ಚೆನ್ನೈ: 17ನೇ ಆವೃತ್ತಿ ಐಪಿಎಲ್ನಲ್ಲಿ ಕೋಲ್ಕತಾ ನೈಟ್ ರೈಡರ್ಸ್ ಈಗಾಗಲೇ ಫೈನಲ್ಗೇರಿದ್ದು, ಪ್ರಶಸ್ತಿ ಸುತ್ತಿಗೇರುವ ಮತ್ತೊಂದು ತಂಡ ಯಾವುದು ಎಂಬುದು ಇಂದು ನಿರ್ಧಾರವಾಗಲಿದೆ. 2ನೇ ಕ್ವಾಲಿಫೈಯರ್ ಪಂದ್ಯದಲ್ಲಿ ರಾಜಸ್ಥಾನ ರಾಯಲ್ಸ್ ಹಾಗೂ ಸನ್ರೈಸರ್ಸ್ ಹೈದರಾಬಾದ್ ಮುಖಾಮುಖಿಯಾಗಲಿದ್ದು, ಗೆಲ್ಲುವ ತಂಡ ಫೈನಲ್ ಪ್ರವೇಶಿಸಲಿದೆ. ಸೋತ ತಂಡ ಟೂರ್ನಿಯಿಂದ ಹೊರಬೀಳಲಿದೆ.
ಗುಂಪು ಹಂತದಲ್ಲಿ 2ನೇ ಸ್ಥಾನಿಯಾಗಿದ್ದ ಸನ್ರೈಸರ್ಸ್ ಕ್ವಾಲಿಫೈಯರ್-1ರಲ್ಲಿ ಕೋಲ್ಕತಾ ವಿರುದ್ಧ ಸೋತಿತ್ತು. ಅತ್ತ ರಾಜಸ್ಥಾನ ಎಲಿಮಿನೇಟರ್ ಪಂದ್ಯದಲ್ಲಿ ಆರ್ಸಿಬಿಯನ್ನು ಸೋಲಿಸಿ 2ನೇ ಕ್ವಾಲಿಫೈಯರ್ ಪ್ರವೇಶಿಸಿದೆ. ತೀವ್ರ ಪೈಪೋಟಿ: ಈ ಪಂದ್ಯ ಚೆನ್ನೈನ ಚೆಪಾಕ್ ಕ್ರೀಡಾಂಗಣದಲ್ಲಿ ನಡೆಯಲಿರುವ ಕಾರಣ ಕುತೂಹಲ ಹೆಚ್ಚಿಸಿದ್ದು, ಸನ್ರೈಸರ್ಸ್ನ ಸ್ಫೋಟಕ ಬ್ಯಾಟರ್ಗಳು ಹಾಗೂ ರಾಜಸ್ಥಾನದ ತಾರಾ ಸ್ಪಿನ್ನರ್ಗಳ ನಡುವೆ ತೀವ್ರ ಪೈಪೋಟಿ ಕಂಡುಬರುವ ನಿರೀಕ್ಷೆಯಿದೆ.
Aadhar Card ಬಳಕೆದಾರರಿಗೆ ಎಚ್ಚರಿಕೆ ನೀಡಿದ UIDAI.! ʻಆಧಾರ್ʼ ದುರ್ಬಳಕೆ ಮಾಡಿದ್ರೆ ಕಾದಿದೆ ಕಠಿಣ ಶಿಕ್ಷೆ
ಸನ್ರೈಸರ್ಸ್ ಆಕ್ರಮಣಕಾರಿ ಆಟದ ಮೂಲಕವೇ ಗಮನ ಸೆಳೆಯುತ್ತಿದೆ. ಆದರೆ ಚೆನ್ನೈ ಪಿಚ್ ಬೌಲಿಂಗ್ ಸ್ನೇಹಿಯಾಗಿರುವ ಕಾರಣ ತಂಡ ಯಾವ ರೀತಿ ಪ್ರದರ್ಶನ ನೀಡಲಿದೆ ಎಂಬ ಕುತೂಹಲಿದೆ. ಅಲ್ಲದೆ ಇದೇ ಕ್ರೀಡಾಂಗಣದಲ್ಲಿ ಸಿಎಸ್ಕೆ ವಿರುದ್ಧ ಲೀಗ್ ಹಂತದಲ್ಲಿ ಸನ್ರೈಸರ್ಸ್ ಕೇವಲ 134ಕ್ಕೆ ಆಲೌಟಾಗಿತ್ತು.
ಹೀಗಾಗಿ ಸ್ಫೋಟಕ ಬ್ಯಾಟರ್ಗಳಾದ ಟ್ರ್ಯಾವಿಸ್ ಹೆಡ್(533 ರನ್), ಅಭಿಷೇಲ್ ಶರ್ಮಾ(470), ಹೆನ್ರಿಚ್ ಕ್ಲಾಸೆನ್(413)ಗೆ ರಾಜಸ್ಥಾನದಿಂದ ಪ್ರಬಲ ಸವಾಲು ಎದುರಾಗುವುದು ಖಚಿತ. ಅಲ್ಲದೆ ಆರಂಭಿಕರು ವಿಫಲರಾದರೆ ಬಳಿಕ ತಂಡ ಹೀನಾಯ ಪ್ರದರ್ಶನ ತೋರಿದ ಉದಾಹರಣೆ ಇದ್ದು, ಈ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳದಿದ್ದರೆ ತಂಡದ ಫೈನಲ್ ಹಾದಿ ಕಷ್ಟವಾಗಲಿದೆ. ಬೌಲರ್ಗಳೂ ತಂಡದ ಕೈಹಿಡಿಯಬೇಕಾದ ಅಗತ್ಯವಿದೆ.
ಒಟ್ಟು ಮುಖಾಮುಖಿ: 19
ರಾಜಸ್ಥಾನ: 09
ಹೈದ್ರಾಬಾದ್: 10
ಸಂಭವನೀಯ ಆಟಗಾರರ ಪಟ್ಟಿ
ರಾಜಸ್ಥಾನ: ಜೈಸ್ವಾಲ್, ಕೊಹ್ಲೆರ್, ಸಂಜು(ನಾಯಕ), ರಿಯಾನ್, ಪೊವೆಲ್, ಜುರೆಲ್, ಅಶ್ವಿನ್, ಬೌಲ್ಟ್, ಸಂದೀಪ್, ಆವೇಶ್, ಚಹಲ್.
ಹೈದ್ರಾಬಾದ್: ಹೆಡ್, ಅಭಿಷೇಕ್, ತ್ರಿಪಾಠಿ, ಕ್ಲಾಸೆನ್, ನಿತೀಶ್, ಸಮದ್, ಶಾಬಾಜ್, ಕಮಿನ್ಸ್(ನಾಯಕ), ಭುವನೇಶ್ವರ್, ನಟರಾಜನ್, ವಿಜಯಕಾಂತ್.