“ಕಾಟೇರ” ಸಕ್ಸಸ್ ಬೆನ್ನಲ್ಲೇ ಅಚ್ಚರಿ ಮಾಹಿತಿ ಹೊರಹಾಕಿದ ನಿರ್ದೇಶಕ ತರುಣ್ ಸುಧೀರ್ !?

ನಟನಾಗಿ ಚಿತ್ರರಂಗಕ್ಕೆ ಬಂದ ತರುಣ್​ ಸುಧೀರ್​ ನಂತರ ನಿರ್ದೇಶಕನಾಗಿದ್ದು ಯಾಕೆ!? ಎಂಬುವ ಪ್ರಶ್ನೆಗೆ ಉತ್ತರ ಕೊಟ್ಟಿದ್ದಾರೆ.

ತರುಣ್ ಸುಧೀರ್ ನಿರ್ದೇಶಿರುವ ಕಾಟೇರ ಸಿನಿಮಾ ವೀಕ್ಷಕರಿಂದ ಭರ್ಜರಿ ರೆಸ್ಪಾನ್ಸ್ ಪಡೆದಿದ್ದು, ಕೋಟಿ ಕೋಟಿ ಬಾಚುತ್ತಿದೆ.

ಇನ್ನೂ ಈ ಸಿನಿಮಾ ನಿರ್ದೇಶಿಸಿರುವ ತರುಣ್​ ಸುಧೀರ್ ಅವರು ಮೊದಲು ಚಿತ್ರರಂಗಕ್ಕೆ ಕಾಲಿಟ್ಟಿದ್ದು ನಟನಾಗಬೇಕು ಎಂಬ ಆಸೆಯಿಂದ. ಆದರೆ ನಿರ್ದೇಶಕನಾಗಿದ್ಯಾಕೆ ಎಂಬ ಬಗ್ಗೆ ಮಾಹಿತಿ ನೀಡಿದ್ದಾರೆ.

ನನ್ನ ಜೀವನದಲ್ಲಿ ನಾನು ಪ್ಲ್ಯಾನ್​ ಮಾಡಿಲ್ಲ. ಚಿತ್ರರಂಗದಲ್ಲಿ ಕೆಲಸ ಮಾಡಬೇಕು ಎಂಬುದಷ್ಟೇ ನನಗೆ ಗೊತ್ತಿರುವುದು. ನಮ್ಮ ತಂದೆ ಇಲ್ಲಿ ಸೇವೆ ಮಾಡಿದ್ದಾರೆ. ಅವರ ಹೆಸರಿಗೆ ಧಕ್ಕೆ ಬಾರದಂತೆ ನಡೆದುಕೊಳ್ಳಬೇಕು. ನಟನಾಗಿ ಒಂದಷ್ಟು ವರ್ಷ ಶ್ರಮಪಟ್ಟೆ. ಆದರೆ ಅದು ನನಗೆ ವಕೌರ್ಟ್​ ಆಗಲಿಲ್ಲ. ನಿರ್ದೇಶನ ಟ್ರೈ ಮಾಡು ಅಂತ ಸ್ನೇಹಿತರು ಹೇಳಿದರು. ಆಗ ಸಹ-ನಿರ್ದೇಶಕನಾಗಿ ಕೆಲಸ ಮಾಡಿ ಅನುಭವ ಪಡೆದೆ. ಆಮೇಲೆ ‘ಚೌಕ’ ಚಿತ್ರ ನಿರ್ದೇಶನ ಮಾಡಿದೆ. ಹಾಗೆ ನನ್ನ ಪಯಣ ಮುಂದುವರಿದಿದೆ ಎಂದು ಹೇಳಿದ್ದಾರೆ.