ಈಜಿಪ್ಟ್ ನಗರ ಮರ್ಸ ಅಲಾಮ್ ಬಳಿ ಕೆಂಪು ಸಮುದ್ರದ ಕರಾವಳಿಯಲ್ಲಿ 31 ಪ್ರವಾಸಿಗರಿದ್ದ ದೋಣಿಯೊಂದು ಮುಳುಗಿದ್ದು 16 ಪ್ರವಾಸಿಗರನ್ನು ರಕ್ಷಿಸಿರುವುದಾಗಿ ಈಜಿಪ್ಟ್ ಅಧಿಕಾರಿಗಳು ತಿಳಿಸಿದ್ದಾರೆ.
ದೋಣಿಯಲ್ಲಿ 31 ಪ್ರವಾಸಿಗರು, 14 ಸಿಬ್ಬಂದಿಗಳ ಸಹಿತ 45 ಮಂದಿಯಿದ್ದು ಉಳಿದ 29 ಮಂದಿಯ ಶೋಧ ಕಾರ್ಯಕ್ಕೆ ಹೆಲಿಕಾಪ್ಟರ್ ಬಳಸಲಾಗಿದೆ. ಈಜಿಪ್ಟ್ನ ಸೇನೆ ಮತ್ತು ನೌಕಾಪಡೆಯೂ ರಕ್ಷಣಾ ಕಾರ್ಯಾಚರಣೆಗೆ ಕೈಜೋಡಿಸಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
