ಪಬ್ಲಿಕ್ ನಲ್ಲಿ ನಟಿ ಅನುಪಮಾ ಬಗ್ಗೆ ಉಪ್ಪಿ ಹೇಳಿರುವ ಮಾತು ಕೇಳಿ ಒಂದು ಕ್ಷಣ ಎಲ್ಲರೂ ಶಾಕ್ ಆಗಿದ್ದಾರೆ.
ಕಲರ್ಸ್ ಕನ್ನಡದ ಜನಪ್ರಿಯ ಅವಾರ್ಡ್ಸ್‌ ಶೋ ಅನುಬಂಧ ಅವಾರ್ಡ್ಸ್‌ ವೇದಿಕೆಗೆ ನಟ ಉಪೇಂದ್ರ ಆಗಮಿಸಿದ್ದಾಗ, ಅನುಪಮಾ ಜೊತೆ ನಡೆಸಿದ ತಮಾಷೆಯ ಮಾತುಕತೆಯ ವಿಡಿಯೋ ವೈರಲ್‌ ಆಗಿದೆ. ಇದು ಒಂದು ಕ್ಷಣ ಅನುಪಮಾ ಅವರನ್ನೇ ಶಾಕ್ ಆಗುವಂತೆ ಮಾಡಿದೆ.
ಭಾರತ- ಬಾಂಗ್ಲಾ ನಡುವಿನ 2ನೇ ಟೆಸ್ಟ್ ಪಂದ್ಯ ಯಾವಾಗ ಗೊತ್ತಾ!? ಕಂಪ್ಲೀಟ್ ಡೀಟೈಲ್ಸ್ ಇಲ್ಲಿದೆ!
ಸಿನಿಮಾವೊಂದರಲ್ಲಿ ಉಪೇಂದ್ರ ಅವರು ಹೇಳಿದ್ದ, ‘ಪ್ರೀತಿ, ಪ್ರೇಮ ಎಲ್ಲಾ ಪುಸ್ತಕದ ಬದನೆಕಾಯಿ’ ಎಂಬ ಡೈಲಾಗ್‌ ಕಾರಣದಿಂದಾಗಿಯೇ ನಾನಿನ್ನು ಮದುವೆಯಾಗಿಲ್ಲ ಎಂದು ಅನುಪಮಾ ಹೇಳಿದ್ದರು. ಇದಕ್ಕೆ ಪ್ರತಿಕ್ರಿಯಿಸಿದ ಉಪ್ಪಿ, ” ಆ ಡೈಲಾಗೇ ಪುಸ್ತಕದ ಬದನೆಕಾಯಿಯಮ್ಮ” ಎಂದು ಹೇಳಿದ್ದರು. ಅದರ ಪ್ರೋಮೋವನ್ನು ಈ ಹಿಂದೆ ಕಲರ್ಸ್ ಬಿಡುಗಡೆ ಮಾಡಿತ್ತು
ಮತ್ತಷ್ಟು ತಮಾಷೆಯ ಮಾತು ಶುರು ಹಚ್ಚಿದ ಅನುಪಮಾ, “ಸರ್‌, ನೀವು ಮಾತ್ರ ಮದುವೆಯಾಗಿ ಮಕ್ಕಳು ಮಾಡಿಕೊಂಡು ಆ ಜೀವನ ನೋಡಿದ್ದೀರಿ, ನಮಗೆ ನಿಮ್ಮನ್ನು ನೋಡಿದರೆ ಹೊಟ್ಟೆ ಉರಿಯುತ್ತೆ” ಎಂದಿದ್ದರು. ಅದಕ್ಕೆ ವೇದಿಕೆಯಲ್ಲೇ ರಕ್ತಕಣ್ಣೀರು ಸ್ಟೈಲ್‌ʼನಲ್ಲಿ ಡೈಲಾಗ್‌ ಹೊಡೆದ ಉಪ್ಪಿ, “ಇಷ್ಟು ಸುಂದರವಾದ ಹುಡುಗಿ, ನನ್ನ ನೋಡಿದ್ರೆ ಹೊಟ್ಟೆ ಉರ್ಕೊಂತೀನಿ ಅಂತಿದ್ದಾಳೆ. ನೀವು ಯೆಸ್‌ ಅಂದ್ರೆ ಎಷ್ಟು ಜನ ಕ್ಯೂ ನಲ್ಲಿ ನಿಂತಿರ್ತಾರೆ” ಎಂದಾಗ, ಹಾಗೆಲ್ಲ ಏನೂ ಇಲ್ಲ ಸರ್‌ ಎಂದು ಅನುಪಮಾ ಹೇಳಿದ್ದಾರೆ
ಅದೇ ಸಂದರ್ಭದಲ್ಲಿ ಮತ್ತೊಮ್ಮೆ ತಮಾಷೆ ಹೇಳಿಕೆ ಕೊಟ್ಟ ಉಪೇಂದ್ರ, “ಬ್ಯೂಟಿ ಹಾಗೂ ಬುದ್ದಿವಂತಿಕೆಯ ಮಿಶ್ರಣ ನೀವು. ಒಳ್ಳೆ ತೊಂಡೆಕಾಯಿ ಇದ್ದಂಗೆ ಇದ್ದಿಯಲ್ಲಮ್ಮ..ನನಗೆ ಜರ್ಕ್‌ ಹೊಡಿತಾ ಇದೆ. ಇನ್ನು ಹುಡುಗರಿಗೆ ಹೆಂಗಾಗಿರರ್ಬೇಕು” ಎಂದಾಗ ಅನುಪಮಾ ಗೌಡ ಅರೆಕ್ಷಣ ಶಾಕ್ ಆಗಿ ಬಿಟ್ಟರು.
ಅಷ್ಟೇ ಅಲ್ಲದೆ, “ನಿಮ್ಮದು ಏನೋ ಪ್ಲ್ಯಾನ್‌ ಇದೆ. ನನ್ನನ್ನ ಮನೆಯಿಂದ ಹೊರಗಡೆ ಹಾಕಿಸಿ, ರೋಡಲ್ಲಿ ಮಲ್ಕೋಬೇಕು ಅನ್ನೋ ಪ್ಲ್ಯಾನ್‌ ಮಾಡಿದಂತಿದೆ” ಎಂದು ಉಪ್ಪಿ ಹೇಳುತ್ತಿದ್ದಂತೆ, ಈ ಪ್ರೋಗ್ರಾಂಗೆ ಪ್ರಿಯಾಂಕ ಮೇಡಂ ಕೂಡ ಬರ್ತಿದ್ದಾರೆ ಎಂದು ಅನುಪಮಾ ಹೇಳಿದ್ದಾರೆ. ಅದಕ್ಕೆ, “ಹಾಗಿದ್ರೆ ಇದನ್ನೆಲ್ಲಾ ಅವರಿಗೆ ತೋರಿಸ್ತೀರಾ?” ಎಂದು ಉಪ್ರೇಂದ್ರ ಪ್ರಶ್ನಿಸಿದ್ದಾರೆ. ಆಗ ಅನುಪಮಾ ʼಹೌದುʼ ಎಂದಿದ್ದೇ ತಡ, ” ಈ ಪ್ರೋಗ್ರಾಂನ ನೀವೇ ಮಾಡಿಕೊಳ್ಳಿ ನಾನು ಹೊರಡುತ್ತೇನೆ” ಎಂದು ಉಪೇಂದ್ರ ಹೇಳಿ ನಗುತ್ತಿದ್ದಾರೆ.
