ಸಕ್ಕರೆಗಿಂತ ಬೆಲ್ಲ ಆರೋಗ್ಯಕ್ಕೆ ಒಳ್ಳೆಯದು ಎನ್ನುತ್ತಾರೆ ವೈದ್ಯರು. ಆದರೆ ಬೆಲ್ಲದ ಬಗ್ಗೆಯೂ ಶಾಕಿಂಗ್‌ ವಿಚಾರ ಹೊರಬಿದ್ದಿದ್ದು, ಬೆಲ್ಲದಲ್ಲಿಯೂ ಕಲಬೆರಕೆ ವಸ್ತುಗಳು ಬಳಕೆ ಮಾಡುವುತ್ತಿರುವುದು ದೃಢವಾಗಿದೆ. ಇಂತಹ ಬೆಲ್ಲ ಸೇವಿಸುವುದರಿಂದ ಜನರ ಆರೋಗ್ಯ ಹದಗೆಡುವುದು ಗ್ಯಾರಂಟಿ ಎನ್ನಲಾಗುತ್ತಿದೆ.
Karnataka Rain: ಕರ್ನಾಟಕದ ಈ ಜಿಲ್ಲೆಗಳಲ್ಲಿ ನಾಳೆ ಭಾರೀ ಮಳೆ ಸಾಧ್ಯತೆ!
ಜೀರ್ಣಕ್ರಿಯೆಗೆ ಸಹಕಾರಿಯಾಗಿರುವಂತಹ ಬೆಲ್ಲವನ್ನು ಸೇವನೆ ಮಾಡಿದರೆ, ಅದರಲ್ಲಿರುವಂತಹ ಕಬ್ಬಿಣಾಂಶ, ಖನಿಜಾಂಶಗಳೂ ಮತ್ತು ಆ್ಯಂಟಿಆಕ್ಸಿಡೆಂಟ್ ದೇಹಕ್ಕೆ ಸಿಗುವುದು. ಇದು ಹಠಾತ್ ಆಗಿ ರಕ್ತದಲ್ಲಿ ಸಕ್ಕರೆ ಮಟ್ಟದ ಏರಿಕೆ ತಡೆಯುವುದು.
ಆದರೆ ಇಂದಿನ ದಿನಗಳಲ್ಲಿ ಪ್ರತಿಯೊಂದಕ್ಕೂ ಕಲಬೆರಕೆ ಮಾಡುವ ಕಾರಣದಿಂದ ಬೆಲ್ಲ ಕೂಡ ಕಲುಷಿತವಾಗಿದೆ ಎಂದು ಹೇಳಲಾಗಿದೆ.
ಸಾವಯವ ಬೆಲ್ಲವೂ ಸಿಗದೆ, ಅದಕ್ಕೆ ವಾಷಿಂಗ್ ಸೋಡಾ, ಮಟನಿಲ್ ಯಲ್ಲೋ ಬಳಕೆ ಮಾಡುವರು ಎಂದು ಹೇಳಲಾಗಿದೆ. ಅದರಲ್ಲೂ ಬೆಂಗಳೂರಿನಲ್ಲಿ ಇದು ಅತಿಯಾಗಿದೆ. ಹೀಗಾಗಿ ಇಂತಹ ಬೆಲ್ಲವನ್ನು ಸೇವನೆ ಮಾಡಿದರೆ, ಆಗ ಇದರಿಂದ ಕಿಡ್ನಿಗೆ ಹಾನಿಯಾಗುವುದು ಮತ್ತು ದೇಹದಲ್ಲಿ ವಿಷಕಾರಿ ಅಂಶಗಳು ಸೇರಿಕೊಳ್ಳುವುದು.
ನೈಸರ್ಗಿಕವಾಗಿ ಸಿಗಬೇಕಾಗಿರುವಂತಹ ಬೆಲ್ಲಕ್ಕೆ ಕೂಡ ಹಲವಾರು ರೀತಿಯಿಂದ ಕಲಬೆರಕೆ ಮಾಡಿ ಮಾರಲಾಗುತ್ತಿದೆ ಎಂದು ಆಹಾರ ಇಲಾಖೆ ನಡೆಸಿರುವಂತಹ ಪರೀಕ್ಷೆಗಳಿಂದ ತಿಳಿದುಬಂದಿದೆ. ಹೀಗಾಗಿ ಇಂತಹ ಬೆಲ್ಲವನ್ನು ಸೇವನೆ ಮಾಡಿದರೆ, ಆಗ ಇದರಿಂದ ಆರೋಗ್ಯಕ್ಕೆ ಹಾನಿಯಾಗುವ ಸಾಧ್ಯತೆಯೇ ಹೆಚ್ಚು.
