ವಾಲ್ನಟ್ ಗೆ ದಪ್ಪದ ಸಿಪ್ಪೆಯು ಇದ್ದು, ಅದು ತುಂಬಾ ಗಟ್ಟಿಯಾಗಿರುತ್ತದೆ. ಇದನ್ನು ತೆಗೆಯುವುದು ಕಷ್ಟವಾಗಿರುವ ಕಾರಣದಿಂದಾಗಿ ನಾವು ಸಿಪ್ಪೆ ತೆಗೆದಿರುವ ವಾಲ್ನಟ್ ಖರೀದಿ ಮಾಡಿ ಸೇವಿಸುತ್ತೇವೆ. ಆದರೆ ಸಿಪ್ಪೆ ಇರುವ ಅಕ್ರೋಟ ತುಂಬಾ ಒಳ್ಳೆಯದು ಮತ್ತು ಇದನ್ನು ತುಂಬಾ ಸುಲಭವಾಗಿ ಒಡೆಯುವುದು ಹೇಗೆ ಎಂದು ತಿಳಿಯೋಣ.
ಸೆಪ್ಟೆಂಬರ್ 2ರಿಂದ ಮಿಸ್ಡ್ ಕಾಲ್ ಮೂಲಕ ಬಿಜೆಪಿ ಸದಸ್ಯತ್ವ ಅಭಿಯಾನ ಆರಂಭ: ಸುನೀಲ್ ಕುಮಾರ್
ವಾಲ್ನಟ್ ನಲ್ಲಿ ಗೆರಟೆಯು ಇದ್ದರೆ ಆಗ ಅದು ತಾಜಾತನ ಉಳಿಸಿಕೊಳ್ಳುವುದು ಮತ್ತು ಹಾಳಾಗುವುದನ್ನು ತಡೆಯುತ್ತದೆ. ಇದರಿಂದ ದೇಹಕ್ಕೆ ಬೇಕಾಗಿರುವ ಪೋಷಕಾಂಶಗಳು ಯಥೇಚ್ಛವಾಗಿ ಸಿಗುವುದು. ಗೆರಟೆ ತೆಗೆದಿರುವಂತಹ ವಾಲ್ನಟ್ ಸೇವನೆ ಮಾಡಿದರೆ, ಆಗ ಅದು ಗಾಳಿ, ಧೂಲು ಇತ್ಯಾದಿಗಳಿಗೆ ಒಗ್ಗಿಕೊಳ್ಳಬಹುದು. ಇದರ ಪರಿಣಾಮವಾಗಿ ಅದರ ರುಚಿ ಹಾಗೂ ಆರೋಗ್ಯ ಗುಣಗಳಲ್ಲಿ ಬದಲಾವಣೆ ಆಗಬಹುದು. ವಾಲ್ನಟ್ ಗಾಳಿಗೆ ಒಗ್ಗಿಕೊಂಡ ವೇಳೆ ಅದರಲ್ಲಿನ ಕೊಬ್ಬು ಮತ್ತು ಎಣ್ಣೆಯಂಶವು ಆಕ್ಸಿಡೀಕರಣಗೊಂಡು ಅದರಿಂದ ಕೆಟ್ಟ ವಾಸನೆ ಮತ್ತು ರುಚಿ ಬರಬಹುದು.
ಆಕ್ಸಿಡೀಕರಣದಿಂದಾಗಿ ಅದರರಲ್ಲಿನ ಪೋಷಕಾಂಶ ಮೌಲ್ಯಗಳಿಗೆ ಹಾನಿಯಾಗಬಹುದು. ಒಮೆಗಾ-೩ ಆಮ್ಲ, ವಿಟಮಿನ್ ಮತ್ತು ಆ್ಯಂಟಿಆಕ್ಸಿಡೆಂಟ್ ಕಡಿಮೆ ಆಗಬಹುದು. ಗಾಳಿಗೆ ಒಗ್ಗಿಕೊಂಡ ವೇಳೆ ಅದರ ರುಚಿಯಲ್ಲಿ ಬದಲಾವಣೆ ಕಂಡುಬರುವುದು. ಗೆರಟೆ ಜತೆಗೆ ಅದನ್ನು ಆಯ್ಕೆ ಮಾಡಿದರೆ ಸಿಗುವ ಐದು ಲಾಭಗಳ ಬಗ್ಗೆ ತಿಳಿಯಿರಿ.
