ಆತ ತನ್ನ ಸ್ನೇಹಿತನ ತಮ್ಮ ಹಾಳಾಗೋದು ಬೇಡ ಅಂತಾ ಬುದ್ಧಿ ಮಾತು ಹೇಳಿದ್ದ..ಏರಿಯಾದಲ್ಲಿರೊ ಕೆಲ ಸ್ಲಂ ಹುಡುಗರ ಜೊತೆಗೆ ಸೇರಬೇಡ ಅಂದಿದ್ದ..ಇದು ಆ ಏರಿಯಾದ ಕೆಲ ಹುಡುಗರ ಕಣ್ಣು ಕೆಂಪಾಗಿಸಿತ್ತು..ರಾತ್ರಿ ಹೊತ್ತು ಗೆಳೆಯರ ಜೊತೆ ಅಡ್ಡ ಹಾಕಿದ್ದ ಜಾಗದಲ್ಲೇ ಅಬ್ಬರಿಸಿದ್ರು..ಲಾಂಗು ಮಚ್ಚುಗಳಿಂದ ಹಲ್ಲೆ ಮಾಡಿದ್ರು..ಕಾರಿನ ಗಾಜು ಪುಡಿ ಮಾಡಿ ಅಟ್ಟಹಾಸ ಮೆರೆದಿದ್ರು.. ಕಾರಿನ ಮುಂಭಾಗದ ಗಾಜು ನಜ್ಜುಗುಜ್ಜಾಗಿದ್ರೆ..ಹಿಂಭಾಗದ ಗ್ಲಾಸ್ ಪುಡಿ ಪುಡಿಯಾಗಿದೆ..ಕಿಟಕಿ ಗಾಜು ಕೂಡ ಪೀಸ್ ಪೀಸ್ ಆಗಿದ್ದು..ಕಿಡಿಗೇಡಿಗಳ ಅಟ್ಟಹಾಸಕ್ಕೆ ಇಡೀ ಕಾರೇ ಸಂಪೂರ್ಣ ಜಖಂ ಆಗಿದೆ..ಈ ಪರಿ ಅಟ್ಟಹಾಸ ಮೆರೆದಿದ್ದು ಮಾತ್ರ ಕ್ಷುಲ್ಲಕ ಕಾರಣಕ್ಕೆ..
ಹೌದು..ಸ್ನೇಹಿತನ ಸಹೋದರನಿಗೆ ಬುದ್ಧಿವಾದ ಹೇಳಿದ್ದ ಯುವಕ ಹಾಗೂ ಆತನ ಜೊತೆಗಿದ್ದ ಸ್ನೇಹಿತರ ಮೇಲೆ ದುಷ್ಕರ್ಮಿಗಳ ಗುಂಪು ಅಟ್ಟಹಾಸ ಮೆರೆದಿದ್ದಾರೆ..ಜನವರಿ 26 ರಂದು ಪ್ರಬುದ್ಧ, ನಂದನ್ ಹಾಗೂ ಮನೋಜ್ ಎಂಬಾತನ ಮೇಲೆ ಹಲ್ಲೆ ಮಾಡಲಾಗಿದ್ದು ಕಾರನ್ನ ಸಂಪೂರ್ಣ ಜಖಂ ಗೊಳಿಸಲಾಗಿದೆ. ಹಲ್ಲೆಗೊಳಗಾದ ಪ್ರಬುದ್ಧ ನೀಡಿದ ದೂರಿನನ್ವಯ ಅಪ್ಪು, ಮಂದ, ಮದನ್, ಸೂರ್ಯ, ಸಂದೀಪ್, ಮನೋಜ್ ಹಾಗೂ ವಿಶಾಲ್ ಎಂಬಾತನ ವಿರುದ್ಧ ಚಂದ್ರಾಲೇಔಟ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಎಂದಾದ್ರೂ ತೆಂಗಿನ ಹೂವು ತಿಂದಿದ್ದೀರಾ..? ಇದರ ಆರೋಗ್ಯ ಪ್ರಯೋಜಗಳು ತಿಳಿದ್ರೆ ಶಾಕ್‌ ಆಗ್ತೀರಾ..?
ನಾಯಂಡಹಳ್ಳಿಯ ನಿವಾಸಿಯಾಗಿರುವ ಪ್ರಬುದ್ಧ, ನೀನು ನನ್ನ ಸ್ನೇಹಿತನ ಸಹೋದರ,ಅಪ್ಪು ಹಾಗೂ ಆತನ ಸಂಗಡಿಗರೊಂದಿಗೆ ಸೇರಬೇಡ ಹಾಳಾಗಿ ಹೋಗ್ತಿಯಾ ಎಂದು ತನ್ನ ಸ್ನೇಹಿತನ ಸಹೋದರ ದರ್ಶನ್‌ಗೆ ಬುದ್ಧಿವಾದ ಹೇಳಿದ್ದ..ಪ್ರಬುದ್ಧ ಬುದ್ದಿವಾದ ಹೇಳಿದ್ದನ್ನ ಅಪ್ಪು ಹಾಗೂ ಇತರೆ ಆರೋಪಿಗಳ ಬಳಿ ದರ್ಶನ್ ಹೇಳಿದ್ದ..ಇದರಿಂದ ಸಿಟ್ಟಿಗೆದ್ದ ಆರೋಪಿಗಳು ಜನವರಿ 26ರಂದು ಕಾರಿನಲ್ಲಿ ಬರುತ್ತಿದ್ದ ಪ್ರಬುದ್ಧನನ್ನ ನಾಯಂಡಹಳ್ಳಿ ಬಳಿ ತಡೆದಿದ್ದಾರೆ.
ಬಳಿಕ ಮಾರಕಾಸ್ತ್ರಗಳಿಂದ ಪ್ರಬುದ್ಧ ಹಾಗೂ ಆತನ ಜೊತೆಗಿದ್ದ ನಂದನ್, ಮನೋಜ್ ಮೇಲೆ ಮಾರಕಾಸ್ತ್ತಗಳಿಂದ ಹಲ್ಲೆ ಮಾಡಿದ್ದಾರೆ. ಅಷ್ಟೇ ಅಲ್ಲ ಅವರು ತಂದಿದ್ದ ಕಾರನ್ನ ಜಖಂಗೊಳಿಸಿ ಪರಾರಿಯಾಗಿದ್ರು.. ಹಲ್ಲೆಗೊಳಗಾದ ಪ್ರಬುದ್ಧ ನೀಡಿದ ದೂರಿನನ್ವಯ ಚಂದ್ರಲೇಔಟ್ ಪೊಲೀಸ್ರು ಪ್ರಕರಣ ದಾಖಲಿಸಿಕೊಂಡು ವಿಶಾಲ್ ಮತ್ತು ಸೂರಿ ಸೇರಿದಂತೆ ನಾಲ್ಕು ಜನರನ್ನ ಬಂಧಿಸಲಾಗಿದ್ದು ಉಳಿದ ಆರೋಪಿಗಳಿಗಾಗಿ ಹುಡುಕಾಟ ನಡೆಸಲಾಗ್ತಿದೆ.. ಅದೇನೇ ಹೇಳಿ ಕ್ಷುಲ್ಲಕ ಕಾರಣಕ್ಕೆ ಈ ರೀತಿ ಅಟ್ಟಹಾಸ ಮೆರೆದ ಕ್ರಿಮಿಗಳಿಗೆ ತಕ್ಕ ಶಾಸ್ತಿ ಆಗಲೇಬೇಕು..
