ಬಿಗ್ ಬಾಸ್ ಕನ್ನಡ ಸೀಸನ್ 11’ ಶೋಗೆ ವೈಲ್ಡ್ ಕಾರ್ಡ್ ಮೂಲಕ ಬಂದಿರುವ ನಟಿ ಶೋಭಾ ಶೆಟ್ಟಿ ಅವರಿಗೆ ಆಘಾತವಾಗಿದೆ.
ರಜತ್ ಮತ್ತು ಶೋಭಾ ಶೆಟ್ಟಿ ಅವರು ಈಗ ‘ಬಿಗ್ ಬಾಸ್ ಕನ್ನಡ ಸೀಸನ್ 11’ ಶೋಗೆ ಬಂದಿದ್ದಾರೆ. ದೊಡ್ಮನೆಗೆ ಬರುವಾಗ ಶೋಭಾ ಶೆಟ್ಟಿ ಅವರು ಭಾರಿ ಮಾತುಗಳನ್ನು ಆಡಿದ್ದರು. ಜೋರು ಧ್ವನಿಯಲ್ಲಿ ಕಿರುಚಾಡುತ್ತಾ ಎಲ್ಲರಿಗೂ ನಡುಕ ಹುಟ್ಟಿಸಲು ಪ್ರಯತ್ನಿಸಿದ್ದರು. ಆದರೆ ಆಟದಲ್ಲಿ ಅವರಿಗೆ ಹಿನ್ನಡೆ ಆಗಿದೆ. ತಮಗೆ ಸಿಕ್ಕ ಮೊದಲ ಆಟದಲ್ಲಿ ಅವರು ಸೋಲು ಕಂಡಿದ್ದಾರೆ.
Champions Trophy 2025: ಟೀಮ್ ಇಂಡಿಯಾ ಪಂದ್ಯಗಳಿಗೆ ದಿನಾಂಕ ನಿಗದಿ, ಮೊದಲ ಎದುರಾಳಿ ಯಾರು!?
ಎರಡು ತಂಡಗಳಾಗಿ ಈ ಆಟ ಆಡಬೇಕಿತ್ತು. ಈ ಟಾಸ್ಕ್ನಲ್ಲಿ ಒಂದು ತಂಡವನ್ನು ಭವ್ಯಾ ಮುನ್ನಡೆಸಿದರೆ, ಇನ್ನೊಂದು ತಂಡವನ್ನು ಶೋಭಾ ಶೆಟ್ಟಿ ಮುನ್ನಡೆಸಿದರು. ಆಟದ ಮಧ್ಯದಲ್ಲಿ ಶೋಭಾ ಶೆಟ್ಟಿ ಅವರು ಎಡವಿ ಬಿದ್ದರು. ಎತ್ತರದಿಂದ ಬಿದ್ದರೂ ಕೂಡ ಅವರು ಆಟ ನಿಲ್ಲಿಸಲಿಲ್ಲ. ದೇವರ ಸ್ಮರಣೆ ಮಾಡುತ್ತಾ ಆಟ ಮುಂದುವರಿಸಿದರು. ಹಾಗಿದ್ದರೂ ಕೂಡ ಅವರಿಗೆ ಗೆಲವು ಸಿಗಲಿಲ್ಲ.
ಅಂತಿಮವಾಗಿ ಭವ್ಯಾ ಅವರ ತಂಡ ಈ ಟಾಸ್ಕ್ನಲ್ಲಿ ಗೆಲುವು ಸಾಧಿಸಿತು. ಶೋಭಾ ಶೆಟ್ಟಿ ಅವರು ಸೋಲು ಕಂಡರು. ಸೋತ ಬಳಿಕ ಶೋಭಾ ಶೆಟ್ಟಿ ಅವರಿಗೆ ಸಿಕ್ಕಾಪಟ್ಟೆ ಬೇಸರ ಆಯಿತು. ಒಬ್ಬರೇ ಕುಳಿತು ಅಳಲು ಆರಂಭಿಸಿದರು. ಆಗ ಉಗ್ರಂ ಮಂಜು ಮುಂತಾದವರು ಬಂದು ಸಮಾಧಾನ ಮಾಡಿದರು. ಜೋರು ಜೋರಾಗಿ ಜಗಳ ಮಾಡುತ್ತಿದ್ದ ಶೋಭಾ ಶೆಟ್ಟಿ ಅವರು ಕೇವಲ ಒಂದು ಟಾಸ್ಕ್ ಸೋತಿದ್ದಕ್ಕೆ ಕಣ್ಣೀರು ಹಾಕಿದಾಗ ಎಲ್ಲರೂ ಅಚ್ಚರಿ ಆಯಿತು.
ಸೋತಿದ್ದಾರೆ ಎಂದಮಾತ್ರಕ್ಕೆ ಶೋಭಾ ಶೆಟ್ಟಿ ಅವರ ಆಟ ಕಳಪೆ ಆಗಿತ್ತು ಎಂದರ್ಥವಲ್ಲ. ಅವರು ಸೋತಿರುವುದು ಸಣ್ಣ ಅಂತರದಲ್ಲಿ. ಆಟದ ನಡುವೆ ಅಡೆತಡೆ ಬಂದರೂ ಕೂಡ ಭವ್ಯಾ ಅವರ ಸರಿಸಮನಾಗಿ ಗೇಮ್ ಫಿನಿಶ್ ಮಾಡಲು ಶೋಭಾ ಶೆಟ್ಟಿ ಪ್ರಯತ್ನಿಸಿದರು. ಅದಕ್ಕಾಗಿ ಎಲ್ಲರೂ ಅವರಿಗೆ ಮೆಚ್ಚುಗೆ ಸೂಚಿಸಿದರು
