ತುಮಕೂರು: ರಸ್ತೆಗೆ ಉರುಳಿದ ಡೀಸೆಲ್ ತುಂಬಿದ್ದ ಲಾರಿ, ಡೀಸೆಲ್ ಗಾಗಿ ಮುಗಿಬಿದ್ದ ಜನ!

ತುಮಕೂರು:- ಡೀಸೆಲ್ ತುಂಬಿದ್ದ ಲಾರಿ ಪಲ್ಟಿ ಹೊಡೆದ ಹಿನ್ನೆಲೆ, ಡೀಸೆಲ್ ಗೆ ಜನತೆ ಮುಗಿಬಿದ್ದ ಘಟನೆ ತುಮಕೂರು‌ ಜಿಲ್ಲೆ ತಿಪಟೂರು ತಾಲ್ಲೂಕಿನ ಹರಿಸಮುದ್ರ ಗೇಟ್ ಬಳಿ ಜರುಗಿದೆ.

ಅತಿ ವೇಗವಾಗಿ ಬಂದು ನಿಯಂತ್ರಣ ತಪ್ಪಿ ಡೀಸೆಲ್ ಲಾರಿ ಉರುಳಿ ಬಿದ್ದಿದೆ. ಈ ವೇಳೆ ಬೈಕ್‌ಗೆ ಡಿಕ್ಕಿಯಾಗಿ ರಸ್ತೆ ಮೇಲೆ ಡೀಸೆಲ್ ಲಾರಿ ಉರುಳಿಬಿದ್ದಿದೆ. ಬೈಕ್ ನಲ್ಲಿದ್ದ ಮಹಿಳೆ ಸರ್ವಮಂಗಳಗೆ ಸಣ್ಣಪುಟ್ಟ ಗಾಯವಾಗಿದೆ.

ಲಾರಿಯಿಂದ ಡೀಸೆಲ್ ಹರಿದ ಕಾರಣ ಡೀಸೆಲ್ ಗೆ ಜನತೆ ಮುಗಿಬಿದ್ದಿದ್ದಾರೆ. ನಾ ಮುಂದು ತಾ ಮುಂದು ಎಂದು ಜನತೆ ಡೀಸೆಲ್ ಕೊಂಡೊಯ್ದಿದ್ದಾರೆ. ಕ್ಯಾನ್,ಬಾಟಲ್ ಗಳಲ್ಲಿ ಡೀಸೆಲ್ ತುಂಬಿಕೊಂಡು ಜನರು ಹೋಗಿದ್ದಾರೆ. ತಿಪಟೂರು ಗ್ರಾಮಾಂತರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ಜರುಗಿದೆ.