ಕೆಲವರು ವಾಷಿಂಗ್ ಸೋಡಾ ಮತ್ತು ಚಾಕ್‌ ನ ಹುಡಿಯನ್ನು ಬಳಕೆ ಮಾಡಿ ಬೆಲ್ಲವನ್ನು ತಯಾರು ಮಾಡುತ್ತಿರುವುದು ಎಫ್ ಡಿಎ ತನಿಖೆಯಿಂದ ತಿಳಿದುಬಂದಿದೆ. ಮೆಟನಿಲ್ ಯಲ್ಲೋವನ್ನು ಬಳಕೆ ಮಾಡಿ, ಬೆಲ್ಲಕ್ಕೆ ಚಿನ್ನದ ಹಳದಿ ಬಣ್ಣವನ್ನು ನೀಡುವರು. ಈ ಕಲಬೆರಕೆಯು ಹಬ್ಬಗಳ ಸಂದರ್ಭ ದಲ್ಲಿ ಹೆಚ್ಚಾಗಿರುವುದು ಎಂದು ಎಫ್ ಡಿಎ ಹೇಳಿದೆ.
ಬೆಂಗಳೂರಿನ ಕೆಲವೊಂದು ಅಂಗಡಿಗಳಲ್ಲಿ ಏಕಬಳಕೆ ಪ್ಲಾಸ್ಟಿಕ್ ನಲ್ಲಿ ಆಹಾರಗಳನ್ನು ಪಾರ್ಸೆಲ್ ಮಾಡಿಕೊಡುತ್ತಿರುವುದು ಪತ್ತೆಯಾಗಿದೆ. ಹೋಲಿಗೆ ತಯಾರಿ, ಮಸಾಲೆ ದೋಸೆ, ದೋಸೆ ಇತ್ಯಾದಿ ಗಳ ಪಾರ್ಸೆಲ್ ಗಳಿಗೆ ಪ್ಲಾಸ್ಟಿಕ್ ಬಳಕೆ ಮಾಡುತ್ತಿರುವುದು ಕಂಡುಬಂದಿದೆ. ಇಂತಹ ಪ್ಲಾಸ್ಟಿಕ್ ನಿಂದ ಹಲವಾರು ಬಗೆಯ ರಾಸಾಯನಿಕ ಬಿಡುಗಡೆಯಾಗಿ, ಅದರಿಂದ ಆಹಾರವು ವಿಷವಾಗುವುದು.
ಸಾಮಾನ್ಯವಾಗಿ ವಾಷಿಂಗ್ ಸೋಡಾವನ್ನು ಕೈಗಾರಿಕೆ ಬಳಕೆ ಮತ್ತು ಶುಚಿತ್ವಕ್ಕೆ ಬಳಕೆ ಮಾಡುವರು. ಇದನ್ನು ಆಹಾರದಲ್ಲಿ ಬಳಕೆ ಮಾಡಿ ಸೇವಿಸಿದರೆ, ಆಗ ಅದರಿಂದ ಆರೋಗ್ಯಕ್ಕೆ ಹಾನಿ ಖಚಿತ. ಇದರಿಂದ ಬಾಯಿಯಲ್ಲಿ ಉರಿ, ವಾಂತಿ, ಅತಿಸಾರ ಮತ್ತು ಜೀರ್ಣಕ್ರಿಯೆ ಸಮಸ್ಯೆಗಳು ಬರಬಹುದು.
ಮಟನಿಲ್ ಯೆಲ್ಲೋ ಆಹಾರಕ್ಕೆ ಬಳಕೆ ಮಾಡುವಂತಹ ಕಾನೂನು ಬಾಹಿರ ಸಿಂಥೆಟಿಕ್ ಆಹಾರದ ಡೈ. ಇದು ಕೂಡ ಹಲವಾರು ಆರೋಗ್ಯ ಸಮಸ್ಯೆಗಳನ್ನು ಉಂಟು ಮಾಡಬಹುದು. ದನ್ನು ಸೇವನೆ ಮಾಡಿದರೆ ಆಗ ಇದರಿಂದ ಕಿಡ್ನಿ ಮತ್ತು ಯಕೃತ್ ನಲ್ಲಿ ವಿಷಕಾರಿ ಅಂಶಗಳೂ ಶೇಖರಣೆ ಆಗಬಹುದು.
ಆಕ್ಸಿಡೇಟಿವ್ ಒತ್ತಡವು ಹೆಚ್ಚಾಗಿ, ಅದರಿಂದ ಪ್ರಮುಖ ಅಂಗಾಂಗಳಲ್ಲಿ ಸಮಸ್ಯೆಯು ಕಾಣಿಸಿಕೊಂಡು, ನರ ವ್ಯವಸ್ಥೆಗೆ ಹಾನಿಯಾಗುವ ಸಾಧ್ಯತೆಯು ಇದೆ.
