ದೇಹದಲ್ಲಿನ ವಿಷಕಾರಿ ಅಂಶ ಹಾಗೂ ಕಲ್ಮಶವನ್ನು ಕಿಡ್ನಿಯು ಮೂತ್ರದ ಮೂಲಕ ಹೊರಗೆ ಹಾಕಿಸುವುದು. ಮೂತ್ರವು ತಿಳಿ ಹಳದಿ ಬಣ್ಣದಿಂದ ಕೂಡಿದ್ದರೆ ಆಗ ಎಲ್ಲವೂ ಸರಿಯಾಗಿ ಎಂದು ಹೇಳಬಹುದು. ಆದರೆ ಕೆಲವರ ಮೂತ್ರವು ಅತಿಯಾಗಿ ವಾಸನೆ ಬರುವುದು ಅಥವಾ ಅಮೋನಿಯಾದಂತಹ ವಾಸನೆಯು ಇರುವುದು.
ಮೂತ್ರದ ವಾಸನೆಯು ಅತಿಯಾಗಿ ಇರದೆ ಇದ್ದರೆ ಅದರ ಬಗ್ಗೆ ಹೆಚ್ಚು ಆಲೋಚನೆ ಮಾಡಲು ಹೋಗುವುದಿಲ್ಲ. ಆದರೆ ಮೂತ್ರದಲ್ಲಿ ಇಂತಹ ವಾಸನೆ ಬರಲು ಕಾರಣಗಳು ಏನು ಎಂದು ತಿಳಿಯಬೇಕಾಗಿದೆ. ಈ ಸಮಸ್ಯೆಯನ್ನು ನಿವಾರಣೆ ಮಾಡಿ ವಾಸನೆ ರಹಿತ ಮೂತ್ರ ವಿಸರ್ಜನೆ ಮಾಡಲು ನೀವು ಈ ಟಿಪ್ಸ್ ಪಾಲಿಸಿ.
ಹೆಚ್ಚು ನೀರು ಸೇವಿಸಿ
ಮೂತ್ರವು ಕೆಟ್ಟ ವಾಸನೆಯೊಂದಿಗೆ ಬಂದರೆ, ಹೆಚ್ಚು ನೀರು ಕುಡಿಯುವುದರಿಂದ ವಾಸನೆಯನ್ನು ನಿವಾರಿಸಬಹುದಾಗಿದೆ. ಒಬ್ಬ ವ್ಯಕ್ತಿಯು ದಿನಕ್ಕೆ 7-8 ಗ್ಲಾಸ್ ನೀರನ್ನು ಕುಡಿಯಬೇಕು. ಇದರಿಂದ ಸೋಂಕಿದ್ದರೆ ಅದನ್ನು ನಿವಾರಣೆ ಮಾಡುತ್ತದೆ. ಅಲ್ಲದೆ ಇದು ನಿರ್ಜಲೀಕರಣದ ಸಮಸ್ಯೆಯನ್ನು ಪರಿಹರಿಸುತ್ತದೆ ಮತ್ತು ಮೂತ್ರದ ವಾಸನೆಯನ್ನು ಕಡಿಮೆ ಮಾಡುತ್ತದೆ. ಏಕೆಂದರೆ ನಿರ್ಜಲೀಕರಣವು ಮೂತ್ರದ ದುರ್ವಾಸನೆಯನ್ನು ಹೆಚ್ಚಿಸು ಸಾಧ್ಯತೆ ಇರುತ್ತದೆ.
ಪ್ರೊಬಯಾಟಿಕ್‌ಗಳು
ಪ್ರೋಬಯಾಟಿಕ್‌ಗಳು ಮೂತ್ರದ ವಾಸನೆಯನ್ನು ನಿವಾರಿಸಲು ಸಹಾಯ ಮಾಡುತ್ತದೆ. ಇದು ಜೀವಂತ ಸೂಕ್ಷ್ಮಾಣುಜೀವಿ. ಇದು ಕೆಲವು ಆಹಾರಗಳಲ್ಲಿಯೂ ಇರುತ್ತದೆ. ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಕೆಲವು ಸೂಕ್ಷ್ಮಜೀವಿಗಳು ಆರೋಗ್ಯ ಪ್ರಯೋಜನಗಳನ್ನು ಹೊಂದಿವೆ. ಇದನ್ನು ನಿಮ್ಮ ದೈನಂದಿನ ಆಹಾರದಲ್ಲಿ ಸೇರಿಸುವುದು ಒಳ್ಳೆಯದು.
