ಚಾಲೆಂಜಿಂಗ್ ಸ್ಟಾರ್ ದರ್ಶನ್ ನಟನೆಯ ಕಾಟೇರ ಸಿನಿಮಾ ರಿಲೀಸ್ ಆಗಿ ತಿಂಗಳು ಕಳೆದಿದ್ರು ಇಂದಿಗೂ ಸಾಕಷ್ಟು ಕ್ರೇಜ್ ಹುಟ್ಟಿಹಾಕಿದೆ. ಬಾಕ್ಸ್ ಆಫೀಸ್ ನಲ್ಲಿ ಕೋಟಿ ಕೋಟಿ ಕಲೆಕ್ಷನ್ ಮಾಡುತ್ತಿರುವ ಕಾಟೇರನನ್ನು ಇಂದಿಗೂ ಸಾಕಷ್ಟು ಮಂದಿ ನೋಡಿ ಮೆಚ್ಚಿಕೊಳ್ತಿದ್ದಾರೆ. ಇದೀಗ ಹಿರಿಯ ನಟಿ ಗಿರಿಜಾ ಲೋಕೇಶ್ ಕಾಟೇರ ಚಿತ್ರವನ್ನು ನೋಡಿ ಮನಸಾರೆ ಹೊಗಳಿದ್ದಾರೆ.
ಚಿತ್ರ ನೋಡಿ ಸೋಷಿಯಲ್ ಮೀಡಿಯಾದಲ್ಲಿ ಈ ಬಗ್ಗೆ ಗಿರಿಜಾ ಲೋಕೇಶ್ ಬರೆದುಕೊಂಡಿದ್ದಾರೆ. ದರ್ಶನ್ ಎಂತಹ ಮೈಕಟ್ಟು, ಎಂತಹ ಅಭಿನಯ, ಅದೆಂತಹ ಎತ್ತರ. ಕಾಟೇರ ಸಿನಿಮಾದಲ್ಲಿ ತೋರಿಸಿರುವ ಸಮಸ್ಯೆ ಇಂದು ನಿನ್ನೆಯದಲ್ಲ ಬಿಡಿ. ಇದು ಯಾವಾಗಲೂ ಇದೆ. ಅದನ್ನ ಚಿತ್ರದಲ್ಲಿ ತುಂಬಾ ಚೆನ್ನಾಗಿಯೇ ತೋರಿದ್ದಾರೆ. ಹಾಗೆ ಈ ಸಿನಿಮಾದಲ್ಲಿ ದರ್ಶನ್ ಮಾಡಿರೋ ಫೈಟ್ಸ್ ಬಲು ಇಷ್ಟ ಆಗಿದೆ ಎಂದು ಬರೆದುಕೊಂಡಿದ್ದಾರೆ.
ಕಾಟೇರ ಚಿತ್ರದಲ್ಲಿ ಹಲವು ಫೈಟ್ ದೃಶ್ಯಗಳಿವೆ. ಎಲ್ಲವೂ ನನಗೆ ತುಂಬಾನೆ ಇಷ್ಟ ಆಗಿವೆ. ಸಾಮಾನ್ಯವಾಗಿ ಹೆಣ್ಣುಮಕ್ಕಳಿಗೆ ಫೈಟ್ ಸೀನ್ ಇಷ್ಟ ಆಗೋದಿಲ್ಲ. ಆದರೆ ನನಗೆ ಬಲು ಇಷ್ಟ ಆಗಿವೆ ಎಂದು ನಟಿ ಗಿರಿಜಾ ಲೋಕೇಶ್ ಬರೆದುಕೊಂಡಿದ್ದಾರೆ.
ಕಾಟೇರ ಚಿತ್ರದಲ್ಲಿ ದರ್ಶನ್ ಅಕ್ಕನ ಪಾತ್ರದಲ್ಲಿ ನಟಿಸಿರುವ ಶೃತಿ ಪಾತ್ರವನ್ನು ಗಿರಿಜಾ ಲೋಕೇಶ್ ಮೆಚ್ಚಿಕೊಂಡಿದ್ದಾರೆ. ಶೃತಿ ತುಂಬಾನೆ ಚೆನ್ನಾಗಿ ಪಾತ್ರವನ್ನ ನಿರ್ವಹಿಸಿದ್ದಾರೆ ಎಂದು ಹೊಗಳಿದ್ದಾರೆ.