ಒಣ ಬೀಜಗಳನ್ನು ತಿನ್ನುವುದೇ ನಾವು ಪೋಷಕಾಂಶಗಳು ದೇಹಕ್ಕೆ ಸಿಗಲಿ ಎಂದು. ಅಷ್ಟು ಹಣ ಕೊಟ್ಟ ಬಳಿಕ ಪೋಷಕಾಂಶಗಳು ಸಿಗದೇ ಇದ್ದರೆ ಹೇಗೆ? ಇದಕ್ಕಾಗಿ ಗೆರಟೆ ಇರುವ ವಾಲ್ನಟ್ ಖರೀದಿ ಮಾಡಿದರೆ, ಆಗ ಅದು ಹೆಚ್ಚಿನ ಪೋಷಕಾಂಶಗಳನ್ನು ದೇಹಕ್ಕೆ ನೀಡುವುದು. ಇದರಲ್ಲಿ ಆರೋಗ್ಯಕಾರಿ ಕೊಬ್ಬು, ಪ್ರೋಟೀನ್, ವಿಟಮಿನ್ ಮತ್ತು ಖನಿಜಾಂಶಗಳು ಉತ್ತಮ ಪ್ರಮಾಣದಲ್ಲಿದೆ. ಸಿಪ್ಪೆ ತೆಗೆದಿಟ್ಟರೆ ಈ ಪೋಷಕಾಂಶಗಳು ಕಡಿಮೆಯಾಗುವುದು. ಇದರಿಂದ ಗೆರಟೆ ಇರುವ ವಾಲ್ನಟ್ ಖರೀದಿ ಮಾಡಿಕೊಂಡು, ಅತ್ಯಧಿಕ ಪ್ರಮಾಣದ ಪೋಷಕಾಂಶಗಳನ್ನು ಪಡೆಯಿರಿ
ಯಾವುದೇ ಹಣ್ಣಾಗಿದ್ದರೂ ಅದು ತಾಜಾವಾಗಿದ್ದರೆ ಆಗ ತಿನ್ನಲು ರುಚಿಕರ. ಅದೇ ರೀತಿಯಲ್ಲಿ ವಾಲ್ನಟ್ ನ್ನು ಗೆರಟೆ ಜತೆಗೆ ಖರೀದಿಸಿ ತಂದು ಇಟ್ಟರೆ ಆಗ ಅದರ ತಾಜಾತನ ಉಳಿಯುವುದು. ಗೆರಟೆಯು ಅದನ್ನು ಗಾಳಿ, ತೇವಾಂಶ ಮತ್ತು ಬೆಳಕಿನಿಂದ ರಕ್ಷಣೆ ಮಾಡುವುದು. ಇದರಿಂದ ವಾಲ್ನಟ್ ಬೇಗನೆ ಹಾಳಾಗದು. ದೀರ್ಘಕಾಲ ತನಕ ವಾಲ್ನಟ್ ನ್ನು ಕಾಪಾಡಿಕೊಳ್ಳಲು ಅದರ ಗೆರಟೆ ತುಂಬಾ ಪರಿಣಾಮಕಾರಿ. ಇದು ತಾಜಾತನ ಕೂಡ ಉಳಿಸುವುದು
ದರವು ಕಡಿಮೆ:-
ವಾಲ್ನಟ್ ನ್ನು ಗೆರಟೆ ಜತೆಗೆ ಖರೀದಿ ಮಾಡಿದರೆ ಆಗ ಅದು ಸ್ವಲ್ಪ ಅಗ್ಗವಾಗಿ ಸಿಗುವುದು. ಗೆರಟೆಯನ್ನು ನಾವೇ ತೆಗೆಯಬೇಕಾಗಿರುವ ಕಾರಣದಿಂದಾಗಿ ಅದಕ್ಕೆ ದರವು ಸ್ವಲ್ಪ ಕಡಿಮೆ. ಇದು ಸ್ವಲ್ಪ ಕಷ್ಟವೆನಿಸಿದರೂ ಹಣದ ಉಳಿತಾಯ ಆಗುವುದು. ನಿಯಮಿತವಾಗಿ ವಾಲ್ನಟ್ ನ್ನು ಬಳಕೆ ಮಾಡುತ್ತಲಿದ್ದರೆ, ಆಗ ನೀವು ಗೆರಟೆ ಜತೆಗೆ ಖರೀದಿ ಮಾಡಿದರೆ ಒಳ್ಳೆಯದು.
ಒಳ್ಳೆಯ ಸುವಾಸನೆ:-
ಗೆರಟೆ ಜತೆಗೆ ಇದನ್ನು ಖರೀದಿ ಮಾಡಿದರೆ, ಆಗ ಅದು ಹೆಚ್ಚು ಸುವಾಸನೆಯಿಂದ ಕೂಡಿರುವುದು ಎಂದು ಹಲವಾರು ಮಂದಿ ಹೇಳಿರುವರು. ಗೆರಟೆಯು ನೈಸರ್ಗಿಕ ಎಣ್ಣೆಯಂಶ ಮತ್ತು ಸುವಾಸನೆಯನ್ನು ಕಾಪಾಡುವುದು. ಆದರೆ ಗಾಳಿಗೆ ಒಗ್ಗಿಕೊಂಡರೆ ಸುವಾಸನೆಯು ನಷ್ಟವಾಗುವುದು. ಗೆರಟೆ ಒಡೆದ ವೇಳೆ ಅದರ ಸುವಾಸನೆಯ ಅನುಭವ ಸಿಗುವುದು.
