ಪ್ರಪಂಚದಲ್ಲೇ ಅತ್ಯಂತ ಹೆಚ್ಚು ಬಳಕೆದಾರರನ್ನು ಹೊಂದಿರುವ ಜನಪ್ರಿಯ ಇನ್‌ಸ್ಟಂಟ್ ಮೆಸೇಜಿಂಗ್‌ ಪ್ಲಾಟ್‌ಫಾರ್ಮ್‌ whatsapp ತನ್ನ ಅಪ್ಲಿಕೇಶನ್‌ನಲ್ಲಿ ಹೊಸ ವೈಶಿಷ್ಟ್ಯಗಳನ್ನು ಸೇರಿಸುವಲ್ಲಿ ಸಾಕಷ್ಟು ಸಕ್ರಿಯವಾಗಿರುವುದನ್ನು ನಾವೆಲ್ಲರೂ ತಿಳಿಸಿದ್ದೇವೆ. ಕಾಲಕ್ಕೆ ತಕ್ಕಂತೆ ಹೊಸ ಹೊಸ ಫೀಚರ್ಸ್‌ಗಳನ್ನು ಸೇರ್ಪಡೆ ಮಾಡುತ್ತಲೇ ಬಂದಿರುವ whatsapp ನಲ್ಲಿ ಕೆಲವೊಮ್ಮೆ ಈ ಎಲ್ಲಾ ಹೊಸ ಫೀಚರ್ಸ್‌ಗಳನ್ನು ಎಲ್ಲರೂ ಟ್ರ್ಯಾಕ್ ಮಾಡಲು ಸಾದ್ಯವಾಗುವುದೇ ಇಲ್ಲ. ಸಾಮಾಜಿಕ ಜಾಲತಾಣಗಳಲ್ಲಿ ಅತ್ಯಂತ ಜನಪ್ರಿಯವಾದ ವಾಟ್ಸಾಪ್ ಆಗಿಂದ್ದಾಗ್ಗೆ ಹೊಸ ಹೊಸ ಫೀಚರ್`ಗಳನ್ನ ಪರಿಚಯಿಸುವ ಮೂಲಕ ಗ್ರಾಹಕರ ಮೆಚ್ಚುಗೆ ಗಳಿಸುತ್ತಿದೆ. ಇದೀಗ, ಬಳಕೆದಾರರ ಊಹೆಗೂ ಮೀರಿದ ಫೀಚರ್`ವೊಂದನ್ನ ಪರಿಚಯಿಸಲು ಸಿದ್ಧತೆ ನಡೆಸಿದೆ.
ಅದ್ದೂರಿಯಾಗಿ ನಡೆದ ನಾಯಕನಹಟ್ಟಿ ಶ್ರೀ ಗುರು ತಿಪ್ಪೇಸ್ವಾಮಿ ರಥೋತ್ಸವ
ಜನಪ್ರಿಯ ವಾಟ್ಸಪ್ ಈ ಮೊದಲು 2GB ಫೈಲ್ ಹಂಚುವ ಹೊಸ ಫೀಚರ್ ಪರಿಚಯಿಸಿತ್ತು. ಆದರೀಗ ಮೆಟಾ ಒಡೆತನದ ಈ ಅಪ್ಲಿಕೇಶನ್ ಇಂಟರ್ನೆಟ್ ಇಲ್ಲದೆ ಫೈಲ್ ಅಥವಾ ಫೋಟೋ ಶೇರ್ ಮಾಡುವ ಆಯ್ಕೆಯನ್ನು ಸದ್ಯದಲ್ಲೇ ಪರಿಚಯಿಸಲಿದೆ ಎಂದು ವರದಿಯಾಗಿದೆ.
ಅಚ್ಚರಿ ಸಂಗತಿ ಎಂದರೆ ಆಫ್ಲೈನ್ ಮೋಡ್ನಲ್ಲಿ ಫೈಲ್ ಹಂಚುವ ಆಯ್ಕೆಯನ್ನು ಪರಿಚಯಿಸಲಿದೆ ಎಂಬ ಸುದ್ದಿ. ಅದಕ್ಕಾಗಿ ಬ್ಲೂಟೂತ್ ಸಹಾಯ ಪಡೆಯಲಿದೆ ಎಂದು ಹೇಳಲಾಗುತ್ತಿದೆ.
ಸದ್ಯ ವಾಟ್ಸಪ್ ಆಫ್ಲೈನ್ನಲ್ಲಿ ಫೋಟೋ ಹಂಚುವ ಫೀಚರ್ ಬಗ್ಗೆ ಕೆಲಸ ಮಾಡುತ್ತಿದೆ ಎನ್ನಲಾಗುತ್ತಿದೆ. ಅದರೊಂದಿಗೆ ಬೀಟಾ ಆವೃತ್ತಿಯೊಂದಿಗೆ ನೂತನ ಫೀಚರ್ ಅನ್ನು ಪರೀಕ್ಷಿಸಲಾಗುತ್ತಿದೆ ಎಂದು ತಿಳಿದು ಬಂದಿದೆ.
ಅಂದಹಾಗೆ ಆಫ್ಲೈನ್ ಮೋಡ್ನಲ್ಲಿ ಫೈಲ್ ಹಂಚಿಕೊಳ್ಳುವ ಹೊಸ ಫೀಚರ್ ವಾಟ್ಸಪ್ನಲ್ಲಿ ಗೋಚರಿಸಲಿದೆಯಂತೆ. ಇದರ ಮೂಲಕ ಗ್ಯಾಲರಿಯಲ್ಲಿರುವ ಫೋಟೋ, ವಿಡಿಯೋ ಅಥವಾ ಫೈಲ್ ಹಂಚಿಕೊಳ್ಳಬಹುದಾಗಿದೆ. ಇನ್ನು ಈ ಫೀಚರ್ ಬೇಡವಾದರೆ ನಿಷ್ಕ್ರೀಯಗೊಳಿಸಬಹುದಾದ ಆಯ್ಕೆ ವಾಟ್ಸಪ್ ನೀಡಲಿದೆಯಂತೆ.
ಇಷ್ಟು ದಿನ ವಾಟ್ಸಪ್ ಇಂಟರ್ನೆಟ್ನಲ್ಲಿ ಕಾರ್ಯನಿರ್ವಹಿಸುತ್ತಿತ್ತು. ಅದರ ಮೂಲಕ ಫೋಟೋ, ವಿಡಿಯೋ, ಫೈಲ್ಗಳನ್ನು ಕಳುಹಿಸಲಾಗುತ್ತಿತ್ತು. ಆದರೆ ಇದೀಗ ಇಂಟರ್ನೆಟ್ ಇಲ್ಲದೆಯೇ ಅಥವಾ ಆಫ್ಲೈನ್ ಮೋಡ್ನಲ್ಲಿ ಫೈಲ್ ಕಳುಹಿಸಲು ಸಾಧ್ಯವಾಗುವುದನ್ನು ಕಾಣಲು ಬಳಕೆದಾರರು ಕಾದುಕುಳಿತಿದ್ದಾರೆ.
