ಶ್ರೀಲಂಕಾ ಕ್ರಿಕೆಟ್ ತಂಡದ ಬ್ಯಾಟ್ಸ್‌ಮನ್‌ ಕಮಿಂದು ಮೆಂಡಿಸ್ ಟೆಸ್ಟ್ ಕ್ರಿಕೆಟ್‌ನಲ್ಲಿ ವಿಶ್ವ ದಾಖಲೆಯನ್ನು ಬರೆದಿದ್ದಾರೆ. ತಮ್ಮ ಆರಂಭಿಕ ಎಂಟು ಟೆಸ್ಟ್ ಪಂದ್ಯಗಳಲ್ಲಿ ಅರ್ಧಶತಕಗಳನ್ನು ಸಿಡಿಸಿದ ವಿಶ್ವದ ಮೊದಲ ಬ್ಯಾಟ್ಸ್‌ಮನ್‌ ಎಂಬ ವಿಶ್ವ ದಾಖಲೆಯನ್ನು ಕಮಿಂದು ಮೆಂಡಿಸ್ ಬರೆದಿದ್ದಾರೆ. ಗಾಲೆ ಇಂಟರ್‌ನ್ಯಾಷನಲ್ ಕ್ರೀಡಾಂಗಣದಲ್ಲಿ ನ್ಯೂಜಿಲೆಂಡ್‌ ವಿರುದ್ದ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಕಮಿಂದು ಮೆಂಡಿಸ್ ಈ ದಾಖಲೆಯನ್ನು ಬರೆದಿದ್ದಾರೆ.
ಗುರುವಾರ ಆರಂಭವಾದ ಮೊದಲನೇ ಟೆಸ್ಟ್ ಪಂದ್ಯದಲ್ಲಿ ಟಾಸ್‌ ಗೆದ್ದು ಮೊದಲು ಬ್ಯಾಟಿಂಗ್ ಆರಿಸಿಕೊಂಡ ಶ್ರೀಲಂಕಾ ತಂಡದ ಪರ ದಿನೇಶ್‌ ಚಾಂದಿಮಾಲ್‌ ಶತಕ ಸಿಡಿಸಿದರು. ಆ ಮೂಲಕ ತಂಡಕ್ಕೆ ಉತ್ತಮ ಆರಂಭವನ್ನು ತಂದುಕೊಟ್ಟರು. ನಂತರ ಐದನೇ ಕ್ರಮಾಂಕದಲ್ಲಿ ಕ್ರೀಸ್‌ಗೆ ಬಂದ ಕಮಿಂದು ಮೆಂಡಿಸ್ (52 ರನ್‌) ಅರ್ಧಶತಕವನ್ನು ಸಿಡಿಸಿದ್ದಾರೆ. ಮೊದಲನೇ ದಿನದಾಟದ ಕೊನೆಯ ಓವರ್‌ನಲ್ಲಿ ಮೆಂಡಿಸ್ ಅರ್ಧಶತಕವನ್ನು ಪೂರ್ಣಗೊಳಿಸಿದರು. ಮೊದಲ ದಿನದಾಟದ ಅಂತ್ಯಕ್ಕೆ ಶ್ರೀಲಂಕಾ ತಂಡ 306 ರನ್‌ಗಳನ್ನು ಗಳಿಸಿದ್ದಾರೆ.
ಟೆಸ್ಟ್ ಪದಾರ್ಪಣೆ ಮಾಡಿದ ಬಳಿಕ ಕಮಿಂದು ಮೆಂಡಿಸ್ ಅವರು ಸತತ ಎಂಟು ಟೆಸ್ಟ್ ಪಂದ್ಯಗಳಲ್ಲಿ ಅರ್ಧಶತಕವನ್ನು ಸಿಡಿಸಿದ್ದಾರೆ. ಆ ಮೂಲಕ ಈ ಸಾಧನೆ ಮಾಡಿದ ವಿಶ್ವದ ಮೊದಲ ಬ್ಯಾಟ್ಸ್‌ಮನ್‌ ಎನಿಸಿಕೊಂಡಿದ್ದಾರೆ. ಆ ಮೂಲಕ ಪಾಕಿಸ್ತಾನ ತಂಡದ ನಾಯಕ ಸೌದ್‌ ಶಕೀಲ್‌ ಅವರ ದಾಖಲೆಯನ್ನು 25ರ ಪ್ರಾಯದ ಶ್ರೀಲಂಕಾ ಬ್ಯಾಟ್ಸ್‌ಮನ್‌ ಮುರಿದಿದ್ದಾರೆ. ಕಳೆದ ವರ್ಷ ಸೌದ್‌ ಶಕಿಲ್ ಅವರು ಈ ದಾಖಲೆಯನ್ನು ಕಳೆದ ವರ್ಷ ಬರೆದಿದ್ದರು. ಇದೀಗ ಈ ದಾಖಲೆಯನ್ನು ಕಮಿಂದು ಮೆಂಡಿಸ್ ಮುರಿದಿದ್ದಾರೆ. ಸುನೀಲ್‌ ಗವಾಸ್ಕರ್‌, ಬಸಿಲ್‌ ಬಚರ್‌, ಸಹೀದ್‌ ಅಹ್ಮದ್‌ ಹಾಗೂ ಬರ್ಟ್ ಸಟ್‌ಕ್ಲಿಫ್ ಹಿಂದೆ ಈ ದಾಖಲೆಯನ್ನು ಬರೆದಿದ್ದರು. ಈ ಎಲ್ಲಾ ಬ್ಯಾಟ್ಸ್‌ಮನ್‌ಗಳು ಟೆಸ್ಟ್ ಪದಾರ್ಪಣೆ ಬಳಿಕ ಸತತ 6 ಅರ್ಧಶತಕಗಳನ್ನು ಸಿಡಿಸಿದ್ದರು.
ಟೆಸ್ಟ್ ಪದಾರ್ಪಣೆ ಬಳಿಕ ಸತತ ಅರ್ಧಶತಕಗಳನ್ನು ಸಿಡಿಸಿದ ಬ್ಯಾಟರ್‌ಗಳ ವಿವರ
ಕಮಿಂದು ಮೆಂಡಿಸ್ (ಶ್ರೀಲಂಕಾ): 8 ಅರ್ಧಶತಕಗಳು
ಸೌದ್‌ ಶಕೀಲ್‌ (ಪಾಕಿಸ್ತಾನ): 7 ಅರ್ಧಶತಕಗಳು
ಸುನೀಲ್‌ ಗವಾಸ್ಕರ್‌ (ಭಾರತ): 6 ಅರ್ಧಶತಕಗಳು
ಬಸಿಲ್‌ ಬಚರ್‌ (ವೆಸ್ಟ್‌ ಇಂಡೀಸ್‌): 6 ಅರ್ಧಶತಕಗಳು
ಸಹೀದ್‌ ಅಹ್ಮದ್‌ (ಪಾಕಿಸ್ತಾನ): 6 ಅರ್ಧಶತಕಗಳು
ಬರ್ಟ್ ಸಟ್‌ಕ್ಲಿಫ್ (ನ್ಯೂಜಿಲೆಂಡ್‌) 6 ಅರ್ಧಶತಕಗಳು
