ಬೆಂಗಳೂರು : ಬಿಬಿಎಂಪಿ ಕಚೇರಿಯಲ್ಲಿ ಕಳ್ಳತನಕ್ಕೆ ಯತ್ನ ನಡೆಸಿರುವ ಘಟನೆ ನಡೆದಿದೆ. ಮಲ್ಲೇಶ್ವರಂ ಠಾಣಾ ವ್ಯಾಪ್ತಿಯ ಬಿಬಿಎಂಪಿ ಕಚೇರಿ ತೋಟಗಾರಿಕೆ ಅಧೀಕ್ಷಕರ ಕಾರ್ಯಾಲಯದೊಳಗೆ ಕಳ್ಳರು ಒಳನುಗ್ಗಿ ಕಳ್ಳತನಕ್ಕೆ ಯತ್ನಿಸಿದ್ದಾರೆ.
ಏರ್‌ಪೋರ್ಟ್‌ ರಸ್ತೆಯಲ್ಲಿ ಭೀಕರ ರಸ್ತೆ ಅವಘಡ: ಇಬ್ಬರ ದುರ್ಮರಣ
ಮೊದಲ ಮಹಡಿಯ ಪಶ್ಚಿಮ ಕಾರ್ಯಪಾಲಕ ಅಭಿಯಂತರ ಕಚೇರಿಯ ಹಿಂದಿನ ಕಿಟಕಿ ಸರಳುಗಳನ್ನು ಮುರಿದು ಒಳನುಗ್ಗಲು ಯತ್ನಿಸಿದ್ದು, ಯಾವುದೇ ದಾಖಲಾತಿಗಳನ್ನು ಕಳವು ಮಾಡಿಲ್ಲ. ಆದರೆ ಮೂರು ನಾಲ್ಕು ಕಪಾಟಿ‌ನ ಬಾಗಿಲು, ಟೇಬಲ್ ಗಳನ್ನು ಮುರಿದಿದ್ದಾರೆ. ಮಹಡಿಗೆ ಪ್ರವೇಶಿಸುವ ಬಾಗಿಲುಗಳನ್ನು ಕೂಡ ಮುರಿದಿದ್ದಾರೆ. ಘಟನಾ ಸ್ಥಳಕ್ಕೆ ವೈಯಾಲಿಕಾವಲ್ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.