ವಾಲ್ನಟ್ ಗೆರಟೆ ಒಡೆಯಲು ಸುಲಭ ವಿಧಾನ
ಗೆರಟೆ ಇರುವ ವಾಲ್ನಟ್ ನ್ನು ಒಡೆಯುವುದು ಸವಾಲಿನ ಕೆಲಸ. ಆದರೆ ಸರಿಯಾದ ತಂತ್ರ ಮತ್ತು ಸಾಧನದಿಂದ ಇದನ್ನು ಮಾಡಬಹುದು. ವಾಲ್ನಟ್ ನ್ನು ಪರಿಣಾಮಕಾರಿ ಆಗಿ ಒಡೆಯಲು ಇಲ್ಲಿ ಕೆಲವು ಸಲಹೆಗಳನ್ನು ನೀಡಲಾಗಿದೆ.
ನಟ್ ಕ್ರ್ಯಾಕರ್ ಬಳಸಿ
ವಾಲ್ನಟ್ ಗೆರಟೆ ಒಡೆಯಲು ನಟ್ ಕ್ರ್ಯಾಕರ್ ಬಳಕೆ ಮಾಡಿ. ಭಾರವಾಗಿರುವ ನಟ್ ಕ್ರ್ಯಾಕರ್ ಇದನ್ನು ಒಡೆಯಬಲ್ಲದು. ನಟ್ ಕ್ರ್ಯಾಕರ್ ನಲ್ಲಿ ವಾಲ್ನಟ್ ನ್ನು ಸರಿಯಾದ ಜಾಗದಲ್ಲಿ ಇಟ್ಟುಬಿಡಿ ಮತ್ತು ಅದನ್ನು ಗಟ್ಟಿಯಾಗಿ ಒತ್ತಿ. ಈ ವೇಳೆ ಗೆರಟೆಯು ಒಡೆಯುವುದು. ಇದರ ಬಳಿಕ ಒಳಗಿನ ತಾಜಾ ಅಕ್ರೋಟ ಸೇವನೆ ಮಾಡಬಹುದು.
ಬೇಕ್ ಮಾಡಿ
ವಾಲ್ನಟ್ ನ್ನು ಸುಲಭವಾಗಿ ತೆಗೆಯಲು ಅದನ್ನು ಬೇಕ್ ಮಾಡಿದರೆ ಒಳ್ಳೆಯದು. ಬೇಕ್ ಮಾಡಲು ಅದನ್ನು ೧೭೫ ಡಿಗ್ರಿ ಸೆ. ೧೦ ನಿಮಿಷ ಕಾಲ ಬೇಕ್ ಮಾಡಿ. ಇದರಿಂದ ಗೆರಟೆಯು ಒಡೆಯುವುದು ಮತ್ತು ಒಳಗಿನ ತಿರುಳನ್ನು ತೆಗೆಯಲು ಸುಲಭವಾಗುವುದು.
ಫ್ರೀಜ್ ಮಾಡಿ
ಕೆಲವು ಗಂಟೆಗಳ ಕಾಲ ಫ್ರೀಜ್ ಮಾಡಿದರೆ ಆಗ ವಾಲ್ನಟ್ ಗೆರೆಟೆ ತೆಗೆಯಲು ಸುಲಭವಾಗಲಿದೆ. ಫ್ರೀಜರ್ ನಲ್ಲಿ ಕೆಲವು ಗಂಟೆಗಳ ಕಾಲ ಇದನ್ನು ಇಟ್ಟುಬಿಡಿ. ಅದನ್ನು ಒಡೆಯುವ ಮೊದಲು ಫ್ರೀಜರ್ ನಿಂದ ತೆಗೆದು ಒಡೆಯಿರಿ. ಇದರಿಂದ ತುಂಬಾ ಕಡಿಮೆ ಸಮಯದಲ್ಲಿ ಅದರ ಗೆರಟೆ ಒಡೆಯುವುದು.
ಬಾಗಿಲಿನ ಮಧ್ಯೆ ಇಡಿ
ಇದು ಸ್ವಲ್ಪ ವಿಚಿತ್ರವೆಂದು ಅನಿಸಬಹುದು. ಆದರೆ ತುಂಬಾ ಸುಲಭವಾಗಿ ವಾಲ್ನಟ್ ಗೆರಟೆ ತೆಗೆಯಬಹುದು. ಬಾಗಿಲಿನ ಬದಿಯಲ್ಲಿಟ್ಟು ಬಾಗಿಲು ಹಾಕದಿರೆ ಆಗ ವಾಲ್ನಟ್ ಒಡೆಯುವುದು.