ಪ್ರೋಬಯಾಟಿಕ್‌ಗಳು ದೇಹ ಮತ್ತು ಮೆದುಳಿನ ಕಾರ್ಯನಿರ್ವಹಣೆಗೆ ಸಹಾಯ ಮಾಡುವ ಪ್ರಯೋಜನಕಾರಿ ಬ್ಯಾಕ್ಟೀರಿಯಾಗಳಾಗಿವೆ. ಮೊಸರು, ಬಾಳೆಹಣ್ಣು ಈ ರೀತಿಯ ಆಹಾರಗಳು ಬ್ಯಾಕ್ಟೀರಿಯಾವನ್ನು ತೆಗೆದುಹಾಕುವ ಮೂಲಕ ಮೂತ್ರದಲ್ಲಿನ ವಾಸನೆಯನ್ನು ತೊಡೆದುಹಾಕಲು ಸಹಾಯ ಮಾಡುತ್ತದೆ.
ಕ್ಯಾನ್ಬೆರಿ ಹಣ್ಣುಗಳು
ಕ್ಯಾನ್ಬೆರಿ ಹಣ್ಣುಗಳ ಜ್ಯೂಸ್ ಮೂತ್ರದ ಅಸ್ವಸ್ಥತೆಗಳಿಗೆ ವಿಶೇಷವಾಗಿ ಮೂತ್ರದ ಸೋಂಕಿಗೆ ಪರಿಹಾರವಾಗಿದೆ. ಮೂತ್ರದಲ್ಲಿನ ವಾಸನೆಯನ್ನು ಹೋಗಲಾಡಿಸಲು ಮತ್ತು ನಿಮ್ಮ ಮೂತ್ರನಾಳವನ್ನು ಸ್ವಚ್ಛಗೊಳಿಸಲು ಇದು ಅತ್ಯುತ್ತಮ ಮನೆಮದ್ದುಗಳಲ್ಲಿ ಒಂದಾಗಿದೆ.ಹೀಗಾಗಿ ನಿಮ್ಮ ಮೂತ್ರ ವಾಸನೆಯಿಂದ ಕೂಡಿದ್ದರೆ ಅಂತಹ ಸಂದರ್ಭದಲ್ಲಿ ದಿನಕ್ಕೆ ಎರಡು ಬಾರಿ ಕ್ಯಾನ್ಬೆರಿ ಹಣ್ಣುಗಳ ಜ್ಯೂಸ್ ಸೇವನೆ ಮಾಡಿ.
ವಿಟಮಿನ್ ಸಿ ಆಹಾರ
ಕೆಟ್ಟ ಮೂತ್ರಕ್ಕೆ ಮುಖ್ಯ ಕಾರಣವೆಂದರೆ ದೇಹದಲ್ಲಿ ವಿಷಕಾರಿ ಅಂಶಗಳ ಸಂಗ್ರಹ. ಆಹಾರದಲ್ಲಿ ಹೆಚ್ಚು ವಿಟಮಿನ್ ಸಿ ಸೇರಿಸುವುದರಿಂದ ವಿಷವನ್ನು ಹೊರಹಾಕಲು ಸಹಾಯ ಮಾಡುತ್ತದೆ. ಇದು ದೇಹದಲ್ಲಿ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಆಹಾರಕ್ಕೆ ಮೆಣಸು, ಕಿತ್ತಳೆ, ಕಿವಿ ಹಣ್ಣುಗಳು, ಲಿಂಬು ಪಾನಕದಂತಹ ಆಹಾರಗಳನ್ನು ಆಗಾಗಾ ಸೇವನೆ ಮಾಡುತ್ತಿರಿ.
