ ನಟಿಸಿರುವ ‘ಸಿಂಗಂ ಅಗೇನ್’ ಸಿನಿಮಾದಲ್ಲಿ ಅರ್ಜುನ್ ಕಪೂರ್ ವಿಲನ್ ಪಾತ್ರದಲ್ಲಿ ನಟಿಸಿದ್ದಾರೆ. ಸಿನಿಮಾ ಬಿಡುಗಡೆ ಬಳಿಕ ಯೂಟ್ಯೂಬ್ ಪಾಡ್ಕಾಸ್ಟ್ ಒಂದರಲ್ಲಿ ಮಾತನಾಡಿರುವ ಅರ್ಜುನ್ ಕಪೂರ್, ತಾವು ಅಪರೂಪದ ಆರೋಗ್ಯ ಸಮಸ್ಯೆಯಿಂದ ಬಳಲುತ್ತಿರುವುದಾಗಿ ಹೇಳಿಕೊಂಡಿದ್ದಾರೆ. ಅಲ್ಲದೆ ತಾವು ಖಿನ್ನತೆಗೆ ಗುರಿಯಾಗಿದ್ದಾಗಿಯೂ ಅರ್ಜುನ್ ಕಪೂರ್ ಹೇಳಿದ್ದಾರೆ.
ಅರ್ಜುನ್ ಕಪೂರ್, ತಾವು ಹಷಿಮೋಟೋ ಆರೋಗ್ಯ ಸಮಸ್ಯೆಯಿಂದ ಬಳಲುತ್ತಿರುವುದಾಗಿ ಹೇಳಿಕೊಂಡಿದ್ದಾರೆ. ಈ ಸಮಸ್ಯೆ ಇರುವ ವ್ಯಕ್ತಿಯ ರೋಗನಿರೋಧಕ ಕಣಗಳು, ದೇಹದ ಕೆಲ ಭಾಗಗಳನ್ನು ಹಾನಿ ಮಾಡುತ್ತವೆ. ಅರ್ಜುನ್ ಕಪೂರ್ಗೆ ಇರುವ ಸಮಸ್ಯೆಯಿಂದ ಅವರೊಳಿಗೆ ರೋಗನಿರೋಧಕ ಶಕ್ತಿ, ಅವರ ಥೈರಾಯ್ಡ್ ಗೆ ಹಾನಿ ಮಾಡುತ್ತಿತ್ತಂತೆ. ಇದು ಮಾತ್ರವೇ ಅಲ್ಲದೆ ಅವರು ಸಮಂತಾ ಬಳಲುತ್ತಿದ್ದ ಆಟೋಇಮ್ಯೂನ್ ಸಮಸ್ಯೆಯಿಂದ ಬಳಲುತ್ತಿದ್ದಾರಂತೆ. ಈ ಎರಡೂ ಕಾಯಿಲೆಗಳಿಗೆ ಚಿಕಿತ್ಸೆ ಸಹ ಪಡೆಯುತ್ತಿದ್ದಾರೆ.
ಇದು ಮಾತ್ರವೇ ಅಲ್ಲದೆ ಕಳೆದ ವರ್ಷ ಖಿನ್ನತೆಗೆ ಸಹ ಗುರಿಯಾಗಿದ್ದರಂತೆ ಅರ್ಜುನ್ ಕಪೂರ್, ನನಗೆ ಅವಕಾಶಗಳು ಸಿಗುತ್ತಿರಲಿಲ್ಲ, ನನ್ನ ಸಿನಿಮಾಗಳು ಬಾಕ್ಸ್ ಆಫೀಸ್ನಲ್ಲಿ ಕೆಟ್ಟದಾಗಿ ಪ್ರದರ್ಶನ ಕಾಣುತ್ತಿದ್ದವು. ಬೇರೆಯವರ ಸಿನಿಮಾ ನೋಡಿ ನನಗೆ ಹೀಗೆ ಮಾಡಲು ಸಾಧ್ಯವೇ ಇಲ್ಲ ಅನಿಸಲು ಪ್ರಾರಂಭವಾಯ್ತು. ನನಗೆ ಸಿನಿಮಾಗಳೆಂದರೆ ಪಂಚ ಪ್ರಾಣ, ಆದರೆ ಸಿನಿಮಾ ನೋಡುವುದನ್ನೇ ನಾನು ಬಿಟ್ಟುಬಿಟ್ಟಿದ್ದೆ. ಹಲವು ಥೆರಪಿಸ್ಟ್ಗಳನ್ನು ಭೇಟಿ ಮಾಡಿದೆ ಆದರೆ ಅವರಿಂದ ಉಪಯೋಗ ಆಗಲಿಲ್ಲ, ಕೊನೆಗೆ ಒಬ್ಬ ವೈದ್ಯರು ಸಿಕ್ಕರು, ಅವರಿಂದ ನನ್ನ ಖಿನ್ನತೆ ಸರಿಹೋಯ್ತು ಎಂದಿದ್ದಾರೆ ಅರ್ಜುನ್ ಕಪೂರ್.
ಅರ್ಜುನ್ ಕಪೂರ್ ಹಾಗೂ ಮಲೈಕಾ ಅರೋರಾ ಕಳೆದ ಎಂಟು ವರ್ಷದಿಂದಲೂ ಲಿವಿನ್ ರಿಲೇಷನ್ಶಿಪ್ನಲ್ಲಿದ್ದರು. ಇದೀಗ ಇಬ್ಬರು ದೂರದೂರವಾಗಿದ್ದು ಸಿಂಗಲ್ ಆಗಿದ್ದಾರೆ.