ಇದರಿಂದ ವಾಕರಿಕೆ, ವಾಂತಿ, ಹೊಟ್ಟೆ ನೋವು, ಅತಿಸಾರ ಕಾಣಿಸಿ ಕೊಳ್ಳಬಹುದು. ಕೆಲವೊಂದು ಸಂದರ್ಭದಲ್ಲಿ ಬೆಲ್ಲ ತಯಾರಿಕೆ ವೇಳೆ ಸರಿಯಾಗಿ ಶುಚಿತ್ವ ಪಾಲಿಸದೆ ಇದ್ದರೆ, ಆಗ ಇದರಿಂದ ಬೆಲ್ಲವು ಕಲುಷಿತವಾಗಬಹುದು. ಬೆಲ್ಲವನ್ನು ಸರಿಯಾಗಿ ಶೇಖರಣೆ ಮಾಡದೆ ಇರುವುದರಿಂದ ಹೀಗೆ ಆಗುವ ಸಾಧ್ಯತೆ ಹೆಚ್ಚು.
ಪ್ರತಿನಿತ್ಯವೂ ಬೆಲ್ಲವನ್ನು ಒಂದಲ್ಲಾ ಒಂದು ರೀತಿಯಿಂದ ಸೇವನೆ ಮಾಡುವವರು ಇದ್ದಾರೆ. ಹೀಗಾಗಿ ಇದನ್ನು ಸಂಪೂರ್ಣವಾಗಿ ತ್ಯಜಿಸಬಹುದಾದರೂ ಇದರ ಅಗತ್ಯತೆಯು ಇದೆ. ಆದರೆ ಇದನ್ನು ಸೇವನೆ ಮಾಡಿದರೆ ಆಗುವ ಹಾನಿಯು ಅಪಾಯ.
ಹೀಗಾಗಿ ಇದನ್ನು ತಡೆಯುವುದು ಹೇಗೆ ಎಂದು ತಿಳಿಯಬೇಕಾಗಿದೆ. ಸರಿಯಾಗಿ ಶೇಖರಣೆ ಮಾಡಿರುವ ಸಾವಯ ಬೆಲ್ಲವನ್ನು ಖರೀದಿ ಮಾಡಿದರೆ ತುಂಬಾ ಒಳ್ಳೆಯದು. ಗಾಳಿಯಾಡದೆ ಇರುವ ಡಬ್ಬಗಳಲ್ಲಿ ಇದನ್ನು ಹಾಕಿಟ್ಟರೆ ಆಗ ಇದು ಕಲುಷಿತವಾಗುವುದು ತಪ್ಪುವುದು.ಶುದ್ಧ ಬೆಲ್ಲವು ಯಾವಾಗಲೂ ಕಡು ಕಂದು ಬಣ್ಣವನ್ನು ಹೊಂದಿರುವುದು. ಕಲುಷಿತ ಬೆಲ್ಲವು ಹಳದಿಯಾಗಿರುವುದು ಅಥವಾ ಬಿಳಿಯಾಗಿರುವುದು
ಸಾಮಾನ್ಯವಾಗಿ ಉತ್ತಮ ಗುಣಮಟ್ಟದ ಬೆಲ್ಲವು ಸರಿಯಾದ ಬಣ್ಣ, ಉತ್ತಮ ರುಚಿ ಮತ್ತು ಗಡಸುತನವನ್ನು ಹೊಂದಿರಬೇಕು.
ಸ್ವಲ್ಪ ಬೆಲ್ಲದ ತುಂಡನ್ನು ತೆಗೆದುಕೊಂಡು ಅದರ ರುಚಿ ನೋಡಿ. ಇದು ಸ್ವಲ್ಪ ಉಪ್ಪಿನ ರುಚಿಯನ್ನು ಹೊಂದಿದ್ದರೆ, ಸ್ವಲ್ಪ ಎಚ್ಚರವಹಿಸಿ.
ಬೆಲ್ಲದ ಬಣ್ಣ ಗಾಢ ಕಂದು. ಬಣ್ಣವು ಶುದ್ಧತೆಯನ್ನು ನಿರ್ಧರಿಸು ವಲ್ಲಿ ಪ್ರಮುಖ ಪಾತ್ರವನ್ನು ವಹಿಸುತ್ತದೆ. ಒಂದು ವೇಳೆ ಬೆಲ್ಲ ಹಳದಿ ಬಣ್ಣದಲ್ಲಿ ಇದ್ದರೆ, ಅದರಲ್ಲಿ ಕೆಮಿಕಲ್ ಮಿಕ್ಸ್ ಆಗಿರಬಹುದು.
ಮಾರುಕಟ್ಟೆಯಲ್ಲಿ ಬೆಲ್ಲವನ್ನು ಖರೀದಿಸುವಾಗ ಯಾವಾಗಲೂ ಗಟ್ಟಿಯಾದ ಬೆಲ್ಲವನ್ನು ಖರೀದಿಸಬೇಕು ಎಂದು ತಜ್ಞರು ಸಲಹೆ ನೀಡುತ್ತಾರೆ
